fbpx

Blog

အရေးပေါ်အချိန်နှင့် ဘေးအန္တရာယ်ဖြစ်ပွားချိန်တွင် လုပ်ဆောင်ရန်

ဖျားနာခြင်းနှင့် ဘေးအန္တရာယ်။ အရေးပေါ် SOS ဖြစ်ပွားချိန် မည်သို့လုပ်ဆောင်ရမည်နည်းဟူ၍ စိတ်ပူနေမည်ဟုထင်ပါသည်။

ဤဆောင်းပါးတွင် အရေးပေါ်အချိန်နှင့် ဘေးအန္တရာယ်ဖြစ်ပွားချိန် ဆက်သွယ်ရမည့်လိပ်စာနှင့် လုပ်ဆောင်နည်းများကို မိတ်ဆက်ပေးပါမည်။


အရေးပေါ်ဆက်သွယ်ရန်လိပ်စာ (ဖုန်း)

●ရုတ်တရတ်နာမကျန်းဖြစ်ခြင်းနှင့် ဒဏ်ရာအကြီးအကျယ်ရခြင်း→119

ရုတ်တရတ်နာမကျန်းဖြစ်ခြင်း၊ ဒဏ်ရာအကြီးအကျယ်ရခြင်းနှင့် မီးလောင်ချိန်တို့တွင် နံပါတ် 119 (မီးသတ်ဌာန) သို့ ဆက်သွယ်ပြီး အောက်ပါအကြောင်းအရာကို ပြောပြပါ (အခမဲ့)။

  • အရေးပေါ်ကား လာရောက်စေလိုသောနေရာနှင့် အထင်ကရအမှတ်အသားများ
  • အခြေအနေမကောင်းသူ၏ ရောဂါလက္ခဏာနှင့် အသက်အရွယ်
  • သင့်အမည်နှင့် ဆက်သွယ်ရန်လိပ်စာ

●မီးလောင်ခြင်း→119

●ယာဥ်မတော်တဆမှုနှင့် ရာဇဝတ်မှု→110


ယာဥ်မတော်တဆမှုဖြစ်ပွားပါက

မတော်တဆမှုဖြစ်ပွားပြီးနောက် ထောက်ပံ့မှုအမျိုးမျိုးကို ရယူရန် “ယာဥ်မတော်တဆမှုအသိအမှတ်ပြုလက်မှတ်” လိုအပ်သည့်အခါမျိုးလည်း ရှိပါသည်။
  1. ပထမဦးစွာ ယာဥ်ကို ရပ်တန့်ပါ
  2. အရေးပေါ်နှင့် ရဲကို အကြောင်းကြားပါ
    • ဒဏ်ရာရထားပါက နံပါတ် 119 သို့ ဖုန်းခေါ်ပါ (အရေးပေါ်ကား)။
    • အရေးပေါ်ကားလာသည်အထိ ဒဏ်ရာရသူကို မလိုအပ်ဘဲ မရွေ့ပြောင်း၍
    • နံပါတ် 119 အော်ပရတာ၏ ညွှန်ကြားချက်အတိုင်း ကယ်ဆယ်ရေးအစီအမံကို လုပ်ဆောင်ပါ။
    • ဒဏ်ရာရသူရှိရှိ၊ မရှိရှိ ရဲစခန်း (နံပါတ် 110) သို့ သေချာစွာ သတင်းပို့ပါ။
      ရဲဝန်ထမ်းများ လာသည်အထိ အခင်းဖြစ်ပွားရာနေရာတွင် နေပါ။
    • ရဲဝန်ထမ်း ရောက်ရှိပါက မတော်တဆမှုအခြေအနေကို အစီရင်ခံပါ။
  3. ဆရာဝန်နှင့်ပြသပါ
    မတော်တဆမှုဖြစ်ပွားချိန်တွင် ရောဂါလက္ခဏာ သိပ်မပြင်းထန်ဟု ခံစားရသော်လည်း နောက်ပိုင်းတွင် ရောဂါပြင်းထန်ခြင်းများ ရှိတတ်ပါသည်။ ဆရာဝန်ထံမှ စစ်ဆေးမှုကို ခံယူပါ။
  4. ယာဥ်မတော်တဆမှုအသိအမှတ်ပြုလက်မှတ်
    မတော်တဆမှုဖြစ်ပွားပြီးနောက် ထောက်ပံ့မှုအမျိုးမျိုးကို ရယူရန် “ယာဥ်မတော်တဆမှုအသိအမှတ်ပြုလက်မှတ်” လိုအပ်သည့်အခါမျိုးလည်း ရှိပါသည်။ လျှောက်ထားမှုအဆင့်ဆင့်ကို ရဲစခန်းတွင် မေးမြန်းပါ။

