fbpx

အထူးကျွမ်းကျင်လုပ်သားဖြင့် လုပ်ကိုင်ရင်း ရုတ်တရက်အလုပ်ဖြုတ်ခံရလျှင်

နိုင်ငံခြားသားတစ်ဦးသည် အထူးကျွမ်းကျင်လုပ်သားဖြင့် စတင်လုပ်ကိုင်ပြီး မကြာမှီ အလုပ်ဖြုတ်ခံလိုက်ရသည်။

အထူးကျွမ်းကျင်လုပ်သားသည် အလုပ်ပြောင်းရွေ့နိုင်သော်လည်း အလုပ်အကိုင်အသစ်ကို ချက်ချင်း ရှာမတွေ့နိုင်သောကြောင့် အခက်တွေ့ခဲ့ရသည်။ မည်သို့ဖြေရှင်းခဲ့ကြောင်းကို မိတ်ဆက်ပေးပါမည်။


တိုင်ပင်ဆွေးနွေးမှုအကြောင်းအရာနှင့် တုံ့ပြန်လုပ်ဆောင်ချက်

အလုပ်ဖြုတ်ကြောင်းအသိပေးခြင်း

တိုင်ပင်ဆွေးနွေးသူသည် အသက် 20 အရွယ် အမျိုးသားဖြစ်ပြီး စားသောက်ဆိုင်တွင် အထူးကျွမ်းကျင်လုပ်သားနိုင်ငံခြားသားအဖြစ် စတင်အလုပ်လုပ်ကိုင်ခဲ့သည်။ သို့သော် သင်တန်းပြီးနောက် တရားဝင်အလုပ်စတင်လုပ်ကိုင်ပြီး 10 ရက်အကြာတွင် ဆိုင်မှ အလုပ်ထွက်ရန် ပြောဆိုခံခဲ့ရသည်။

အလုပ်သမားရေးရာစီရင်အကဲဖြတ်မှုလုပ်ထုံးလုပ်နည်း

သူသည် ရှေ့နေထံ အကူအညီတောင်း၍ ညှိနှိုင်းခဲ့သော်လည်း ဆိုင်ဘက်မှ “ကာယကံရှင်ထံမှ အလုပ်ထွက်စာတင်ခြင်းဖြစ်သည်” ဟု အခိုင်အမာပြောဆိုခဲ့သည့်အတွက် ရှေ့နေသည် “အလုပ်သမားရေးရာစီရင်အကဲဖြတ်မှုလုပ်ထုံးလုပ်နည်း” ကို တင်သွင်းခဲ့သည်။

အလုပ်သမားရေးရာစီရင်အကဲဖြတ်ကော်မတီသည် တိုင်ပင်ဆွေးနွေးသူဘက်မှ အခိုင်အမာပြောဆိုမှုကို အသိအမှတ်ပြုပြီး အလုပ်ဆက်လက်ခန့်အပ်ရန်နှင့် မပေးချေရသေးသောလုပ်အားခများကို ပေးချေရန် အမိန့်ချမှတ်ခဲ့သည်။

ဆိုင်ဘက်မှ ကန့်ကွက်စာတင်ပြီး တရားရင်ဆိုင်ခဲ့သော်လည်း အလုပ်သမားအကဲဖြတ်မှုနှင့်တူညီသောအကြောင်းအရာဖြင့် ပြေလည်မှုရရှိခဲ့သည်။


ရှေ့နေ၏ အခိုင်အမာပြောဆိုချက်

အလုပ်အကိုင်အသစ်ရှာဖွေခြင်းသည် ခက်ခဲသည်

“တိုင်ပင်ဆွေးနွေးသူမှ အလုပ်ထွက်စာတင်ခြင်းဖြစ်သည်” ဟူသည့် ဆိုင်ရှင်၏ အခိုင်အမာပြောဆိုချက်အပေါ် ရှေ့နေသည် အောက်ပါအတိုင်း တုံ့ပြန်ချေပခဲ့သည်။

  • အထူးကျွမ်းကျင်လုပ်သားဖြင့် အလုပ်ပြောင်းရွေ့ရန်အတွက် အလုပ်အသစ်နှင့် အလုပ်ခန့်အပ်မှုသဘောတူညီချက်စာချုပ်ကို ချုပ်ဆိုပြီးမှ နေထိုင်ခွင့်ဗီဇာကို ပြောင်းရန် လိုအပ်ပြီး အလွယ်တကူအလုပ်ပြောင်း၍ ရနိုင်သည်မဟုတ်ပါ။
  • အထူးကျွမ်းကျင်လုပ်သားနိုင်ငံခြားသားကို အလုပ်ခန့်အပ်သည့် ကုမ္ပဏီသည် နိုင်ငံခြားသား၏ နေထိုင်မှုကူညီထောက်ပံ့ရေးစသည်ကို လုပ်ဆောင်ရန်လိုအပ်ပြီး အလွယ်တကူ ဝန်ထမ်းရှာဖွေနိုင်မည်မဟုတ်ပါ။
  • အလုပ်အကိုင်အသစ် ရှာမတွေ့သေးဘဲ ကာယကံရှင်မှ အလုပ်ထွက်စာ တင်နိုင်မည်မဟုတ်ပါ။

ထို့အပြင် ထိုသူသည် တစ်နှစ်စာချုပ်ဖြင့် အလုပ်စတင်လုပ်ကိုင်ခဲ့သည်။ အလုပ်သမားစာချုပ်ဥပဒေတွင် ကာလသတ်မှတ်ထားသည့် အလုပ်ခန့်အပ်မှုသဘောတူညီချက်စာချုပ်သည် “မလွှဲမရှောင်သာသောအကြာင်းပြချက် (အကြောင်းအရင်း) ” မရှိပါက တစ်ဝက်တစ်ပျက်ကာလတွင် အလုပ်ဖြုတ်၍မရဟု သတ်မှတ်ထားရှိသည်။ ဆိုင်သည် “မလွှဲမရှောင်သာသောအကြာင်းပြချက်” ကို ရှင်းပြထားခြင်းမရှိပါ။


နောက်ပိုင်းနေထိုင်မှု

ပြေလည်မှု ရရှိခဲ့ပြီး အလုပ်ပြန်ဝင်ခွင့်ရရှိခဲ့သော်လည်း ကျေအေးငွေကို လက်ခံကာ အလုပ်ထွက်ခဲ့သည်။

အထူးကျွမ်းကျင်လုပ်သားသည် မူလအားဖြင့် အချိန်ပိုင်းအလုပ် မလုပ်ကိုင်နိုင်သော်လည်း ကိုရိုနာဗိုင်းရပ်စ်အထူးကိစ္စကြောင့် အလုပ်ပြုတ်သွားသော အထူးကျွမ်းကျင်လုပ်သား နိုင်ငံခြားသားများသည်လည်း အချိန်ပိုင်းအလုပ် လုပ်ကိုင်နိုင်သည် (2021 ခုနှစ် မတ်လအချိန်)။ ထိုသူသည် အချိန်ပိုင်းအလုပ်ကို လုပ်ကိုင်ရင်းဖြင့် အထူးကျွမ်းကျင်လုပ်သားဖြင့် အလုပ်အသစ်ကို ရှာဖွေရန် ဆုံးဖြတ်ခဲ့သည်။


အလုပ်သမားရေးရာစီရင်အကဲဖြတ်မှုလုပ်ထုံးလုပ်နည်းဆိုသည်မှာ

  • အလုပ်ဖြုတ်ခြင်းနှင့် လစာမပေးခြင်းစသည့် အလုပ်သမားပြဿနာများကို လျင်မြန်စွာ ဖြေရှင်းရန်အတွက် လုပ်ထုံးလုပ်နည်းဖြစ်သည်။
  • အလုပ်သမားအကဲဖြတ်သူ (တရားသူကြီး) 1 ဦးနှင့် အလုပ်သမားရေးရာစီရင်အကဲဖြတ်သူ (ပုဂ္ဂလိကကျွမ်းကျင်သူ) 2 ဦးတို့ပါဝင်သော အလုပ်သမားရေးရာစီရင်အကဲဖြတ်ကော်မတီက ဆောင်ရွက်သည်။
  • 70 % သောဖြစ်ရပ်များသည် တင်သွင်းပြီး 3 လအတွင်း ပြီးဆုံးသည်။
  • စကားပြောရုံဖြင့် မဖြေရှင်းနိုင် (မဖြန်ဖြေနိုင်) ပါက “အလုပ်သမားရေးရာစီရင်အကဲဖြတ်မှု” ဟူသည့် တရားစီရင်ခြင်းကို ပြုလုပ်သည်။ တရားစီရင်မှုတွင် မကျေနပ်ပါက တရားဝင်တရားရင်ဆိုင်ရမည်။

ဂျပန်နိုင်ငံတွင် မိုဘိုင်းလ်ဖုန်းနှင့် Wi-Fi အသုံးပြုနည်း

ဂျပန်နိုင်ငံရှိ မိုဘိုင်းလ်ဖုန်းများသည် စာချုပ်စနစ်ဖြစ်သည်။

ဂျပန်နိုင်ငံသို့လာရောက်မည့်သူ၊ ဂျပန်နိုင်ငံတွင်နေထိုင်နေပြီး မိုဘိုင်းလ်ဖုန်းကုမ္ပဏီနှင့် စာချုပ်သစ်ချုပ်ဆိုခြင်းနှင့် စာချုပ်ပြောင်းလဲရန်စဥ်းစားနေသူများအတွက် မိုဘိုင်းလ်ဖုန်းကုမ္ပဏီ (SIM) အကောင်းဆုံးရွေးချယ်နည်းကို ပြောပြပေးပါမည်။


ဖုန်းနှင့် ဒေတာဆက်သွယ်ရေးကို အသုံးပြုရန်အတွက်

◆ မိုဘိုင်းလ်ဖုန်းကုမ္ပဏီနှင့် စာချုပ်ချုပ်ဆိုခြင်း

ဂျပန်တွင် အသံခေါ်ဆိုမှု (Voice call) နှင့် ဒေတာဆက်သွယ်မှု (အင်တာနက်ချိတ်ဆက်မှု) အသုံးပြုရန်အတွက် မိုဘိုင်းလ်ဖုန်းကုမ္ပဏီ (ဆက်သွယ်ရေးကုမ္ပဏီ = ဝန်ဆောင်မှုပေးသူ) နှင့် စာချုပ်ချုပ်ဆိုရန် လိုအပ်ပါသည်။

  • လစဉ်ကြေးစနစ်
  • လစဉ် အခကြေးငွေများကို ဆက်သွယ်ရေး၊ ဖုန်းခေါ်ဆိုမှု အစီအစဉ်များပေါ်မူတည်၍ သတ်မှတ်ပါသည်
  • စာချုပ်များကို ဝန်ဆောင်မှုပေးသူ၏ လက်လီစတိုးနှင့် အေဂျင်စီတွင် ချုပ်ဆိုပါ (အချို့ကုမ္ပဏီများသည် အွန်လိုင်းတွင် စာရင်းသွင်းနိုင်သည်။)
  • ဝန်ဆောင်မှုပေးသူ အများအပြားကို ကိုင်တွယ်သည့် စုပေါင်းအရောင်းကိုယ်စားလှယ်ဆိုင်များလည်း ရှိပါသည် (အိမ်သုံးလျှပ်စစ်ပစ္စည်း အစုလိုက် လက်လီရောင်းချသူများ စသည်)
  • စာချုပ်ချုပ်ဆိုချိန်တွင် လျှောက်ထားသူသည် ကာယကံရှင်ကိုယ်တိုင်ဖြစ်ကြောင်း အတည်ပြုရန် လိုအပ်ပါသည် (နေထိုင်ခွင့်ကတ်စသည်တို့ကို တင်ပြပါ)

