ဂျပန်နိုင်ငံတွင် အလုပ်လုပ်ရန်အတွက် ‟နေထိုင်ခွင့်ဗီဇာ” လိုအပ်ကြောင်းကို သိရှိပါသလား။ အလုပ်လုပ်ကိုင်ရန် နေထိုင်ခွင့်ဗီဇာ အမျိုးအစားများစွာရှိပြီး တစ်ခုစီတွင် ကိုယ်ပိုင်စည်းမျဉ်းများ ရှိသောကြောင့် ဤနေရာတွင် မိတ်ဆက်ပေးပါမည်။
နေထိုင်ခွင့်ဗီဇာဆိုသည်မှာ
နေထိုင်ခွင့်ဗီဇာဆိုသည်မှာ ဂျပန်နိုင်ငံတွင် နိုင်ငံခြားသားများ နေထိုင်ရန်အတွက် လိုအပ်သော အရည်အချင်းလက်မှတ် ဖြစ်သည်။
※နေထိုင်ခွင့်လက်မှတ်(နေထိုင်ခွင့်ဗီဇာ)သည် ဂျပန်နိုင်ငံတွင် နေထိုင်အလုပ်လုပ်ကိုင်နိုင်စေမည့် လိုအပ်သောအရာဖြစ်သည်။
၎င်းကို ဗီဇာနှင့် တူညီသော်လည်း ဗီဇာသည် ဂျပန်နိုင်ငံသို့ ဆင်းသက်ရန် ထောက်ခံစာတစ်စောင်နှင့် တူပြီး နေထိုင်ခွင့်လက်မှတ်(နေထိုင်ခွင့်ဗီဇာ)သည် ဂျပန်နိုင်ငံသို့ ဆင်းသက်ပြီးနောက် ဂျပန်နိုင်ငံတွင် နေထိုင်ပြီး အလုပ်လုပ်နိုင်စေမည့် လက်မှတ်တစ်ခုဖြစ်သည်။
ဂျပန်နိုင်ငံတွင် ဗီဇာတစ်ခုစီအတွက် ဆောင်ရွက်နိုင်သည့် လှုပ်ရှားမှုများကို ဥပဒေဖြင့် သတ်မှတ်ပြဋ္ဌာန်းထားပါသည်။ တစ်ကြိမ်တည်းတွင် နှစ်ခု မရနိုင်ပါ၊ လူတစ်ဦးသည် နေထိုင်ခွင့်ဗီဇာ တစ်ခုတည်းရရှိနိုင်သည်။
2021 ခုနှစ် သြဂုတ်လ အထိအမျိုးအစား 29 မျိုး ရှိသည်။
နေထိုင်ခွင့်ဗီဇာစာရင်း | ဂျပန်နိုင်ငံ လူဝင်မှုကြီးကြပ်ရေးဌာန
ယခုတစ်ကြိမ်တွင် အလုပ်လုပ်ရန်အတွက် လိုအပ်သည့် နေထိုင်ခွင့်ဗီဇာအကြောင်းကို အသေးစိတ် ပြောပြပေးသွားပါမည်။
ယေဘုယျနေထိုင်ခွင့်ဗီဇာ
ဂျပန်နိုင်ငံတွင် အလုပ်လုပ်ရန်အတွက် ပုံမှန်နေထိုင်ခွင့်ဗီဇာ သုံးမျိုး ရှိပါသည်။
နည်းပညာ၊လူသားအသိပညာ၊ နိုင်ငံတကာရေးရာလုပ်ငန်း
နည်းပညာရှင် သို့မဟုတ် ရုံးဝန်ထမ်းအဖြစ် ကုမ္ပဏီတွင် အလုပ်လုပ်သည့်အခါ လိုအပ်သော နေထိုင်ခွင့်ဗီဇာဖြစ်သည်။
အထူးကျွမ်းကျင်လုပ်သား
“သူနာပြု” နှင့် “ဆောက်လုပ်ရေးလုပ်ငန်း” ကဲ့သို့ သတ်မှတ်ထားသောလုပ်ငန်းနယ်ပယ် 12 ခုတွင် အလုပ်လုပ်နိုင်သည့် နေထိုင်ခွင့်ဗီဇာတစ်ခုဖြစ်သည်။
“သူနာပြု” နှင့် “ဆောက်လုပ်ရေးလုပ်ငန်း” ကဲ့သို့ သတ်မှတ်ထားသောလုပ်ငန်းနယ်ပယ် 12 ခုတွင် အလုပ်လုပ်နိုင်သည့် နေထိုင်ခွင့်ဗီဇာတစ်ခုဖြစ်သည်။
နည်းပညာ အလုပ်သင်သင်လုပ်သား
နိုင်ငံခြားသားများ နည်းပညာသင်ယူလေ့လာမည့် ရည်ရွယ်ချက်ဖြင့် ဂျပန်ကုမ္ပဏီများတွင် အလုပ်လုပ်ရန်အတွက် နေထိုင်ခွင့်ဗီဇာဖြစ်သည်။