တိုင်ဖုန်းမုန်တိုင်းနှင့် မိုးကြီးသောအခါ

ဂျပန်နိုင်ငံတွင် မိုးသည်းထန်စွာ ရွာသွန်းမှုကြောင့် ဘေးအန္တရာယ် များစွာဖြစ်ပွားလျက်ရှိသည်။ မြစ်ရေကြီးပါက အဆောက်အအုံများ ရေမြှုပ်သွားခြင်းမျိုး ရှိသည်။

မိုးသည်းထန်စွာရွာသွန်းပါက မိုးလေဝသဌာနမှ သတင်းများနှင့် မြို့၊ ရပ်ကွက်၊ မြို့နယ်၊ ကျေးရွာ၏ ရွေ့ပြောင်းရေးသတင်းများကို အခြေခံ၍ လျင်မြန်စွာ ရွေ့ပြောင်းပါ။

မိုးကြောင့် မြေပြင်မှာ ပျော့ပြောင်းပြီး တောင်နှင့် ကမ်းပါးများ ပြိုကျခြင်း၊ မြေသဲအနှစ်များ စီးလာခြင်းတို့လည်း ရှိသည်။

ရေကြီးခြင်းနှင့် မြေပြိုခြင်းမှ မိမိကိုယ်ကို ကာကွယ်ရန်

  1. ရေမြှပ်နိုင်ခြေရှိသည့်နေရာကို Hazard map တွင် ပုံမှန်စစ်ဆေးပါ။
  2. မိုးသည်းထန်စွာရွာသွန်းပါက မိုးလေဝသဌာနမှ သတင်းများနှင့် မြို့၊ ရပ်ကွက်၊ မြို့နယ်၊ ကျေးရွာ၏ ရွေ့ပြောင်းရေးသတင်းများကို အခြေခံ၍ လျင်မြန်စွာ ရွေ့ပြောင်းပါ။

Hazard map ပေါ်တယ်ဆိုဒ် (ဂျပန်ဘာသာစကားသာလျှင်)| Ministry of Land, Infrastructure, Transport and Tourism of Japan


ငလျင်လှုပ်ပါက

ဂျပန်နိုင်ငံသည် ငလျင်အလွန်လှုပ်သောနိုင်ငံဖြစ်သည်။

တည်ငြိမ်စွာပြုမူလုပ်ဆောင်ပါ=စားပွဲအောက်တွင် ပုန်းအောင်းပါ (နေအိမ်တွင်း)၊ ဆိုင်းဘုတ်၊ နံရံ၊ မှန်ပြတင်းများ ပြုတ်ကျလာမည့်ဘေးကို ဂရုပြု၍ ဘေးကင်းသောနေရာကို ရွေ့ပြောင်းပါ (နေအိမ်ပြင်ပ)၊ ကားရပ်၍ အင်ဂျင်စက်ပိတ်ထားပါ (ကား)