◆ ငွေပေးချေမှုနည်းလမ်း ဥပမာ

  • ဘဏ်အကောင့်မှ ငွေနှုတ်ယူခြင်း
  • ခရက်ဒစ်ကတ်
  • ကွန်ဗီနီတွင် ငွေပေးချေခြင်း

မိုဘိုင်းလ်ဖုန်းဝယ်ယူချိန်တွင် သတိပြုရမည့်အချက်များ

◆အလျင်စလိုဝယ်စရာမလိုပါ

အခုမှစ၍ ဂျပန်နိုင်ငံသို့သွားမည့်သူသည် မိုဘိုင်းလ်ဖုန်း (Terminal) ယူဆောင်သွားကြပါ။ ထိုဖုန်းဖြင့် အချိန်ခဏလောက်အသုံးပြုထားပြီး ဂျပန်တွင်နေသားကျပြီးမှ အသစ်တစ်လုံးဝယ်မည်ဆိုလျှင်လည်း နောက်မကျသေးပါ။

◆SIM lock

ဂျပန်နိုင်ငံ၏ မိုဘိုင်းလ်ဖုန်းကုမ္ပဏီတစ်ခုမှ စက်ပစ္စည်းတစ်ခုကို ဝယ်ယူပါက များသောအားဖြင့် အခြားကုမ္ပဏီတစ်ခု၏ SIM ကတ်ကို အသုံးမပြုနိုင်ပါ။

၎င်းကို “SIM lock” ဟုခေါ်သည်။ “SIM lock” ကို ပယ်ဖျက်ပါက အခြားကုမ္ပဏီ၏ SIM ကိုလည်း အသုံးပြုနိုင်ပါသည်။ မိုဘိုင်းလ်ဖုန်းကုမ္ပဏီ၏ စတိုးဆိုင်တွင် လုပ်ဆောင်နည်းကို မေးမြန်းပါ။


Wi-Fi အခြေအနေ

◆ အခမဲ့ Wi-Fi

နိုင်ငံတစ်ဝှမ်းရှိ လေဆိပ်များ၊ ကွန်ဗီနီများနှင့် ကော်ဖီဆိုင်များတွင် အခမဲ့ Wi-Fi ဖြင့် ချိတ်ဆက်နိုင်ပါသည်။

စိတ်မကောင်းစွာဖြင့်၊ ဂျပန်နိုင်ငံတွင် အခမဲ့ Wi-Fi နေရာများ အများအပြား မရှိသေးပါ။

◆အင်တာနက်ချိတ်ဆက်မှုစာချုပ်

နေအိမ်စသည်တို့တွင် Wi-Fi သုံးနိုင်ရန်အတွက် ဆက်သွယ်ရေးကုမ္ပဏီနှင့် စာချုပ်ချုပ်ဆိုရန် လိုအပ်ပါသည်။

စာချုပ်ပါလုပ်ငန်းစဉ်ကို ဆက်သွယ်ရေးကုမ္ပဏီ၏ စတိုးဆိုင် သို့မဟုတ် ဝက်ဘ်ဆိုက်တွင် လုပ်ဆောင်နိုင်သည်။ လစဉ်ကြေးမှာ ယန်း 4,000 မှ 6,000 အထိဖြစ်သည်။

※ နည်းပညာအလုပ်သင် သင်တန်းသားများဖြစ်ပါက ကုမ္ပဏီအဆောင်များ အများစုတွင် Wi-Fi ရှိသည်။


မိုဘိုင်းလ်ဖုန်းကုမ္ပဏီ (SIM) ရွေးချယ်နည်း

နည်းပညာအလုပ်သင် သင်တန်းသားများဖြစ်ပါက အဆောင်ရှိ Wi-Fi ကို အဓိကအသုံးပြုကြပြီး မိခင်နိုင်ငံပြန်သည်အထိ SIM ကိုအသုံးမပြုဘဲ နေထိုင်သွားသူများလည်း အများအပြားရှိပါသည်။

သို့သော်၊ ပညာတော်သင်ကျောင်းသားဖြစ်ပါက အချိန်ပိုင်းအလုပ်နှင့် အလုပ်အကိုင်ရှာဖွေခြင်းအတွက် မိုဘိုင်းလ်ဖုန်းနံပါတ်ကို လိုအပ်လေ့ရှိပါသည်။

ဂျပန်နိုင်ငံတွင် SIM ကို အသုံးပြုရန်အတွက် ဝန်ဆောင်မှုပေးသူနှင့် စာချုပ်ချုပ်ဆိုပြီး ဆက်သွယ်ရေးနှင့် ဖုန်းခေါ်ဆိုခများကို လစဉ် ပေးဆောင်ရန် လိုအပ်ပါသည်။ ဝန်ဆောင်မှုပေးသူနှင့် စာချုပ်အကြောင်းအရာများ (Planရွေးချယ်မှု) ပေါ်မူတည်၍ အခကြေးငွေမှာ အလွန်ကွာခြားပါသည်။

◆ အကောင်းဆုံးဝန်ဆောင်မှုပေးသူမှာ အရည်အသွေးမြင့်ပြီး ဈေးနှုန်းမြင့်မားသည်

ဂျပန်နိုင်ငံ၏ အကောင်းဆုံးဝန်ဆောင်မှုပေးသူ (ဆက်သွယ်ရေးကုမ္ပဏီ) မှာ docomo၊ au၊ SoftBank စသည်တို့ဖြစ်ပြီး ဒေတာဆက်သွယ်မှုအမြန်နှုန်းနှင့် ဖုန်းခေါ်ဆိုမှုအရည်အသွေးသည် ကောင်းမွန်သည်ဟု ဆိုကြပါသည်။

သို့သော်လည်း ဆက်သွယ်ရေးနှင့် ဖုန်းခေါ်ဆိုခများသည် တစ်လလျှင် ယန်း 5000 မှ 8000 ခန့်အထိ ရှိသည်။

◆ စျေးသက်သာသော SIM ကိုအသုံးပြုသူလည်းများပြားသည်

ဆက်သွယ်ရေးကုန်ကျစရိတ်များကို ချွေတာရန်အတွက် စျေးသက်သာသော SIM များကို အသုံးပြုသူများလည်း များပြားလာပါသည်။

  • GTN Mobile (ဘာသာစကား 8 မျိုး)
  • SIM VANG (ဂျပန်ဘာသာ၊ ဗီယက်နမ်ဘာသာ)
  • UQ mobile
  • Y!mobile (ဝိုင်မိုဘိုင်းလ်)
  • mineo (မိုင်နဲအို)
  • Open Computer Network (OCN) 
  • IIJmio (အိုင်အိုင်ဂျေမိအို) 
  • BIGLOBE mobile

◆ စျေးသက်သာသော SIM ၏ အစီအစဉ်များနှင့် ဈေးနှုန်းများ

စျေးသက်သာသော SIM များကို “အသံခေါ်ဆိုမှုအစီအစဉ်များ” နှင့် “ဒေတာဆက်သွယ်ရေးသုံးအစီအစဉ်များ” ဟူ၍ ကျယ်ပြန့်စွာ ပိုင်းခြားထားသည်။

ခြားနားချက်မှာ အသံခေါ်ဆိုမှု ရှိ၊ မရှိ ပင်ဖြစ်သည်။ လစဉ် ယန်း 2,000 အောက် နှုန်းထားရှိသည့် အစီအစဉ်များစွာ ရှိပါသည်။

※ စျေးသက်သာသော SIM များအကြောင်းပိုမိုသိရှိလိုပါက အောက်ပါဆောင်းပါးကို ဖတ်ရှုပါ။

မိုဘိုင်းလ်ဖုန်းကုမ္ပဏီ (SIM) အကောင်းဆုံးရွေးချယ်နည်း| KOKORO

စျေးသက်သာသော SIM ၏ အခကြေးငွေနှင့် ငွေပေးချေနည်း|KOKORO

ဂျပန်နိုင်ငံ၏အခွန်များအကြောင်း

နိုင်ငံသား၊ နေထိုင်ခွင့်ဗီဇာနှင့်မဆိုင်ဘဲ ဂျပန်နိုင်ငံတွင် အလုပ်လုပ်ကိုင်သည့်သူများသည် ‟ဝင်ငွေခွန်” နှင့် ‟နေထိုင်ခွန်” ကိုပေးဆောင်ရသည်။ ဤအခွန် 2 မျိုး၏ အခွန်အခ၊ စားသုံးခွန်နှင့် ပတ်သက်၍ ရှင်းပြပေးပါမည်။


ဝင်ငွေခွန်ဆိုသည်မှာ

ဂျပန်လူမျိုးများရော နိုင်ငံခြားသားများပါ ဂျပန်နိုင်ငံတွင် အလုပ်လုပ်ပြီး လစာရရှိပါက “ဝင်ငွေခွန်” ကို ပေးဆောင်ရသည်။

  • ဝင်ငွေခွန်သည် နိုင်ငံအတွက် ပေးဆောင်ရသော အခွန်ဖြစ်သည်။
  • ဝင်ငွေကို အခွန်နှုန်းဖြင့် မြှောက်ခြင်းဖြင့် ဝင်ငွေခွန်ပမာဏကို တွက်ချက်သည်။ ဝင်ငွေ မြင့်မားလေ အခွန်နှုန်း မြင့်မားလေဖြစ်သည်။
  • ဝင်ငွေခွန်ကို လစဉ်လစာမှ နုတ်ယူပြီး ဝန်ထမ်းများကိုယ်စား နိုင်ငံထံသို့ ကုမ္ပဏီမှ ပေးဆောင်ပါသည်။

ဝင်ငွေခွန်ကိစ္စနှင့်ပတ်သက်၍

ဂျပန်နိုင်ငံတွင် အလုပ်လုပ်သည့်အခါ ရရှိသည့် လစာဖြတ်ပိုင်းများတွင် အောက်ပါအချက်များ ပါဝင်သောကြောင့် အဓိပ္ပာယ်ကို ရှင်းပြပေးပါမည်။

① ငွေပေးချေမှု ပမာဏအခြေခံလစာနှင့် အချိန်ပိုကြေးများကဲ့သို့သော ကုမ္ပဏီမှပေးချေသည့် ငွေပမာဏအားလုံးဖြစ်သည်။
“လစာ” ဟုလည်း ခေါ်ပါသည်။
② လူမှုဖူလုံရေးအာမခံ・ကျန်းမာရေးအာမခံ
・လူမှုဖူလုံရေးပင်စင်အာမခံ
・အလုပ်အာမခံ
・အလုပ်သမား မတော်တဆမှု လျော်ကြေးငွေ အာမခံ
③ အခွန်ဆောင်ရမည့်ပမာဏ①-② ၏ ပမာဏ
④ ဝင်ငွေခွန်③ ၏ပမာဏကို အခွန်နှုန်းဖြင့် မြှောက်လိုက်လျှင် ဝင်ငွေခွန်၏ ပမာဏဖြစ်သည်။
ရှင်းလင်းချက်

ပညာတော်သင်ကျောင်းသားများအတွက် အချိန်ပိုင်းအလုပ်နှင့် အခွန်

ပညာတော်သင်ကျောင်းသားများသည် “လူမှုဖူလုံရေးပင်စင်အာမခံ” နှင့် “ကျန်းမာရေး အာမခံ” ကို ထည့်၍ မရနိုင်သောကြောင့် ထိုကုန်ကျစရိတ်ကို အချိန်ပိုင်းအလုပ်၏ လစာမှ မနုတ်ယူပါ။

၎င်းအစား၊ “အမျိုးသားပင်စင်” နှင့် “အမျိုးသားကျန်းမာရေးအာမခံ” တွင် စာရင်းသွင်းရမည်။ ထိုအပြင်၊ “အလုပ်အာမခံ” သည် အခြေခံအားဖြင့် ပညာတော်သင်ကျောင်းသားများအတွက် မသက်ဆိုင်သောကြောင့် ထိုကုန်ကျစရိတ်ကိုလည်း နုတ်ယူမည်မဟုတ်ပါ။

ပညာတော်သင်ကျောင်းသားများအတွက် ၀င်ငွေခွန်နှုန်းထားများသည် ဂျပန်နိုင်ငံတွင် နေထိုင်ခဲ့သည့် နှစ်အရေအတွက်နှင့် လစာပမာဏပေါ်မူတည်၍ ကွဲပြားသည်။

※ တရုတ်လူမျိုး၊ ကိုးရီးယားလူမျိုးနှင့် ထိုင်းလူမျိုးကဲ့သို့သော ပညာတော်သင်ကျောင်းသားများ၏ အချိန်ပိုင်း လစာများအပေါ် ပုံမှန်အားဖြင့် ဝင်ငွေခွန် ကောက်ခံခြင်း မရှိပါ။