နေထိုင်ခွင့်ဗီဇာအခြေအနေများ
အထက်ဖော်ပြပါ နေထိုင်ခွင့်ဗီဇာများမဟုတ်သည့် အခြားနေထိုင်ခွင့်ဗီဇာများကိုလည်း အကျဉ်းချုံး မိတ်ဆက်ပေးပါမည်။
နေထိုင်ခွင့်ဗီဇာပေါ်မူတည်၍ လုပ်ဆောင်နိုင်သော အလုပ်အကိုင်အမျိုးအစားများနှင့် အခြေအနေများမှာ ကွဲပြားပါသည်။
နေထိုင်ခွင့်ဗီဇာ | ခြုံငုံသုံးသပ်ချက် | အလုပ် | မိသားစုအား ခေါ်ဆောင်ခွင့် | အလုပ်ပြောင်းခြင်း |
နည်းပညာ၊ လူသားအသိပညာ၊ နိုင်ငံတကာရေးရာလုပ်ငန်း | နည်းပညာရှင် သို့မဟုတ် ရုံးဝန်ထမ်းအနေဖြင့် | ○ | ○ | ○ |
အထူးကျွမ်းကျင်လုပ်သား | “ဆောက်လုပ်ရေး လုပ်ငန်း”၊ “သူနာပြု” စသဖြင့်၊ | ○ | △※1 | ○ |
နည်းပညာ အလုပ်သင်သင်သား | နိုင်ငံခြားသားများသည် ဂျပန်ကုမ္ပဏီများတွင် အလုပ်လုပ်ကိုင်ခြင်းဖြင့် နည်းပညာဆည်းပူးနိုင်သည် | ○ | × | △※2 |
သူနာပြု | သူနာပြုစင်တာတွင် အလုပ်လုပ်ရန် | ○ | ○ | ○ |
ကျွမ်းကျွင်မှု | နိုင်ငံခြားအစားအစာ ချက်ပြုတ်သူကဲ့သို့ မြင့်မားသောကျွမ်းကျွင်မှုလိုအပ်သော | ○ | ○ | ○ |
စီးပွားရေးစီမံခန့်ခွဲမှု | ဂျပန်နိုင်ငံရှိ စီးပွားရေးကို စီမံခန့်ခွဲမည့် နိုင်ငံခြားသားစသည် | ○ | ○ | ○ |
ပညာတော်သင် | ပညာတော်သင်ကျောင်းသား၏ နေထိုင်ခွင့်ဗီဇာ | △※3 | ○ | ○※4 |
မိသားစုမှီခို | “နည်းပညာရှင်နိုင်ငံ” နှင့် “ပညာတော်သင်” | △※3 | × | ○※4 |
ကာလတိုနေထိုင်ခြင်း | ကူးသန်းရောင်းဝယ်ရေးဗီဇာ၊ ခရီးသွား (အလည်အပတ်) ဗီဇာ | × | × | × |
※1 အထူးကျွမ်းကျင်လုပ်သား အမှတ်စဉ် 1တွင် မိသားစုအား ခေါ်ဆောင်ခွင့်မရှိပါ၊ သို့သော်အမှတ်စဉ် 2တွင် မိသားစုအား ခေါ်ဆောင်ခွင့်ရှိပါသည်။
※2 ခေါ်ယူရေးအေဂျင်စီသည် ဥပဒေကို မလိုက်နာပါက OTIT(နိုင်ငံခြားသားနည်းပညာအလုပ်သင်သင်တန်းအဖွဲ့အစည်း)၏ ကူညီထောက်ပံ့မှုကို ရယူပြီး အခြားကုမ္ပဏီသို့ ရွေ့ပြောင်းနိုင်ပါသည်။
※3 သတ်မှတ်ချက်အပြင် အခြားလှုပ်ရှားမှုများအတွက် ခွင့်ပြုချက်ကို ရရှိပါက အချိန်ပိုင်းအလုပ်လုပ်နိုင်သည်။
※4 ပညာတော်သင်နှင့် မိသားစုဗီဇာဖြစ်ပါက အချိန်ပိုင်းအလုပ်နေရာပြောင်းလုပ်နိုင်သည်။
【ကိုးကား】 ပိုမိုသိရှိလိုပါက အောက်ပါလင့်တွင် ကြည့်ရှုပါ။
ဂျပန်နိုင်ငံတွင် အလုပ်လုပ်ကိုင်လိုသူများအတွက် (JICA-Net သင်ထောက်ကူ)