ငလျင်ဒဏ်မှ မိမိကိုယ်ကိုကာကွယ်ရန်အတွက် အောက်ပါပြင်ဆင်မှုများကို လုပ်ဆောင်ပါ။

ပြင်ဆင်ရန်

  • ငလျင်လှုပ်ချိန် ရွေ့ပြောင်းရမည့်နေရာကို ရှာထားပါ
  • ဘေးအန္တရာယ်ကာကွယ်ရေးလေ့ကျင့်မှုကို ကိုးကားပါ
  • အနည်းဆုံး 3 ရက်စာ အစားအသောက်၊ သောက်ရေနှင့် နေထိုင်မှုအတွက် လိုအပ်သောအရာကို ပြင်ဆင်ထားပါ
  • အိမ်ထောင်ပရိဘောဂများ ပြိုမကျလာစေရန် မြဲအောင်လုပ်ထားပါ

ငလျင်လှုပ်ပါက

  1. တည်ငြိမ်စွာပြုမူလုပ်ဆောင်ပါ=စားပွဲအောက်တွင် ပုန်းအောင်းပါ (နေအိမ်တွင်း)၊ ဆိုင်းဘုတ်၊ နံရံ၊ မှန်ပြတင်းများ ပြုတ်ကျလာမည့်ဘေးကို ဂရုပြု၍ ဘေးကင်းသောနေရာကို ရွေ့ပြောင်းပါ (နေအိမ်ပြင်ပ)၊ ကားရပ်၍ အင်ဂျင်စက်ပိတ်ထားပါ (ကား)
  2. မီးသတိထားပါ =စတင်တုန်ခါလာပါက မီးဖိုချောင်နှင့် မီးဖိုမှမီးကို ငြိမ်းပါ၊ မီးလောင်ပါက မီးသတ်ဆေးဘူး စသည်ဖြင့် တတ်နိုင်သမျှ မီးငြိမ်းသတ်ပါ၊ ဓာတ်ငွေ့ယိုစိမ့်နိုင်ခြေရှိသောကြောင့် မီးမသုံးပါနှင့်
  3. ဘေးကင်းသောနေရာသို့ ရွေ့ပြောင်းပါ
  4. မှန်ကန်သေချာသောအချက်အလက်များကို ရယူပါ

ဆူနာမီ

ဆူနာမီမှ မိမိကိုယ်ကို ကာကွယ်ရန် Hazard map စသည်တို့ဖြင့် ရွေ့ပြောင်းရမည့်နေရာကို စစ်ဆေးထားပါ။

ဆူနာမီကို မိမိမျက်လုံးဖြင့် ကြည့်ရှုပြီးမှ ထွက်ပြေးလျှင်လည်း အချိန်မမှီပါ။

Hazard map ပေါ်တယ်ဆိုဒ် (ဂျပန်ဘာသာစကားသာလျှင်)| Ministry of Land, Infrastructure, Transport and Tourism of Japan

ဆူနာမီ ဖြစ်ပွားတော့မည်အခါ၊ ဖြစ်ပွားသည့်အခါ

ဆူနာမီကို မိမိမျက်လုံးဖြင့် ကြည့်ရှုပြီးမှ ထွက်ပြေးလျှင်လည်း အချိန်မမှီပါ။ ပင်လယ်၊ မြစ်ဝတို့နှင့် နီးသောနေရာတွင် ရှိပါက အောက်ပါအတိုင်း လုပ်ဆောင်ပါ။

  1. ပြင်းထန်သောတုန်ခါမှုကို ခံစားရသောအခါ၊ တုန်ခါမှုပျော့ပြောင်းသော်လည် အချိန်ကြာမြင့်ပြီး နှေးကွေးသောငလျင်ကို ခံစားရသောအခါ→ တောင်ကုန်းနှင့် ရွေ့ပြောင်းရေးအဆောက်အအုံသို့ ရွေ့ပြောင်းပါ
  2. ငလျင်လှုပ်ကြောင်း မခံစားရသော်လည်း မိုးလေဝသဌာနမှ ဆူနာမီသတိပေးချက်ကို ထုတ်ပြန်ထားသောအခါ→ရွေ့ပြောင်းပါ
  3. မှန်ကန်သောအချက်အလက်များကို ရယူပါ