ဤသည်မှာ ၎င်းနိုင်ငံများနှင့် ဂျပန်နိုင်ငံတို့ကြား ချုပ်ဆိုထားသည့် သဘောတူညီချက်စာချုပ်ကြောင့် ဖြစ်သည်။ သို့သော်လည်း ဗီယက်နမ်နိုင်ငံကဲ့သို့ ဂျပန်နိုင်ငံနှင့် သဘောတူညီချက်စာချုပ် ချုပ်ဆိုထားခြင်းမရှိသော နိုင်ငံများမှ ပညာတော်သင် ကျောင်းသားများ၏ အချိန်ပိုင်း လစာများအပေါ်တွင် ဝင်ငွေခွန် ကောက်ခံပါသည်။


နေထိုင်ခွန်နှင့်ပတ်သက်၍

မြို့၊ ရပ်ကွက်၊ မြို့နယ်၊ ကျေးရွာသို့ ပေးဆောင်ရသောအခွန်နှင့် ခရိုင်သို့ ပေးဆောင်ရသောအခွန် 2 ခုကို စုပေါင်း၍ နေထိုင်ခွန်ဟုခေါ်သည်။ ဇန်နဝါရီလ 1 ရက်နေ့အထိ လိပ်စာ (နေထိုင်ကြောင်းကတ်) ရှိသည့် မြို့၊ ရပ်ကွက်၊ မြို့နယ်၊ ကျေးရွာတွင် အခွန် 2 ခု ကို စုပေါင်း၍ ပေးဆောင်ရသည်။

  • နေထိုင်ခွန်ကို ယခင်နှစ် ဇန်နဝါရီလမှ ဒီဇင်ဘာလအထိ ဝင်ငွေအပေါ် စည်းကြပ်ကောက်ခံပြီး၊ ထိုနှစ် ဇွန်လမှ နောက်နှစ်၏ မေလအထိ လစာထဲမှ လစဉ် နုတ်ယူမည်ဖြစ်သည်။ ထိုအတွက် ဂျပန်နိုင်ငံတွင် အလုပ်စတင်လုပ်ကိုင်သော နိုင်ငံခြားသားများသည်၊ 1 နှစ်မြောက်တွင် ဝင်ငွေခွန်ကိုသာ နုတ်ယူပြီး၊ 2 နှစ်မြောက်၏ ဇွန်လမှစ၍ ဝင်ငွေခွန်နှင့် နေထိုင်ခွန်ကို နှုတ်ယူမည်ဖြစ်သည်။
  • အကယ်၍ ဂျပန်နိုင်ငံတွင် မိသားစုမရှိဘဲ ယခင်နှစ်၏ တစ်နှစ်ဝင်ငွေသည် ယန်း ၁ သန်း ထက်နည်းပါက နေထိုင်ခွန်ကို ကောက်ခံမည်မဟုတ်ပါ။

စားသုံးခွန်နှင့် ပတ်သက်၍

စားသုံးခွန်သည် ကုန်ပစ္စည်းဝယ်ယူသည့်အခါနှင့် ဝန်ဆောင်မှု လက်ခံရရှိသည့်အခါ စျေးနှုန်းနှင့်အတူတကွ ပေးဆောင်ရသောအခွန်ဖြစ်သည်။

စားသုံးခွန်

စားသုံးခွန်၏ အခွန်နှုန်းမှာ 10% ဖြစ်ပါသည်။ သို့သော်လည်း စားသောက်ကုန်များ (အရက်ယမကာများ မပါဝင်ပါ) ကို ဝယ်ယူပြီး အိမ်ပြန်သည့်အခါ စားသုံးခွန်နှုန်းမှာ 8% ဖြစ်သည်။ ဤသည်ကို “အခွန်နှုန်းလျှော့ချခြင်း” ဟုခေါ်သည်။ ဆိုင်အပြင်ဘက်တွင် စားသောက်ပါက အခွန်နှုန်းလျှော့ချခြင်းဖြင့် ကောက်ခံပြီး၊ ဆိုင်အတွင်းတွင် စားသောက်ပါက 10% ဖြစ်သည်။

ဂျပန်နိုင်ငံ၏အခွန်များအကြောင်း ပိုမိုသိရှိလိုပါက အောက်ပါလင့်ခ်တွင် ဝင်ရောက်ဖတ်ရှုနိုင်ပါသည်။

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် | လူဝင်မှုကြီးကြပ်ရေးဝန်ဆောင်မှုအေဂျင်စီ(PDF:11.6MB)

ကလေးမီးမဖွားမီ ဂျပန်လူမျိုးအမျိုးသားက လမ်းခွဲခဲ့ရင်

နိုင်ငံခြားသားအမျိုးသမီးသည် ဂျပန်လူမျိုးနှင့် လက်ထပ်ပြီးနောက် ‟ဂျပန်လူမျိုး၏ အိမ်ထောင်ဖက်စသည်” ဟူသည့် နေထိုင်ခွင့်ဗီဇာဖြင့် နေထိုင်ပြီး ကလေးမွေးဖွားတော့မည်ဖြစ်သည်။

သို့သော် တစ်နေ့တွင် အမျိုးသားဖြစ်သူမှ ထွက်ခွာသွားပြီး အဆက်အသွယ်လုပ်မရဖြစ်နေခဲ့သည်။ အမျိုးသမီးနှင့် ကလေးငယ်၏ နေထိုင်ခွင့်ဗီဇာမှာ မည်သို့ဖြစ်သွားမည်နည်း။


မိခင်နှင့် ကလေး၏ နေထိုင်ခွင့်ဗီဇာမှာ မည်သို့ဖြစ်သွားမည်နည်း

ဂျပန်လူမျိုးနှင့် လက်ထပ်ပါက “ဂျပန်လူမျိုး၏ အိမ်ထောင်ဖက်စသည်” ဟူသည့်နေထိုင်ဗီဇာကို ရယူနိုင်သော်လည်း လူဝင်မှုကြီးကြပ်ရေးဌာန (လူဝင်မှုနှင့် နေထိုင်မှုကြီးကြပ်ရေးဌာန) သည် “အမှန်တကယ်လက်ထပ်ထားသောအခြေအနေမရှိ” ဟု ဆုံးဖြတ်ပါက သက်တမ်းတိုး၍ မရနိုင်ပါ။

အိမ်ထောင်ဖက်နှင့် အဆက်အသွယ်မရပါက အခြားနေထိုင်ခွင့်ဗီဇာကိုလည်း ထည့်သွင်းစဉ်းစားရမည်။

ဤသို့ဆိုလျှင် နေထိုင်ခွင့်ဗီဇာအသစ်အဖြစ် မည်သို့လုပ်ဆောင်နိုင်သနည်း။

1. အခြေချနေထိုင်သူ (定住者(ていじゅうしゃ))

နိုင်ငံခြားသားအမျိုးသမီးနှင့် ဂျပန်လူမျိုးအမျိုးသားတို့အကြား မွေးဖွားလာခဲ့သောကလေးသည် ဂျပန်နိုင်ငံသားခံယူခြင်း၊ “ဂျပန်လူမျိုး၏ အိမ်ထောင်ဖက်စသည်” ဟူသည့် နေထိုင်ခွင့်ဗီဇာကို ရယူခြင်းဟူ၍ ရွေးချယ်နိုင်သည်။ ထို့နောက် ကလေးငယ်၏ မိခင်သည်လည်း ကလေးပြုစုပျိုးထောင်ခြင်းစသည့် တရားဝင်အကြောင်းအရင်းရှိပါက “အခြေချနေထိုင်သူ” နေထိုင်ခွင့်ဗီဇာကို ရယူနိုင်သည်။

သို့သော် အမျိုးသားနှင့် အမျိုးသမီးသည် လက်ထပ်ထိမ်းမြားထားခြင်းမရှိပါက ဖခင်ဖြစ်သူသည် ကလေးငယ်မှာ မိမိကလေးဖြစ်ကြောင်း “အသိအမှတ်” ပြုရန် လိုအပ်သည်။

2. အလုပ်လုပ်ကိုင်ရန် နေထိုင်ခွင့်ဗီဇာ

မိခင်ဖြစ်သူသည် ဂျပန်နိုင်ငံတွင် အလုပ်လုပ်ကိုင်ပြီး အလုပ်နှင့်သက်ဆိုင်သည့်နေထိုင်ခွင့်ဗီဇာကို ရယူနိုင်သည်။ ဥပမာအားဖြင့် နည်းပညာ၊ လူသားအသိပညာ၊ နိုင်ငံတကာရေးရာလုပ်ငန်း(技術ぎじゅつ人文じんぶん知識ちしき国際こくさい業務ぎょうむ)စသည်တို့ဖြစ်သည်။

3. သတ်မှတ်ထားသောလှုပ်ရှားမှုများ (特定活動(とくていかつどう))

တစ်ဖက်အမျိုးသားနှင့် ကွာရှင်းခြင်း၊ ကလေးဖြစ်သူအား အသိအမှတ်ပြုရန် တရားရုံးတွင် ရင်ဆိုင်ရဖွယ်ရှိသည့်အခါတို့တွင် တရားရင်ဆိုင်ရန်အတွက် နေထိုင်မည်ဟူသည့်အကြောင်းအရင်းဖြင့် “သတ်မှတ်ထားသောလှုပ်ရှားမှုများ” ဟူသည့် နေထိုင်ခွင့်ဗီဇာကို ရယူနိုင်ခြင်းမျိုးလည်း ရှိသည်။ သို့သော် တရားရင်ဆိုင်မှုပြီးဆုံးပါက နေထိုင်ခွင့်ကာလမှာ သက်တမ်းတိုး၍ မရပါ။

ဤကဲ့သို့သော နေထိုင်ခွင့်ဗီဇာ ရနိုင်၊ မရနိုင်ကို လူဝင်မှုကြီးကြပ်ရေးဌာနမှ နောက်ဆုံးတွင် ဆုံးဖြတ်ချက် ချမည်ဖြစ်သည်။ တစ်ဦးတည်း ကြိတ်မခံစားဘဲ အုပ်ချုပ်ရေး (ခရိုင်ရှိ လူမှုဖူလုံရေးရုံးနှင့် အစိုးရရုံး) နှင့် ကူညီထောက်ပံ့ရေးအဖွဲ့အစည်းတွင် တိုင်ပင်ဆွေးနွေးပါ။


မည်သို့နေထိုင်နိုင်မည်နည်း

1. လူမှုဖူလုံရေးအထောက်အပံ့

“အခြေချနေထိုင်သူ” နှင့် “ဂျပန်လူမျိုး၏ အိမ်ထောင်ဖက်စသည်” ၏ နိုင်ငံခြားသားများသည် ဂျပန်နိုင်ငံတွင် လူမှုဖူလုံရေးအထောက်အပံ့ ရယူနိုင်သည့်အခါလည်း ရှိသည်။ လူမှုဖူလုံရေးအထောက်အပံ့ကို ရယူနိုင်ရန် ဒေသန္တရအုပ်ချုပ်ရေး (ခရိုင်ရှိ လူမှုဖူလုံရေးရုံးနှင့် အစိုးရရုံး) တွင် တိုင်ပင်ဆွေးနွေးကာ လျှောက်ထားနိုင်သည်။

2. မိခင်နှင့်ကလေး အဆောင်

18 နှစ်မပြည့်သေးသောကလေးငယ်နှင့် အဆိုပါကလေးအမေ Single mother တို့သည် “မိခင်နှင့်ကလေး နေထိုင်မှုကူညီထောက်ပံ့ရေးစင်တာ (မိခင်နှင့်ကလေး အဆောင်)” သို့ ဝင်ရောက်နိုင်ခြင်းမျိုးလည်း ရှိသည်။

ကိုယ်နှင့်စိတ်တည်ငြိမ်စေရန်၊ နေထိုင်မှုဘဝတွင် တည်ငြိမ်စေရန်အတွက် တိုင်ပင်ဆွေးနွေးခြင်း၊ အကူအညီရယူခြင်းများ ပြုလုပ်ကာ အမှီအခိုကင်းစွာ ရပ်တည်နိုင်ရန်အတွက် ကူညီထောက်ပံ့မှုများကို ရယူနိုင်ပါသည်။

လက်မထပ်ဘဲ ဂျပန်လူမျိုး၏ ကလေးအား မွေးဖွားသောအခါ ကလေးဟာ ဘယ်နိုင်ငံသားဖြစ်မလဲ?