ဘေးအန္တရာယ်ဖြစ်ပွားချိန်တွင် အသုံးဝင်မည့် မိုးလေဝသအချက်အလက်များ

မိုးလေဝသဌာန၏ အချက်အလက်များကို တီဗီ၊ ရေဒီယို၊ အင်တာနက်တို့မှတစ်ဆင့် ရယူနိုင်သည်။

★ဘေးအန္တရာယ်ဖြစ်ပွားချိန်တွင် အသုံးဝင်မည့်သတင်းအချက်အလက်များ ရရှိနိုင်သည့် အက်ပလီကေးရှင်း “Safety tips” | Japan Tourism Agency
နိုင်ငံခြားသားခရီးသွားများအတွက် ဘေးအန္တရာယ်ဆိုင်ရာသတင်းအချက်အလက်များကို ရရှိနိုင်သည့် အက်ပလီကေးရှင်းဖြစ်သည်။ ငလျင်၊ ဆူနာမီ၊ ပေါက်ကွဲမှုစသည့် ဘေးအန္တရာယ် အမျိုးမျိုး၏ သတိပေးချက်များကို ရယူနိုင်သည်။

“Safety tips” အက်ပလီကေးရှင်းကို ဒေါင်းလုတ်လုပ်မည်

မိုးသည်းထန်စွာရွာသွန်းခြင်း၊ ငလျင်နှင့်ပတ်သက်သောသတင်းအချက်အလက်များ (ဘာသာစကားမျိုးစုံ) | ဂျပန်နိုင်ငံ မိုးလေဝသနှင့် ဇလဗေဒ ဦးစီးဌာန (JMA)

【ကိုးကား】 ပိုမိုသိရှိလိုပါက အောက်ပါလင့်တွင် ကြည့်ရှုပါ

“သဘာဝဘေးအန္တရာယ်ဖြစ်ပွားပါက” ဂျပန်ဘာသာစကားသာလျှင် (အအိချိခရိုင် ယဉ်ကျေးမှုပေါင်းစုံ အတူယှဉ်တွဲနေထိုင်မှုမြှင့်တင်ရေးရုံး YouTube channel)

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : အရေးပေါ်အခြေအနေ၌ ဆက်သွယ်ရန် ဖုန်းနံပါတ် | လူဝင်မှုကြီးကြပ်ရေးဝန်ဆောင်မှုအေဂျင်စီ

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : ယာဉ်မတော်တဆမှုဖြစ်ပေါ်ပါက ပြုလုပ်ရမည့်အရာများ | လူဝင်မှုကြီးကြပ်ရေးဝန်ဆောင်မှုအေဂျင်စီ

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : တိမ်းရှောင်ခြင်း | လူဝင်မှုကြီးကြပ်ရေးဝန်ဆောင်မှုအေဂျင်စီ

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : တိုင်ဖွန်းမုန်တိုင်းနှင့် နေရာကွက်ကျားမိုးသည်းထန်စွာရွာသွန်းခြင်း | လူဝင်မှုကြီးကြပ်ရေးဝန်ဆောင်မှုအေဂျင်စီ

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : ငလျင် | လူဝင်မှုကြီးကြပ်ရေးဝန်ဆောင်မှုအေဂျင်စီ

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : ဆူနာမီ | လူဝင်မှုကြီးကြပ်ရေးဝန်ဆောင်မှုအေဂျင်စီ

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : ဘေးအန္တရာယ်ဖြစ်ပွားချိန်တွင် အသုံးဝင်သော မိုးလေဝသ သတင်းများကို ရယူခြင်း | လူဝင်မှုကြီးကြပ်ရေးဝန်ဆောင်မှုအေဂျင်စီ

がいこくごのニュースと防災情報|NHK WORLD-JAPAN

ဘဏ်၊ စာတိုက်၊ နိုင်ငံခြားသို့ ငွေလွှဲခြင်း

ဂျပန်နိုင်ငံတွင် နေထိုင်ရာ၌ အလုပ်၊ အချိန်ပိုင်းအလုပ်လစာကို ငွေလွှဲရယူရန် အကောင့်လိုအပ်သည်။

အကောင့်ဖွင့်ရန် နည်းပညာအလုပ်သင်သင်တန်း၏ ကြီးကြပ်ရေးအဖွဲ့နှင့် ပညာတော်သင်ကျောင်းတို့မှလည်း ကူညီထောက်ပံ့ပေးမည်ဖြစ်သော်လည်း မိမိကိုယ်တိုင် ရွေးချယ်ထားသောဘဏ်နှင့် ငွေလွှဲကုမ္ပဏီကို အသုံးပြုခြင်းမျိုးလည်း ရှိသည်။

ဘဏ်၊ စာတိုက်၊ နိုင်ငံခြားသို့ ငွေလွှဲခြင်း၏ အခြေခံဗဟုသုတများကို မိတ်ဆက်ပေးပါမည်။


ဘဏ်

ဘဏ်အကောင့် ဖွင့်ခြင်း

ဘဏ်ကောင်တာတွင် အကောင့်ဖွင့်နိုင်ပါသည်။

စာတိုက်မှတစ်ဆင့် ပေးပို့ခြင်းနှင့် အင်တာနက်မှတစ်ဆင့် အကောင့်ဖွင့်နိုင်သောဘဏ်များလည်း ရှိသည်။

ပုံမှန်အားဖြင့် Cash Card (ATM card) ကို နောက်တစ်နေ့တွင် နေအိမ်သို့ စာတိုက်မှတစ်ဆင့် ပေးပို့မည်ဖြစ်သည်။

အကောင့်ဖွင့်ရန်လိုအပ်သောအရာများ

  • ကာယကံရှင်ဖြစ်ကြောင်းအတည်ပြုချက်စာရွက်စာတမ်းများ (နေထိုင်ခွင့်ကတ်၊ ပတ်စပို့များ)
  • တံဆိပ်တုံး (အချို့ဘဏ်များသည် လက်မှတ်ဖြင့်လည်း လက်ခံသည်)
  • ဝန်ထမ်းကတ်နှင့် ကျောင်းသားကတ် (မရှိပါက ကုမ္ပဏီနှင့် ကျောင်းမှ အသိများအား ခေါ်ဆောင်၍ အတူတကွလာရောက်ပါ)

    


ဘဏ်အကောင့် ရောင်းချခြင်းသည် ရာဇဝတ်မှုဖြစ်သည်။

မိခင်နိုင်ငံသို့ ပြန်သောအခါတို့တွင် ဘဏ်ကောင်တာတွင် သင့်အကောင့်ကို သေချာပိတ်ပါ။

Cash Card (ATM card) နှင့် ငွေစာရင်းစာအုပ်ကို ရောင်းချခြင်း၊ လွှဲပြောင်းပေးခြင်းသည် ရာဇဝတ်မှုဖြစ်သည်။

မိမိအကောင့်ကို ရာဇဝတ်မှုတွင် အသုံးပြုခံရနိုင်ခြေလည်း ရှိသည်။

ဘဏ်အကောင့် ရောင်းချခြင်းသည် ရာဇဝတ်မှုဖြစ်သည်။

လိမ်လည်မှုစသည့်ရာဇဝတ်မှုတွင် အသုံးပြုခြင်း

တစ်စုံတစ်ယောက်သည် ထိုသူတို့ဝယ်ယူထားသောအကောင့်ကို လိမ်လည်မှု၊ ငွေကြေးခဝါချမှု၊ တရားမဝင်ငွေကြေးရန်ပုံငွေအကောင့် စသည်တို့တွင် အသုံးပြုမည်ဖြစ်သည်။