နိုင်ငံခြားသားအမျိုးသမီးသည် ဂျပန်လူမျိုး၏ ကလေးကို ကိုယ်ဝန်ဆောင်ခြင်းများလည်း ရှိသည်။ အကယ်၍ လက်မထပ်ရသေးဘဲ ကလေးမွေး၍ တစ်ဖက်လူသည် ထိုသူ၏ ကလေးဖြစ်ကြောင်း အသိအမှတ်မပြုသောအခါ မည်သို့လုပ်ရမည်နည်း။

ကူညီထောက်ပံ့မှုကိုလိုက်၍ ကလေးငယ်သည် ဂျပန်နိုင်ငံသား ခံယူသည့်ဖြစ်ရပ်ကို မိတ်ဆက်ပေးပါမည်။


ကူညီထောက်ပံ့ရေးအကျဉ်းချုပ်

တိုင်ပင်ဆွေးနွေးသူသည် ဂျပန်ဘာသာစကားကျောင်းတွင် ပညာတော်သင်ဆဲဖြစ်ပြီး ကိုယ်ဝန်ရသွားခဲ့သည်။ ချစ်သူသည် ဂျပန်လူမျိုးဖြစ်သည်။ ထိုသူ၏ မိဘများမှ ကန့်ကွက်၍ လက်မထပ်နိုင်သော်လည်း ကလေးငယ်ကို ဂျပန်နိုင်ငံတွင် ပြုစုပျိုးထောင်လိုသည့်အတွက် ကူညီထောက်ပံ့ရေးအဖွဲ့အစည်းနှင့် တိုင်ပင်ဆွေးနွေးခဲ့သည်။

တိုင်ပင်ဆွေးနွေ၍ အောက်ပါရလဒ်များ ဖြစ်လာသည်။

①တရားရုံးမှ “ကလေးငယ်သည် ဂျပန်လူမျိုး၏ ကလေးဖြစ်ကြောင်း အသိအမှတ်ပြုခြင်း”

ကလေးငယ်သည် ဂျပန်နိုင်ငံသား ခံယူခြင်း
တိုင်ပင်ဆွေးနွေးသူသည် “အမြဲတမ်းနေထိုင်ခွင့်ရရှိသူ” ဟူသည့် နေထိုင်ခွင့်ဗီဇာကို ရရှိခြင်း

② တိုင်ပင်ဆွေးနွေးသူနှင့် ကလေးငယ်သည် မိခင်နှင့်ကလေး နေထိုင်မှုကူညီထောက်ပံ့ရေးစင်တာ (မိခင်နှင့်ကလေး အဆောင်) တွင် နေထိုင်ခြင်း


အသိအမှတ်ပြုခြင်း၊ မိခင်နှင့် ကလေး၏ နိုင်ငံသား

မိခင်ဖြစ်သူသည် နိုင်ငံခြားသား၊ ဖခင်ဖြစ်သူသည် ဂျပန်နိုင်ငံသားဖြစ်ပါက ကလေးဖြစ်သူသည် ဂျပန်နိုင်ငံသား သို့မဟုတ် “ဂျပန်နိုင်ငံသားအိမ်ထောင်ဖက်စသည်” ဟူသည့် နေထိုင်ခွင့်ဗီဇာကို ရွေးချယ်နိုင်သည်။

ဂျပန် ပတ်စပို့

သို့သော် မိဘနှစ်ပါးသည် လက်မထပ်ထားပါက ဖခင်ဖြစ်သူသည် မိမိ၏ ကလေးဖြစ်ကြောင်း “အသိအမှတ်” ပြုရမည်ဖြစ်သည်။ ဤဖြစ်ရပ်တွင် ရည်းစားဟောင်းဖြစ်သူမှ အသိအမှတ်မပြုခဲ့သည့်အတွက် မိခင်သည် တရားရုံးထံ ဖြေရှင်းပေးရန် လျှောက်တင်ခဲ့သည်။ ဖြေရှင်းရာတွင် DNA စစ်ဆေးချက်ကိုလည်း လုပ်ဆောင်ခဲ့ပြီး ရည်းစားဟောင်းဖြစ်သူ၏ ကလေးဖြစ်ကြာင်း အသိအမှတ်ပြုခဲ့သည်။

ဤသို့ဖြင့် တိုင်ပင်ဆွေးနွေးသူသည် ဂျပန်လူမျိုး၏ မိခင်အဖြစ် “အမြဲတမ်းနေထိုင်ခွင့်ရရှိသူ” နေထိုင်ခွင့်ဗီဇာကို ရယူနိုင်ခဲ့သည်။


မည်ကဲ့သို့ နေထိုင်မည်နည်း

မွေးဖွားပြီးနောက်ချက်ချင်း လအနည်းငယ်အတွင်း တိုင်ပင်ဆွေးနွေးသူသည် နေထိုင်ရန်အင်အားမရှိသောကြောင့် ကလေးငယ်စောင့်ရှောက်ရေးစင်တာသည် ကလေးငယ်ကို ထိန်းသိမ်းပေးခဲ့သည်။ တိုင်ပင်ဆွေးနွေးသူသည် ကလေးငယ်နှင့်အတူ နေထိုင်လိုသောကြောင့် ကူညီထောက်ပံ့ရေးအဖွဲ့အစည်းမှ မိတ်ဆက်ပေးခဲ့သည့်ရှေ့နေ့ဖြစ်သူသည် ကလေးငယ်စောင့်ရှောက်ရေးစင်တာနှင့် ညှိနှိုင်းခဲ့သည်။

တစ်ချိန်တည်းတွင် ရှေ့နေဖြစ်သူသည် တိုင်ပင်ဆွေးနွေးသူနှင့် ကလေးငယ်တို့ နေထိုင်နိုင်မည့် မိခင်နှင့် ကလေးအဆောင် ကို ရှာဖွေပြီး တိုင်ပင်ဆွေးနွေးသူသည် တိုက်ခန်းမှ မိခင်နှင့် ကလေးအဆောင်သို့ ရွေ့ပြောင်းခဲ့သည်။ ရှေ့နေသည် “မိခင်နှင့် ကလေးအဆောင်သို့ ဝင်ရောက်ကာ ဘဝနေထိုင်ရေးအတွက် အစီအမံများ သိရှိသွားသည့်အတွက် ကလေးငယ်ကို ပြန်ပေးစေလိုသည်” ဟု ညှိနှိုင်းကာ တိုင်ပင်ဆွေးနွေးသူသည် ကလေးငယ်ကို ပြန်ရရှိခဲ့သည်။


မိခင်နှင့် ကလေးအဆောင်ဆိုသည်မှာ

အသက် 18 နှစ်မပြည့်သေးသောကလေးငယ်နှင့် Single mother တို့ ခေတ္တနေထိုင်နိုင်သော စင်တာဖြစ်သည်။ မိခင်နှင့် ကလေးတို့၏ ဘဝနေထိုင်မှုကို ကူညီထောက်ပံ့ရင်းဖြင့် မိမိကိုယ်တိုင်ရပ်တည်နေထိုင်နိုင်စေရန် ကူညီထောက်ပံ့လျက်ရှိသည်။


ဂျပန်နိုင်ငံတွင် အိမ်ငှားရန်အတွက်

ဂျပန်နိုင်ငံတွင် အိမ်ငှားရန်လိုအပ်လာပါက ကောင်းစွာမရှာဖွေနိုင်မည်ကို အလွန်စိုးရိမ်ကြမည်ဟု ထင်ပါသည်။

ဂျပန်နိုင်ငံတွင် အိမ်ငှားရာ၌ အခြားနိုင်ငံတွင်မရှိသည့် ထူးခြားသောဓလေ့များရှိသည့်အတွက် ဂရုပြုရန်လိုအပ်သည်။ ပညာတော်သင်ကျောင်းသားနှင့် ဝန်ထမ်းများ ဂျပန်နိုင်ငံတွင် အခန်းငှားရမ်းရန်အတွက် လိုအပ်သော အခြေခံဗဟုသုတများကို မိတ်ဆက်ပေးပါမည်။


အခန်းရှာဖွေနည်း

ဂျပန်နိုင်ငံတွင် အိမ်ငှားရန်အတွက်

စီနီယာများသည် အောက်ပါနည်းလမ်းများဖြင့် အခန်းရှာဖွေလေ့ရှိကြသည်။

◆မိမိဘာသာ အခန်းငှားရမ်းခြင်း

  • အခန်းရှာဖွေရေးဝက်ဘ်ဆိုက်တွင် ရှာဖွေခြင်း
  • အိမ်ခြံမြေအကျိုးဆောင်ထံ သွားရောက်ခြင်း ※ နိုင်ငံခြားသားမှ စီမံကွပ်ကဲသည့်အိမ်ခြံမြေအကျိုးဆောင်လည်း ရှိသည်

လတ်တလောတွင် နိုင်ငံခြားသားမှ မိခင်နိုင်ငံ၏ နိုင်ငံသားအတွက် ရည်ရွယ်၍ စီမံခန့်ခွဲလျက်ရှိသည့် အိမ်ခြံမြေအကျိုးဆောင်အေဂျင်စီများလည်း တိုးပွားလာလျက်ရှိသည်။ မိခင်ဘာသာစကားဖြင့် “နေအိမ် တိုကျို”၊ “နိုင်ငံခြားသား အခန်းရှာဖွေမည်” စသည့် စကားစုဖြင့် ရှာဖွေပါက တွေ့ရှိနိုင်ပါသည်။ မိခင်ဘာသာစကားဖြင့် ဝန်ဆောင်မှုပေးမည်ဖြစ်သည်။

◆Room Share နေထိုင်ခြင်း

သူငယ်ချင်းများ၊ စီနီယာများနှင့် Room Share လျက်ရှိသည့် နိုင်ငံခြားသားများလည်း များစွာရှိသည်။ သို့သော် အခန်းစာချုပ်အလိုက် ထိုသို့လုပ်ခွင့်မရှိသောအိမ်များလည်း ရှိသည့်အတွက် ပြဿနာတစ်စုံတစ်ရာ မဖြစ်စေရန် သေချာ စစ်ဆေးပါ။


အခန်းရွေးချယ်နည်းအဆင့်ဆင့်

One-room type အခန်း ပုံစံဥပမာ
One-room type အခန်း ပုံစံဥပမာ

① အိမ်ရာ ရွေးချယ်ခြင်း

  • အခန်းရှာဖွေရေးဝက်ဘ်ဆိုက်တွင် “အိမ်ငှားခ”၊ “တည်နေရာ”၊ “ကြမ်းခင်းပန္နက်” စသည်ကို စစ်ဆေးပြီး ကြိုက်နှစ်သက်သောအိမ်ရာကို ရွေးထုတ်ပါ။ ထို့နောက် အိမ်ခြံမြေအကျိုးဆောင်ထံ ဆက်သွယ်၍ သွားရောက်ကြည့်ရှုပါ။ အိမ်ရာကို မိတ်ဆက်ပေးရန်အတွက် အိမ်ခြံမြေအကျိုးဆောင်နှင့် တိုက်ရိုက်သွားတွေ့ပါ ။
  • အိမ်ခြံမြေအကျိုးဆောင်အေဂျင်စီတွင် စာရွက်စာတမ်းများကို ဖတ်ရှုပြီး ဝန်ထမ်းများ၏ စကားကို နားထောင်၍ အိမ်ရာကို ရွေးထုတ်ပါ။

② အခန်းကြည့်ရန် သွားခြင်း

အိမ်ရာကို ရွေးထုတ်ပြီးပါက အိမ်ခြံမြေအကျိုးဆောင် ဝန်ထမ်းသည် ကားစသည်ဖြင့် နေရာသို့ ခေါ်ဆောင်ပေးသွားမည်ဖြစ်သည်။ တစ်ရက်အတွင်း အိမ်ရာ 4 နေရာ၊ 5 နေရာခန့်ကို ပြသစေနိုင်ပါသည်။ အားတုံ့အားနာခြင်းမပြုဘဲ နှိုင်းယှဉ်ကြည့်ရမည်။

③ အခန်းစာချုပ်

အိမ်ရာကို သတ်မှတ်ပြီးပါက စာချုပ်ချုပ်ဆိုမှု လုပ်ထုံးလုပ်နည်းများကို ဆက်လက်လုပ်ဆောင်ရမည်။


ကနဦးကုန်ကျစရိတ်

ဂျပန်နိုင်ငံတွင် တိုက်ခန်းငှားသောအခါ ပထမဦးစွာ အောက်ပါကုန်ကျစရိတ်များ ကုန်ကျမည်ဖြစ်သည်။

ယေဘုယျအားဖြင့် အိမ်ငှားခတစ်လစာ၏ 3 ဆ မှ 5 ဆ အထိဖြစ်သည်။

ကျေးဇူးတင်ငွေအိမ်ပြောင်းလာသည့်အခါတွင် အိမ်ရှင်ထံပေးချေရသည့် ကုန်ကျစရိတ်ဖြစ်ပြီး ပြန်ရမည်မဟုတ်ပါ။
ပုံမှန်အားဖြင့် အိမ်ငှားခ 1 လစာ။
စပေါ်ငွေအိမ်ပြောင်းရွှေ့သည့်အချိန်တွင် အခန်းပြင်ဆင်ကြေးစသည်တွင် သုံးရန်အတွက် စပေါ်ငွေ။
ပုံမှန်အားဖြင့် အိမ်ငှားခ 1 လစာ။
အိမ်ငှားခအာမခံကုမ္ပဏီဂျပန်နိုင်ငံတွင် အိမ်ငှားသောအခါ ပူးတွဲအာမခံပေးသူလိုအပ်သည့်အခါမျိုး ရှိသည်။ 
အာမခံပေးသူမရှိပါက အိမ်ငှားသည် အိမ်ငှားခအာမခံကုမ္ပဏီထံ ကုန်ကျစရိတ်ကို ပေးချေ၍ ကိုယ်စားအာမခံစေနိုင်သည်။
သန့်ရှင်းရေးအခန်းသန့်ရှင်းရေးစရိတ်။
အိမ်ပြောင်းရွှေ့သည့်အချိန်တွင် တောင်းခံသည့်အခါမျိုးလည်း ရှိသည်။
မီးအာမခံ2 နှစ် စာချုပ်ဖြစ်ပြီး ယန်း 15,000 မှ 22,000 အထိ။
သော့လဲလှယ်ခြင်းရာဇဝတ်မှုကာကွယ်ရန်အတွက် အိမ်ရှေ့တံခါးသော့ကို လဲလှယ်မည်။
ပွဲစားခအိမ်ခြံမြေအကျိုးဆောင်ကုမ္ပဏီအားပေးရသည့် အခကြေးငွေ။
အများအားဖြင့် အိမ်လခ 1 လစာ။
※အိမ်ခြံမြေအကျိုးဆောင်အေဂျင်စီနှင့် အိမ်ရာကိုလိုက်၍ ပေးချေရန်မလိုခြင်း၊ ငွေပမာဏညှိနှိုင်းခြင်းများကို ပြုလုပ်နိုင်သည့်အချက်များလည်း ရှိသည်။

စာချုပ်ချုပ်ဆိုမှု လုပ်ထုံးလုပ်နည်းများ

စာချုပ်ချုပ်ဆိုရန်အတွက် အောက်ပါစာရွက်စာတမ်းများ၊ အချက်အလက်များ လိုအပ်ပါသည်။

သက်သေခံကတ်ပတ်စပို့၊ နေထိုင်ခွင့်ကတ်
ကျောင်းသားကတ်၊ အလုပ်သမားကတ်၊ My Number ကတ် စသည်။
ဝင်ငွေအထောက်အထားဝင်ငွေအထောက်အထားစာရွက်လိုအပ်သည့်အခါမျိုးလည်း ရှိသည်။
လစာဖြတ်ပိုင်းနှင့် အခွန်နှုတ်စလစ်စသဖြင့်။
အရေးပေါ်ဆက်သွယ်ရန်လိပ်စာ၊ အာမခံပေးသူအရေးပေါ်အချိန်တွင် ဆက်သွယ်နိုင်မည့် ဂျပန်လူမျိုး၊ သူငယ်ချင်း၏ အချက်အလက်များကို တောင်းခံသည့်အခါလည်း ရှိသည်။
ထို့အပြင် အိမ်ရာကို လိုက်၍ ပူးတွဲအာမခံပေးသူ၏ အချက်အလက်ကို တောင်းခံခြင်းမျိုးလည်း ရှိသည်။

နောက်ပိုင်းလုပ်ထုံးလုပ်နည်းမှာ အောက်ပါအတိုင်းဖြစ်သည်။ စာချုပ်သက်တမ်းမှာ ပုံမှန်အားဖြင့် 2 နှစ်တာဖြစ်သည်။

  1. အိမ်ခြံမြေအကျိုးဆောင်တွင် တိုက်ခန်းစီမံခန့်ခွဲရေးကုမ္ပဏီနှင့် အာမခံကုမ္ပဏီတို့၏ လျှောက်လွှာကို ဖြည့်သွင်းပါ
  2. လျှောက်လွှာတစ်ခုစီကို စစ်ဆေးပါ
  3. အခန်းစာချုပ်နှင့် ပေးချေနည်းစသည်

အိမ်တည်နေရာနှင့် အိမ်ငှားခ

ဒေသအလိုက် ပျမ်းမျှအိမ်ငှားခပမာဏသည် ပြောင်းလဲပါသည်။ ကောင်းမွန်သောအိမ်ရာကို ရှာတွေ့ရန်အတွက် တည်နေရာကိုလည်း ထည့်သွင်းစဉ်းစားရန် လိုအပ်ပါသည်။

“တည်နေရာနှင့် အိမ်ငှားခ ဆက်စပ်မှု”၊ “ကနဦးကုန်ကျစရိတ်”၊ “စာချုပ်ချုပ်ဆိုမှု လုပ်ထုံးလုပ်နည်းများ” နှင့်ပတ်သက်၍ ပိုမိုသိရှိလိုပါက အောက်ပါဆောင်းပါးကို ဖတ်ရှုပါ။

ဂျပန်နိုင်ငံတွင် နေအိမ်ရှာဖွေနည်း |KOKORO


ဆေးရုံသွားနည်း (ဆေးကုသမှုခံယူနည်း)

ဤစာမျက်နှာ၌ ဂျပန်နိုင်ငံတွင် ဆေးရုံသွားနည်း (ဆေးကုသမှုခံယူနည်း) ကို မိတ်ဆက်ပေးပါမည်။

နိုင်ငံခြားသားများသည် ဂျပန်နိုင်ငံတွင် ဆေးရုံသွားလိုသည့်အခါ စကားလုံးနှင့် စည်းမျဉ်းများကို မသိသော်လည်း ကုမ္ပဏီနှင့် ကျောင်းမှ အထောက်အပံ့ကို ကောင်းစွာ မရရှိသောအခါလည်း ရှိသည်။ ဆေးရုံသွားနည်းကို ကြိုတင် သိရှိထားရအောင်။


ဆေးဘက်ဆိုင်ရာအဖွဲ့အစည်းအမျိုးအစားများ

ဂျပန်နိုင်ငံတွင် နေထိုင်မကောင်းသောအခါ ဆေးရုံကြီးသို့ မသွားမီ ဆေးခန်းတွင် ဆေးစစ်ကြလေ့ရှိသည်။ နေမကောင်းဖြစ်သောအချိန်အတွက် အချိန်မရွေးသွားနိုင်သောဆေးခန်းကို အိမ်နှင့်အလုပ်ခွင်အနီးတွင် ရှာထားလျှင် အဆင်ပြေသည်။ ခွဲစိတ်ကုသခြင်းနှင့် ဆေးရုံတက်ရန် လိုအပ်ပါက အသေးစားနှင့် အလတ်စားဆေးရုံ သို့မဟုတ် ဆေးရုံကြီးကိုလည်း ညွှန်းပြပေးနိုင်သောကြောင့် ဆေးခန်းသို့ ဦးစွာသွားပါ။

  • ဆေးခန်း – သာမန်ဖျားနာမှုများနှင့် ဒဏ်ရာများ (အအေးမိခြင်း၊ ဓာတ်မတည့်ခြင်း၊ ဗိုက်နာခြင်းစသည်)
  • အသေးစားနှင့် အလတ်စားဆေးရုံ – ခွဲစိတ်ခြင်း၊ ဆေးရုံတက်ခြင်း၊ အရေးပေါ်ကုသမှုတို့ လိုအပ်သောအခါ
  • ဆေးရုံကြီး – အရေးပေါ်လူနာများ၊ အဆင့်မြင့်ဆေးကုသမှု

◆ကျန်းမာရေးအာမခံကတ်

ဆေးဘက်ဆိုင်ရာအဖွဲ့အစည်းအား ကျန်းမာရေးအာမခံကတ်ကို ပေးပါ။ ကျန်းမာရေးအာမခံကတ်ကို ထုတ်ပေးလိုက်ပါက သင်ပေးချေရမည့် ဆေးကုသစရိတ်ကို လျော့ချနိုင်သည်။

◆စစ်ဆေးမှုအကြောင်းအရာ

ဂျပန်နိုင်ငံတွင် ရောဂါနှင့် ဒဏ်ရာလိုက်၍ စစ်ဆေးမှုဌာနကို ခွဲခြားထားသည်။

ဤတွင် မည်သည့်ရောဂါလက္ခဏာရှိပါက မည်သည့်ဌာနသို့ သွားသင့်ကြောင်းကို မိတ်ဆက်ပေးပါမည်။ မည်သည့်ဌာနသို့ သွားရမည်ကို မသိရှိပါက ဆေးရုံကို ကြိုတင်ဖုန်းဆက်ပြီး မေးကြည့်သင့်ပါသည်။

ဌာနရောဂါလက္ခဏာ
ကိုယ်တွင်းရောဂါဌာနအဖျားတက်သောအခါ၊ ဗိုက်နာသောအခါ
ပြင်ပရောဂါဌာနရှရာ၊ အရိုးကျိုးခြင်း၊ ခွဲစိတ်ရန်လိုအပ်သည့်ရောဂါများ
အရိုးရောဂါဌာနခါး၊ ဒူး၊ ပုခုံးအဆစ်များ နာကျင်သည့်အခါ
မျက်လုံးဌာနမျက်လုံးအခြေအနေမကောင်းသောအခါ
သွားဌာနသွားပိုးစားခြင်းတို့ကြောင့် သွားနာသည့်အခါ
သားဖွားဌာနကလေးမွေးဖွားခြင်းနှင့် ကိုယ်ဝန်ဆောင်ခြင်းဆိုင်ရာများ
မီးယပ်ဌာနအမျိုးသမီးရောဂါလက္ခဏာများရှိသည့်အခါ
အရေပြားဌာနအရေပြားတွင် ပြဿနာရှိသည့်အခါ
ကလေးဌာနကလေးငယ်ကျန်းမာရေးမကောင်းသည့်အခါ
ရောဂါနှင့် ဒဏ်ရာလိုက်၍ စစ်ဆေးမှုဌာန

ဆေးရုံ (ဆေးဘက်ဆိုင်ရာအဖွဲ့အစည်း) ကို ရှာဖွေခြင်း

အရေးပေါ်ချိန်အတွက် အရေးပေါ်ကား (ဖုန်း 119) ကို ခေါ်ပါ။

① ဒေသန္တရအစိုးရနှင့် နိုင်ငံတကာဆက်ဆံရေးအဖွဲ့အစည်း၏ အချက်အလက်များ

  • ပြည်သူ့ဆက်ဆံရေးမဂ္ဂဇင်း
  • စီရင်စုများ၏ HP (ဆေးဘက်ဆိုင်ရာအချက်အလက်)
  • အစိုးရရုံးများ၏ တိုင်ပင်ဆွေးနွေးရေးကောင်တာ