ဥပမာအားဖြင့် အောက်ပါကဲ့သို့သောရာဇဝတ်မှုတွင်လည်း အသုံးပြုခြင်းခံရနိုင်သည်။

  • အဖိုးအို၊ အဖွားအိုတို့အား လှည့်စား၍ ငွေပမာဏများစွာကို လွှဲခိုင်းခြင်း “ဖုန်းဖြင့်လိမ်လည်ခြင်း”
  • SNS (လူမှုကွန်ယက်စာမျက်နှာ) တို့တွင် “လေယာဉ်လက်မှတ်များကို ဈေးသက်သာစွာ ရောင်းချပါမည်”၊ “အလုပ်မိတ်ဆက်ပေးပါမည်” ဟု ဆို၍ ငွေလွှဲလိုက်ပါက အဆက်အသွယ် လုပ်မရတော့သောလိမ်လည်မှု

တရားမဝင်နေထိုင်သူမှ မကောင်းသောရည်ရွယ်ချက်ဖြင့် အသုံးပြုခြင်း

တရားမဝင်နေထိုင်သူ (ခွင့်ပြုချက်မရှိဘဲ ဂျပန်ပြည်တွင်းနေထိုင်လျက်ရှိသည့် နိုင်ငံခြားသားများ) သည် မိမိ၏ အကောင့်ကို ဖွင့်နိုင်မည်မဟုတ်ပါ။

ထိုသူများသည် အခြားသူများ၏ အကောင့်ကို ဝယ်ယူ၍ တရားမဝင်အလုပ်လစာကို လက်ခံရန်အတွက် အသုံးပြုခြင်းမျိုးလည်း ရှိသည်။


စာတိုက်

ဂျပန်နိုင်ငံ၏ စာတိုက်သည် “Japan Post Bank” နှင့် အဖွဲ့အစည်းတစ်ခုတည်းဖြစ်ပြီး စာတိုက်၊ ဘဏ်၊ အာမခံကုမ္ပဏီစသည့် ဝန်ဆောင်မှုများ ရှိသည်။

စာတိုက်တွင် လုပ်ဆောင်နိုင်သောအရာများ

  • စာနှင့် ပစ္စည်းများ ပေးပို့ခြင်း
  • ငွေစုခြင်း၊ ငွေလွှဲခြင်း၊ အသုံးစရိတ်များကို ပေးချေခြင်း (အလိုအလျောက်အကောင့်မှ နှုတ်ယူပြီး ပေးချေခြင်းလည်း လုပ်ဆောင်နိုင်သည်)
  • အသက်အာမခံဝင်ရောက်ခြင်း

နိုင်ငံခြားသို့ ငွေလွှဲခြင်း

ဂျပန်နိုင်ငံမှ နိုင်ငံခြားသို့ ငွေလွှဲနိုင်သည့်နည်းလမ်းများကို မိတ်ဆက်ပေးပါမည်။

မှတ်ပုံမတင်ဘဲ လုပ်ငန်းလုပ်ဆောင်ခြင်းသည်လည်း ဥပဒေချိုးဖောက်ခြင်းဖြစ်သည်။

ဘဏ်၊ Japan Post Bank

ဘဏ်နှင့် Japan Post Bank မှ နိုင်ငံခြားသို့ ငွေလွှဲနိုင်သည်။ သို့သော်လည်း အခြေခံအားဖြင့် ကုန်ကျစရိတ်မှာ မြင့်မားနေတတ်သည်။ ကောင်တာတွင် ငွေလွှဲသောအခါ စောင့်ဆိုင်းရခြင်းမျိုးလည်း ရှိသည်။