② ဆေးဘက်ဆိုင်ရာလုပ်ငန်းဆောင်တာသတင်းအချက်အလက်မျှဝေမှုစနစ် (ဆေးဘက်ဆိုင်ရာအချက်အလက်ကွန်ယက်)

  • စီရင်စုအသီးသီး၏ ဆေးဘက်ဆိုင်ရာအဖွဲ့အစည်းများနှင့် ဆေးဘက်ဆိုင်ရာအချက်အလက်များကို ရှာဖွေနိုင်ပါသည်။

ဆေးဘက်ဆိုင်ရာလုပ်ငန်းဆောင်တာသတင်းအချက်အလက်မျှဝေမှုစနစ် (ဆေးဘက်ဆိုင်ရာအချက်အလက်ကွန်ယက်) |ကျန်းမာရေး၊ အလုပ်သမားနှင့် လူမှုဖူလုံရေး ဝန်ကြီးဌာန

③ AMDA အပြည်ပြည်ဆိုင်ရာဆေးဘက်ဆိုင်ရာအချက်အလက်စင်တာ

  • ဖတ်ရလွယ်သောဆေးဘက်ဆိုင်ရာအဖွဲ့အစည်းများကို ဘာသာစကားများစွာဖြင့် လမ်းညွှန်ပေးခြင်း

AMDA အပြည်ပြည်ဆိုင်ရာဆေးဘက်ဆိုင်ရာအချက်အလက်စင်တာ

④ ဂျပန်အမျိုးသားခရီးသွားလုပ်ငန်းအဖွဲ့၏ ဆေးဘက်ဆိုင်ရာအဖွဲ့အစည်းရှာဖွေရေးနှင့် အချက်အလက်ဝက်ဘ်ဆိုက်

နေထိုင်မကောင်းသည့်အခါ|ဂျပန်ခရီးသွားလုပ်ငန်းအေဂျင်စီ


ဘာသာစကားအကူအညီ

  • နိုင်ငံခြားသားဝန်ထမ်းများရှိသောဆေးရုံများနှင့် ဖုန်းစကားပြန်၊ ဘာသာပြန်စက်စသည်ကို အသုံးပြုသောဆေးရုံများ တိုးပွားလာလျက်ရှိသည်။
  • မိမိကိုယ်တိုင် အခကြေးငွေဖြင့် စကားပြန်ကို ရှာဖွေပြီး ဆေးဘက်ဆိုင်ရာအဖွဲ့အစည်းထံ အတူ သွားပြကြသည့် ဖြစ်စဉ်များလည်းရှိသည်။

ဆေးကုသမှုအာမခံ

ဂျပန်နိုင်ငံတွင် နိုင်ငံခြားသားများအပါအဝင် အားလုံးသည် ပြည်သူ့ဆေးကုသမှုအာမခံတွင် သေချာပေါက် ဝင်ရန်လိုအပ်သည်။

ကျန်းမာရေးအာမခံကတ်

ပြည်သူ့ဆေးကုသမှုအာမခံတွင် ကုမ္ပဏီတွင်အလုပ်လုပ်နေသူများနှင့် နည်းပညာအလုပ်သင်သင်တန်းသားများဝင်ရောက်သည့် “ကျန်းမာရေးအာမခံ”၊ ပညာတော်သင်ကျောင်းသားများ ဝင်ရောက်သည့် “အမျိုးသားကျန်းမာရေးအာမခံ” ဟူ၍ ရှိသည်။

ဝင်ရောက်ပါက အထက်ပါကဲ့သို့ အာမခံကတ်ရရှိမည်ဖြစ်သည်။

◆ကျန်းမာရေးအာမခံ

  • ကုမ္ပဏီဝန်ထမ်းနှင့် ၎င်း၏မိသားစုဝင်များဝင်ရောက်ရသည်
  • ဝင်ရောက်ထားပါက ကာယကံရှင်နှင့် မိသားစု၏ ဆေးကုသစရိတ်ပေးချေမှုသည် အခြေခံအားဖြင့် 30% ဖြစ်သည်။
  • အသက် 6 နှစ်အောက်နှင့် အသက် 70 မှ 74 အရွယ်၏ ပေးချေမှုမှာ အခြေခံအားဖြင့် 20% ဖြစ်သည်
  • လစဉ်ပေးချေသည့်အာမခံကြေးသည် ကုမ္ပဏီနှင့် ဝန်ထမ်းမှ တစ်ဝက်စီကျခံရသည်

◆အမျိုးသားကျန်းမာရေးအာမခံ

  • အလုပ်ခွင်ကျန်းမာရေးအာမခံမဝင်ရသည့် အသက် 75 နှစ်အောက်အရွယ်ပုဂ္ဂိုလ်များအတွက် ဖြစ်သည်
  • ပညာတော်သင်ကျောင်းသားများတွင်လည်း ဝင်ရောက်ထားရန် တာဝန်ရှိသည်
  • ဝင်ရောက်ထားပါက ကာယကံရှင်၏ ဆေးကုသစရိတ်ပေးချေမှုသည် အခြေခံအားဖြင့် 30% ဖြစ်သည်။

◆ဝင်ရောက်နည်း

ကျန်းမာရေးအာမခံကို ကုမ္ပဏီစသည်တို့မှ လုပ်ထုံးလုပ်နည်းကို လုပ်ဆောင်သည်။ အမျိုးသားကျန်းမာရေးအာမခံသည် မြို့၊ ရပ်ကွက်၊ မြို့နယ်၊ ကျေးရွာရှိ အစိုးရရုံးတွင် လုပ်ထုံးလုပ်နည်းကို လုပ်ဆောင်ရသည်။

  • နေထိုင်ခွင့်ကတ်နှင့် ပတ်စ်စပို့ လိုအပ်သည်
  • အထူနေထိုင်သည့်မိသားစုရှိပါက မိသားစုပါ အတူဝင်ရောက်ရမည်

◆သတိပြုရန်အချက်များ

  • အာမခံ အသုံးပြု၍မရနိုင်သောဆေးဘက်ဆိုင်ရာဝန်ဆောင်မှုများလည်း ရှိသည်။
  • နေရပ်လိပ်စာ ပြောင်းလဲသွားပါက နေရပ်လိပ်စာအသစ်၏ မြို့၊ ရပ်ကွက်၊ မြို့နယ်၊ ကျေးရွာရှိ အစိုးရရုံးတွင် လျှောက်လွှာတင်၍ အာမခံကတ်အသစ်ကို ရယူပါ။
  • ဝင်ငွေနှင့် နေထိုင်မှုအခြေအနေစသည်တို့အပေါ် မူတည်၍ အာမခံကြေး လျော့ပေါ့ခံရသည့်အခါလည်းရှိသည်။ မြို့၊ ရပ်ကွက်၊ မြို့နယ်၊ ကျေးရွာတွင် မေးမြန်းပါ။

ခံစားခွင့်အမျိုးမျိုး

ပြည်သူ့ဆေးကုသမှုအာမခံတွင် “ဆေးကုသစရိတ်”၊ “မြင့်မားသောဆေးကုသစရိတ်”၊ “ကလေးမီးဖွားခြင်းနှင့် ကလေးထိန်းထောက်ပံ့ကြေးတစ်ကြိမ်တည်းပေးငွေ” စသည်စနစ်များလည်း ရှိသည်။

အသေးစိတ်သိရှိလိုပါက အောက်ပါဆောင်းပါးကို ဖတ်ရှုပါ။

ဂျပန်နိုင်ငံတွင် ဆေးကုသမှု ခံယူရန်အတွက်|KOKORO


ဆေးအကြောင်း

ဆေးပေးခန်း

  • ဆရာဝန်၏ ဆေးစာကို အခြေခံ၍ ဆေးဖော်စပ်ခြင်းနှင့် ရောင်းချခြင်း (လူနာသည် ကုန်ကျစရိတ် 30% ကို ကျခံရမည်)
  • ဆေးစာမပါဘဲ ဝယ်နိုင်သည့် ဆေးလည်းရှိသည် (ကုန်ကျစရိတ်အလုံးစုံကို ကျခံရမည်)

ဆေးစတိုးဆိုင်

  • အထူးသဖြင့် ဆေးစာမလိုသောဆေးနှင့် သောက်စရာများ၊ နေ့စဉ်သုံးပစ္စည်းများကို ရောင်းချသည်

ဂျပန်နိုင်ငံတွင် လစာ၊ အချိန်ပိုကြေး၊ လစာပေးခွင့်ရက်စသည်တို့နှင့်ပတ်သက်၍~

ဤဆောင်းပါးတွင် နိုင်ငံခြားသားများမှ ဂျပန်နိုင်ငံတွင် အလုပ်လုပ်သည့်အခါ လစာတွက်ချက်နည်းကို မိတ်ဆက်ပေးပါမည်။

အချိန်ပိုကြေးနှင့် လစာပေးခွင့်ရက်စသည်တို့နှင့်ပတ်သက်၍လည်း ရှင်းပြပေးပါမည်။



နိုင်ငံခြားသားများ၏ လုပ်အားခနှင့် လစာ

အချိန်ပိုကြေးကို လစာမှ နုတ်ယူသော နိုင်ငံခြားသားများ၏ လုပ်အားခများနှင့်ပတ်သက်၍ 2021 ခုနှစ်တွင် ကျန်းမာရေး၊ အလုပ်သမားနှင့် လူမှုဖူလုံရေး ဝန်ကြီးဌာနမှ ထုတ်ပြန်သော အချက်အလက်များကို မိတ်ဆက်ပေးပါမည်။


နေထိုင်ခွင့်ဗီဇာအလိုက်လုပ်အားခများ

နေထိုင်ခွင့်ဗီဇာပျမ်းမျှလုပ်အားခ
“နည်းပညာ၊ လူသားအသိပညာ၊ နိုင်ငံတကာရေးရာလုပ်ငန်း” စသည်¥302,200
အထူးကျွမ်းကျင်လုပ်သား¥174,600
နည်းပညာအလုပ်သင်သင်တန်း¥161,700
အရင်းအမြစ် – ကျန်းမာရေး၊ အလုပ်သမားနှင့် လူမှုဖူလုံရေး ဝန်ကြီးဌာန (2020 ခုနှစ် လုပ်အားခဖွဲ့စည်းပုံ အခြေခံစာရင်းအင်းစစ်တမ်း ခြုံငုံသုံးသပ်ချက်)

ဤနေရာမှ အောက်ပါအရာများအား ပေါင်းခြင်း သို့မဟုတ် နုတ်ခြင်းသည် “လက်ကျန်လစာ” (လက်ဝယ်တွင် အမှန်တကယ်ကျန်ရှိနေသော ငွေပမာဏ) ဖြစ်သည်။

■ပေါင်းထည့်သည့်အရာများ (ဥပမာ)

  • အချိန်ပိုထောက်ပံ့ကြေး (အချိန်ပိုကြေး)
  • ညဆိုင်းအလုပ်ထောက်ပံ့ကြေး
  • နားရက် အလုပ်တက်စရိတ်ထောက်ပံ့ကြေး
  • သွားလာရေးစရိတ်
  • အိမ်ရာထောက်ပံ့ကြေး

■နှုတ်ယူသည့်အရာများ (ဥပမာ)

  • လူမှုရေးအာမခံကြေး (လူမှုဖူလုံရေးပင်စင်အာမခံကြေး၊ ကျန်းမာရေးအာမခံကြေး၊ အလုပ်အကိုင်အာမခံကြေးစသည်)
  • ဝင်ငွေခွန်
  • နေထိုင်ခွန်
  • အိမ်ရာစရိတ်
  • မီး၊ ရေ၊ လျှပ်စစ်မီတာခ

နည်းပညာအလုပ်သင်သင်တန်းသား၏ လုပ်အားခ

နည်းပညာအလုပ်သင်သင်တန်းသားများ၏ လုပ်အားခမှာ များသောအားဖြင့် ဥပဒေအရ သတ်မှတ်ထားသည့် “အနိမ့်ဆုံးလုပ်အားခ” နှင့်တူညီရမည် သို့မဟုတ် ၎င်းထက် အနည်းငယ် များရမည်ဖြစ်သည်။ အနိမ့်ဆုံးလုပ်အားခသည် စီရင်စုအလိုက် တစ်နာရီလုပ်အားခ၏ အနိမ့်ဆုံးပမာဏဖြစ်သည်။ စက်မှုလုပ်ငန်းအလိုက် အနိမ့်ဆုံးလုပ်အားခလည်း ရှိတယ်။

စီရင်စုတစ်ခုစီအလိုက် အနိမ့်ဆုံးလုပ်အားခ (ဂျပန်ဘာသာစကားသာလျှင်)| ကျန်းမာရေး၊ အလုပ်သမားနှင့် လူမှုဖူလုံရေး ဝန်ကြီးဌာန


အထူးကျွမ်းကျင်လုပ်သားနှင့် ပညာရှင်ဗီဇာ၏ လုပ်အားခ

အထူးကျွမ်းကျင်လုပ်သားနှင့် “နည်းပညာ၊ လူသားအသိပညာ၊ နိုင်ငံတကာရေးရာလုပ်ငန်း (ပညာရှင်ဗီဇာ)” စသည့်ဗီဇာရှိသည့် နိုင်ငံခြားသားများသည် တူညီသောကုမ္ပဏီတွင် အလုပ်လုပ်နေသော ဂျပန်လူမျိုး (တူညီသော အလုပ်အမျိုးအစား) နှင့်တူညီသည့်ပမာဏ သို့မဟုတ် ၎င်းထက်များသော လုပ်အားခကို ရရှိနိုင်ပါသည်။


အပိုလုပ်အားခ

ဥပဒေအရ အလုပ်ချိန်မှာ တစ်ရက်လျှင် 8 နာရီနှင့် တစ်ပတ်လျှင် နာရီ 40

ဥပဒေအရ အလုပ်ချိန်မှာ တစ်ရက်လျှင် 8 နာရီနှင့် တစ်ပတ်လျှင် နာရီ 40 အထိ သတ်မှတ်ထားသည်။ ထိုအချိန်ထက်ပို၍ အလုပ်လုပ်သည့်အခါ “အပိုလုပ်အားခ” ကို ရရှိပါမည်။ အပိုလုပ်အားခ မှာအောက်ပါအတိုင်းဖြစ်သည်။

  • အချိန်ပိုထောက်ပံ့ကြေး (အချိန်ပိုကြေး) – ကုမ္ပဏီမှ သတ်မှတ်ထားသော တစ်ရက်တာ၏ အလုပ်ချိန်ထက်ကျော်လွန်သော “အချိန်ပိုအလုပ်” အတွက် အလုပ်သမားအား ပုံမှန်လုပ်အားခထက် 1.25 ဆ ပို၍ ပေးချေရမည်။
  • ညဆိုင်းအလုပ်ထောက်ပံ့ကြေး – ည 10 နာရီ မှ မနက် 5 နာရီအတွင်း အလုပ်လုပ်ပါက ပုံမှန်ထက် 1.25 ဆ ပိုမည်
  • နားရက် အလုပ်တက်စရိတ်ထောက်ပံ့ကြေး – နားရက်တွင် အလုပ်လုပ်ပါက ပုံမှန်ထက် 1.35 ဆ ပိုမည်

လစာပေးခွင့်ရက်

အလုပ်စတင်ပြီး ခြောက်လအကြာတွင် နှစ်စဥ်လစာပေးခွင့်ရက် 10 ရက်ကို ရရှိပါမည်။ ထို့နောက်တွင် ထပ်မံ၍ နှစ်စဥ် 11 ရက်၊ 12 ရက်၊ 13 ရက်၊ 14 ရက်စီ ရရှိမည်ဖြစ်သည်။ လစာပေးခွင့်ရက်ကို အခြေခံစည်းမျဥ်းအရ အလုပ်သမားသည် မည်သည့်ရက်တွင်မဆို ခွင့်ရက်ကို ရယူနိုင်သည်။

အချိန်ပိုကြေး မရခြင်း၊ လစာပေးခွင့်ရက်ကို မယူနိုင်ခြင်းစသည့်အခါမျိုးတွင် အလုပ်သမားစံချိန်စံညွှန်းကွပ်ကဲရေးရုံးနှင့် OTIT (နိုင်ငံခြားသားနည်းပညာအလုပ်သင်သင်တန်းအဖွဲ့အစည်း) စသည်တို့ထံသို့ တိုင်ပင်ဆွေးနွေးပါ။


【ကိုးကား】 ပိုမိုသိရှိလိုပါက အောက်ပါလင့်တွင် ကြည့်ရှုပါ

ဂျပန်နိုင်ငံတွင် အလုပ်လုပ်နေသော နိုင်ငံခြားသားများ၏ လစာနှင့်ပတ်သက်၍ (ဂျပန်ဘာသာစကားသာလျှင်)|Daijob.com

ဂျပန်နိုင်ငံ၏ အလုပ်ချိန် (အလုပ်လုပ်သည့်အချိန်) နှင့်ပတ်သက်၍ (ဂျပန်ဘာသာစကားသာလျှင်)|Daijob.com

အလုပ်လုပ်ရန် ကတိပြုခြင်း။ အလုပ်အကိုင်သဘောတူစာချုပ်နှင့် ပတ်သက်၍ ① “ဝန်ထမ်းခေါ်ယူခြင်းမှ ကုမ္ပဏီသို့ ဝင်ရောက်ခြင်းအထိ စာချုပ်စာတမ်းအကြောင်း” (ဂျပန်ဘာသာစကားသာလျှင်)|Daijob.com

အလုပ်လုပ်ရန် ကတိပြုခြင်း။ အလုပ်အကိုင်သဘောတူစာချုပ်နှင့် ပတ်သက်၍ ② “အလုပ်အကိုင်အခြေအနေများအကြောင်း” (ဂျပန်ဘာသာစကားသာလျှင်)|Daijob.com

အလုပ်လုပ်ရန် ကတိပြုခြင်း။ အလုပ်အကိုင်သဘောတူစာချုပ်နှင့် ပတ်သက်၍ ③ “ကုမ္ပဏီမှ နှုတ်ထွက်သည့်အခါ” (ဂျပန်ဘာသာစကားသာလျှင်)|Daijob.com

အထူးကျွမ်းကျင်လုပ်သား – မှတ်ပုံတင်မှုကူညီထောက်ပံ့ရေးအဖွဲ့အစည်း

အထူးကျွမ်းကျင်လုပ်သား အမှတ်စဥ် (1) ဖြင့် လုပ်ကိုင်သော နိုင်ငံခြားသားများအတွက် ခေါ်ယူရေးအေဂျင်စီမှ ပံ့ပိုးကူညီခြင်းအပြင်၊ ပြင်ပအဖွဲ့အစည်းထံသို့လည်း ပံ့ပိုးကူညီပေးရန် အပ်နှံနိုင်ပါသည်။

၎င်းတို့အနက်မှ ပံ့ပိုးကူညီမှုအားလုံးကို အပ်နှံနိုင်သော အဖွဲ့အစည်းအနေဖြင့် မှတ်ပုံတင်မှုကူညီထောက်ပံ့ရေးအဖွဲ့အစည်း တစ်ခုရှိပါသည်။ မှတ်ပုံတင်မှုကူညီထောက်ပံ့ရေးအဖွဲ့အစည်းနှင့်ပတ်သက်၍ ရှင်းပြပေးပါမည်။


မှတ်ပုံတင်မှုကူညီထောက်ပံ့ရေးအဖွဲ့အစည်းဆိုသည်မှာ

မှတ်ပုံတင်မှုကူညီထောက်ပံ့ရေးအဖွဲ့အစည်းသည် ခေါ်ယူရေးအေဂျင်စီ၏ တောင်းဆိုချက်အရ အထူးကျွမ်းကျင်လုပ်သား အမှတ်စဥ် (1) ဖြင့် လုပ်ကိုင်သော နိုင်ငံခြားသားများ၏ အလုပ်နှင့် နေထိုင်မှုဘဝအတွက် ပံ့ပိုးကူညီပေးပါသည်။

အကြောင်းအရာသည် အိမ်ရှာရန်ကူညီခြင်း (အရေးပေါ်ဆက်သွယ်ရန်နှင့် အာမခံပေးသူစသည်တို့ အပါအဝင်) နှင့် နေထိုင်မှုဘဝလမ်းကြောင်း (ဘဏ်အကောင့်ဖွင့်ခြင်းနှင့် မိုဘိုင်းလ်ဖုန်းအသုံးပြုရန် စာချုပ်ချုပ်ဆိုခြင်းတို့ကို ကူညီဆောင်ရွက်ပေးခြင်းစသည်) စသည်တို့ဖြစ်ပါသည်။

ထိုကဲ့သို့သော ကူညီထောက်ပံ့မှုများကို ခေါ်ယူရေးအေဂျင်စီမှ ၎င်းတို့ကိုယ်တိုင် ပံ့ပိုးကူညီပေးမည့် အခါမျိုးရှိသော်လည်း အခြားအခြေအနေများတွင်မှတ်ပုံတင်မှုကူညီထောက်ပံ့ရေးအဖွဲ့အစည်းထံသို့ အပ်နှင်းခြင်းဖြင့်လည်း ပံ့ပိုးကူညီပေးပါသည်။


မှတ်ပုံတင်မှုကူညီထောက်ပံ့ရေးအဖွဲ့အစည်းသည် မည်သို့သော အဖွဲ့အစည်းဖြစ်သနည်း

မှတ်ပုံတင်မှုကူညီထောက်ပံ့ရေးအဖွဲ့အစည်းဆိုသည်မှာ အောက်ပါအတိုင်းဖြစ်သည်။

  • နည်းပညာအလုပ်သင်သင်တန်းအဖွဲ့အစည်း (ကြီးကြပ်ရေးအဖွဲ့)
  • အလုပ်အကိုင်ရှာဖွေရေးအေဂျင်စီ
  • အုပ်ချုပ်ရေးဥပဒေရေးရာကျွမ်းကျင်သူနှင့် လူမှုရေး အာမခံ အလုပ်သမားရေးရာ အတိုင်ပင်ခံရုံး
  • နိုင်ငံခြားသားကူညီထောက်ပံ့ရေးအဖွဲ့
  • နိုင်ငံခြားသားများ၏နေထိုင်မှုဘဝကို ကူညီထောက်ပံ့ပေးသည့်ကုမ္ပဏီ
အထူးကျွမ်းကျင်လုပ်သား – မှတ်ပုံတင်မှုကူညီထောက်ပံ့ရေးအဖွဲ့အစည်း

ဟိုတယ်နှင့် စားသောက်ကုန်မှလွဲ၍ အခြားနယ်ပယ် 10 ခု တွင် နည်းပညာအလုပ်သင်သင်တန်း 3 နှစ်ခန့် ကောင်းစွာ ပြီးမြောက်ထားပါက နည်းပညာအလုပ်သင်သင်တန်းတွင် လုပ်ဆောင်ခဲ့သော အလုပ်နှင့်သက်ဆိုင်သော နယ်ပယ်တွင် အထူးကျွမ်းကျင်လုပ်သားစနစ်ဖြင့် လက်ခံနိုင်သည့်အခါမျိုးတွင် စာမေးပွဲဖြေဆိုရန်မလိုဘဲ အထူးကျွမ်းကျင်လုပ်သားသို့ ကူးပြောင်းနိုင်သည်။ ထိုအခြေအနေမျိုးတွင် အဖွဲ့အစည်းမှ မှတ်ပုံတင်မှုကူညီထောက်ပံ့ရေးအဖွဲ့အစည်းအနေဖြင့် ဆက်လက်၍ ကူညီထောက်ပံ့ပေးပါသည်။

အလုပ်အကိုင်ရှာဖွေရေးကုမ္ပဏီစသည်တို့၏ မိတ်ဆက်ပေးမှုဖြင့် နည်းပညာအလုပ်သင်သင်တန်းနေရာနှင့် မတူညီသော ကုမ္ပဏီတွင် အလုပ်လုပ်နိုင်ပါသည်။ ထိုအခြေအနေမျိုးတွင် အလုပ်အကိုင်ရှာဖွေရေးကုမ္ပဏီသည် မှတ်ပုံတင်မှုကူညီထောက်ပံ့ရေးအဖွဲ့အစည်းဖြစ်လာသည့် အခါမျိုးလည်းရှိပါသည်။

အုပ်ချုပ်ရေးဥပဒေရေးရာကျွမ်းကျင်သူနှင့် လူမှုဖူလုံရေးအာမခံ အလုပ်သမားရေးရာ အတိုင်ပင်ခံ၊ နိုင်ငံခြားသားကိုကူညီထောက်ပံ့ပေးသည့်အဖွဲ့၊ အိမ်ရာလုံခြုံရေးနှင့် မိုဘိုင်းလ်ဖုန်းပေးခြင်းကဲ့သို့သော နိုင်ငံခြားသားများ၏ဘဝများကို ပံ့ပိုးကူညီပေးသည့် ကုမ္ပဏီသည် မှတ်ပုံတင်မှုကူညီထောက်ပံ့ရေးအဖွဲ့အစည်းဖြစ်လာသည့်အခါမျိုးလည်း ရှိပါသည်။


မှတ်ပုံတင်မှုကူညီထောက်ပံ့ရေးအဖွဲ့အစည်းဖြစ်လာရန်

မှတ်ပုံတင်မှုကူညီထောက်ပံ့ရေးအဖွဲ့အစည်းဖြစ်လာရန် လူဝင်မှုကြီးကြပ်ရေး (လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာန) သို့ လျှောက်ထားပြီး ခွင့်ပြုချက် ရယူပါ။ ထိုအချိန်တွင် ဥပမာအားဖြင့် အောက်ဖော်ပြပါအခြေအနေများရှိပါသည်။

  • 2 နှစ်အတွင်း အလယ်အလတ်ကာလနှင့် ကာလရှည်နေထိုင်သူဖြင့် (ဂျပန်နိုင်ငံတွင် 3 လနှင့် အထက်နေထိုင်သူ) လက်ခံထားသည့် မှတ်တမ်းရှိခြင်း။
  • ကူညီထောက်ပံ့ရေးတာဝန်ခံသည် လွန်ခဲ့သည့် 5 နှစ်အတွင်း 2 နှစ်နှင့်အထက် အလယ်အလတ်ကာလနှင့် ကာလရှည်နေထိုင်သူ၏ နေထိုင်မှုဘဝအတွက် တိုင်ပင်ဆွေးနွေးခြင်းကို လုပ်ငန်းတစ်ခုအနေဖြင့် ဆောင်ရွက်ပေးခဲ့မှုရှိခြင်း။
  • 1 နှစ် အတွင်း မိမိမှ တာဝန်ယူပြီး စေလွှတ်ထားသော အထူးကျွမ်းကျင်လုပ်သားနိုင်ငံခြားသားနှင့် နည်းပညာအလုပ်သင်သင်တန်းသားများ ပျောက်ဆုံးခြင်းမရှိသေးပါ။

ထို့အပြင်၊ မှတ်ပုံတင်မှုကူညီထောက်ပံ့ရေးအဖွဲ့အစည်းထံသို့ ကုန်ကျစရိတ်ကို ပေးဆောင်ရမည်မှာ ခေါ်ယူရေးကုမ္ပဏီမှဖြစ်ပြီး အထူးကျွမ်းကျင်လုပ်သားနိုင်ငံခြားသားမှ ပေးဆောင်ရန်မလိုအပ်ပါ။


【ကိုးကား】 ပိုမိုသိရှိလိုပါက အောက်ပါလင့်တွင် ကြည့်ရှုပါ

အထူးကျွမ်းကျင်လုပ်သား ဗီဇာဖြင့် အလုပ်လုပ်ကိုင်လိုသူများကို ပံ့ပိုးပေးသော မှတ်ပုံတင်မှုကူညီထောက်ပံ့ရေးအဖွဲ့အစည်းများနှင့် ပတ်သက်၍|Hello Japan

ဂျပန်နိုင်ငံတွင် အလုပ်လုပ်ကိုင်နေသောနိုင်ငံခြားသားများ

ဂျပန်နိုင်ငံတွင် နိုင်ငံခြားသားများ 2.8 သန်းခန့် နေထိုင်လျက်ရှိပြီး၊ ကိုရိုနာ မဖြစ်ပွားခင်အထိ နှစ်စဥ် လူဦးရေမှာတိုးပွားလာခဲ့ပါသည်။ ကလေးမွေးဖွားနှုန်း ကျဆင်းလာခြင်းနှင့် သက်ကြီးရွယ်အိုများ တိုးပွားလာခြင်းတို့ကြောင့် လျော့နည်းလာသော ဂျပန်လုပ်သားအင်အားကို နိုင်ငံခြားသားများသည် ဖြည့်တင်းလာခြင်းကြောင့်ဖြစ်သည်။

ပညာတတ်များနှင့် ပညာတော်သင်ကျောင်းသားဦးရေ တိုးပွားလာသော်လည်း အထူးသဖြင့် နည်းပညာအလုပ်သင်သင်တန်းသားဦးရေမှာ တိုးပွားလာခဲ့ပါသည်။


◆ ဂျပန်နိုင်ငံတွင် နေထိုင်သောနိုင်ငံခြားအရေအတွက်မှာ တိုးပွားလာသည်

လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာန၏ ထုတ်ပြန်ချက်အရ ဂျပန်နိုင်ငံတွင် နေထိုင်သော နိုင်ငံခြားသား ဦးရေမှာ 2,823,565 (2021 ခုနှစ် ဇွန်လ အချိန်) ဖြစ်သည်။

ဂျပန်နိုင်ငံတွင်နေထိုင်သော-နိုင်ငံခြားသားဦးရေ

2020 ခုနှစ်နောက်ပိုင်းတွင် ကိုရိုနာကြောင့် ပြည်ဝင်ခွင့်ကို ကန့်သတ်ထားပြီး 2019 ခုနှစ် (2,933,137) ထက် လျော့ကျသွားသော်လည်း ထိုအချိန်အထိ ဆက်လက်တိုးပွားလာခဲ့သည်။

တိုးပွားလာမှု၏နောက်ခံအကြောင်းအရင်း

  • ကလေးမွေးဖွားနှုန်း ကျဆင်းလာခြင်းနှင့် သက်ကြီးရွယ်အိုများ တိုးပွားလာခြင်းတို့ကြောင့် လူ့စွမ်းအားအရင်းအမြစ်များရှားပါးလာပြီး နိုင်ငံခြားသားများကို အလုပ်ခန့်အပ်သည့် ကုမ္ပဏီများတိုးပွားလာခဲ့ပါသည်။
  • အထူးသဖြင့် နည်းပညာအလုပ်သင်သင်တန်းသားများအား လက်ခံမှုမှာ တိုးပွားလာခဲ့ပါသည်။
  • အစိုးရသည် ပညာတတ်နိုင်ငံခြားသားများနှင့် ပညာတော်သင်ကျောင်းသားများ လက်ခံမှုကိုလည်း တိုးမြှင့်ပေးခဲ့ပါသည်။

အလုပ်လုပ်ကိုင်နေသောနိုင်ငံခြားသားများအား

2021 ခုနှစ် အောက်တိုဘာလကုန်အထိ နိုင်ငံခြားသားအလုပ်သမားဦးရေမှာ 1,727,221 ရှိသည်။

နေထိုင်အခြေအနေပေါ်မူတည်သည့် နေထိုင်ခွင့်ဗီဇာများ – 580,000 ဦး
အခြေချနေထိုင်သူ (အဓိကအားဖြင့် ဂျပန်နွယ်ဖွား)၊ အမြဲတမ်းနေထိုင်သူ၊ ဂျပန်လူမျိုး၏ အိမ်ထောင်ဖက် စသည်

နည်းပညာအလုပ်သင်သင်တန်း – 352,000 ဦး
ဂျပန်နိုင်ငံ၏ နည်းပညာများကို နိုင်ငံခြားသားများထံသို့ ပို့ချပေးသည့် နိုင်ငံတကာ ပံ့ပိုးကူညီမှု အဓိပ္ပာယ်

သတ်မှတ်ချက်အပြင် အခြားလှုပ်ရှားမှုများအတွက် ခွင့်ပြုချက် – လူ 335,000 ဦး
ပညာတော်သင်ကျောင်းသားများ၏ အချိန်ပိုင်းအလုပ်စသည်

ပရော်ဖက်ရှင်နယ်နှင့် နည်းပညာဆိုင်ရာနယ်ပယ်၏ နေထိုင်ခွင့်ဗီဇာ – 395,000 ဦး
ပါမောက္ခ၊ ကျွမ်းကျင်ပညာရှင်၊ စီးပွားရေးနှင့် စီမံခန့်ခွဲမှု၊ ဥပဒေနှင့် စာရင်းကိုင်လုပ်ငန်း၊ ဆေးပညာ၊ သုတေသန၊ ပညာရေး၊ နည်းပညာ၊ လူသားအသိပညာ၊ နိုင်ငံတကာရေးရာလုပ်ငန်း၊ ကုမ္ပဏီအတွင်းရွှေ့ပြောင်းခြင်း၊ ပြုစုစောင့်ရှောက်ရေး၊ ကျွမ်းကျင်မှု၊ အထူးကျွမ်းကျင်လုပ်သားစသည်

သတ်မှတ်ထားသော လှုပ်ရှားမှု- 66,000 ဦး
နိုင်ငံခြားသား သူနာပြုများနှင့် ပြုစုစောင့်ရှောက်ရေးကျွမ်းကျင်ပညာရှင်များအတွက် လျှောက်ထားသူများ၊ Working Holiday၊ နိုင်ငံခြားသား ဆောက်လုပ်ရေး အလုပ်သမားများ၊ နိုင်ငံခြားသား သင်္ဘောဆောက်လုပ်ရေးအလုပ်သမားများစသည်


◆ နိုင်ငံအလိုက် နေထိုင်သည့် နိုင်ငံခြားသားဦးရေ

ဂျပန်နိုင်ငံတွင် နေထိုင်သော နိုင်ငံခြားသားဦးရေ 2,823,565 (2021 ခုနှစ်) အနက်၊ နိုင်ငံသားအလိုက် အများစုမှာ အောက်ပါနိုင်ငံများထဲမှဖြစ်သည်။

နိုင်ငံသားဦးရေ
တရုတ်နိုင်ငံ745,411
ဗီယက်နမ်နိုင်ငံ450,046
ကိုရီးယားနိုင်ငံ416,389
ဖိလစ်ပိုင်နိုင်ငံ277,341
ဘရာဇီးနိုင်ငံ206,365
အရင်းအမြစ်- လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာနရှိ နိုင်ငံခြားသား နေထိုင်သူများ၏ စာရင်းအင်းများ (2021 ခုနှစ် ဇွန်လကုန်)

◆ ခရိုင်အလိုက် နိုင်ငံခြားသားဦးရေ

နိုင်ငံခြားသား အများအပြားရှိသော စီရင်စုများ (2021 ခုနှစ် ဇွန်လ)

စီရင်စုနိုင်ငံခြားသားဦးရေ
1တိုကျိုမြို့541,807
2အအိချိခရိုင်269,685
3အိုဆာကာစီရင်စု250,071
4ခနဂဝခရိုင်230,301
5ဆအိတမခရိုင်198,548
6ချိဘခရိုင်168,048
7ဟရောဂို့ခရိုင်113,772
8ရှိဇုအိုခခရိုင်99,143
9ဖူခုအိုခခရိုင်79,206
10အိဘရခိခရိုင်72,279
11ဂွန်းမခရိုင်63,174
12ကျိုတိုစီရင်စု59,825
13ဂိဖုခရိုင်58,412
14မိအဲခရိုင်55,331
15ဟီရိုရှီးမားခရိုင်53,604
အရင်းအမြစ်- လူဝင်မှုကြီးကြပ်ရေးနှင့် နေထိုင်မှုစီမံခန့်ခွဲရေးဌာနရှိ နိုင်ငံခြားသား နေထိုင်သူများ၏ စာရင်းအင်းများ (2021 ခုနှစ် ဇွန်လကုန်)