※ကုန်ကျစရိတ် သိသိသာသာသက်သာသည့် ဘဏ်လည်း ရှိသည်။

နိုင်ငံခြားငွေလွှဲဝန်ဆောင်ရေးကုမ္ပဏီ

လက်ရှိတွင် နိုင်ငံခြားသို့ တစ်ဦးချင်းငွေလွှဲသောအခါ ယေဘုယျအားဖြင့် နိုင်ငံခြားငွေလွှဲဝန်ဆောင်ရေးကုမ္ပဏီ (ရန်ပုံငွေ ငွေလွှဲပြောင်းရေးဝန်ဆောင်မှုလုပ်ငန်း) ကို အသုံးပြုကြသည်။

ယန်း 10 သိန်းအောက် ငွေလွှဲပို့မှုအတွက် ဤနည်းလမ်းသည် လွယ်ကူပြီး ကုန်ကျစရိတ်လည်း သက်သာကာ လူကြိုက်များကြသည်။

ဥပမာ – SBI Remit、KYODAI Remittance、DCOM、Wise、Western Union စသည်

  • ဘဏ်နှင့် နှိုင်းယှဉ်ပါက ကုန်ကျစရိတ်သက်သာခြင်း
  • ငွေလွှဲခြင်းလုပ်ထုံးလုပ်နည်းအတွက် ကြာချိန် တိုတောင်းခြင်း
  • ငွေလွှဲပို့မည့် ငွေကြေးအဖွဲ့အစည်းထံ ငွေရောက်ရှိသည်အထိ အချိန်တိုတောင်းခြင်း

ဟူသည့် အားသာချက်များ ရှိသည်။

ငွေလွှဲခ၊ မိခင်နိုင်ငံတွင် ထုတ်ယူချိန်ရှိ ငွေကြေးအဖွဲ့အစည်းအမျိုးအစား၊ ထုတ်ယူချိန်ရှိ ကုန်ကျစရိတ်၊ ငွေလွှဲသည့်ရက်အရေအတွက်သည် ကုမ္ပဏီအလိုက် ကွဲပြားသည်။

ငွေလွှဲခြင်းလုပ်ထုံးလုပ်နည်းအတွက် Japan Post Bank နှင့် ကွန်ဗီနီရှိ ATM ကိုလည်း အသုံးပြုနိုင်ပါသည်။

တစ်ဦးတည်းလုပ်ငန်းရှင်များကို သတိပြုပါ

ချေးငွေလွှဲပြောင်းရေးလုပ်ငန်းတွင် မှတ်ပုံမတင်ထားသောလုပ်ငန်းရှင်များသည် SNS (လူမှုကွန်ယက်စာမျက်နှာ) စသည်တို့တွင် ဈေးသက်သာသောကုန်ကျစရိတ်များဖြင့် ဆွဲဆောင်ပြီး နိုင်ငံခြားငွေလွှဲမှုကို လုပ်ဆောင်နေခြင်းများရှိသည်။

သို့သော် ငွေလွှဲပြီးနောက် ဆက်သွယ်၍မရတော့သည့် လိမ်လည်မှုများလည်း များစွာ ဖြစ်ပေါ်လျက်ရှိသည့်အတွက် သတိပြုပါ။

မှတ်ပုံမတင်ဘဲ လုပ်ငန်းလုပ်ဆောင်ခြင်းသည်လည်း ဥပဒေချိုးဖောက်ခြင်းဖြစ်သည်။

【ကိုးကား】ပိုမိုသိရှိလိုပါက အောက်ပါလင့်တွင် ကြည့်ရှုပါ။

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : ဘဏ်အကောင့် | လူဝင်မှုကြီးကြပ်ရေးဝန်ဆောင်မှုအေဂျင်စီ

နေထိုင်ခွင့်ကတ်အတွက် သတိပြုရန်အချက်များ

နေထိုင်ခွင့်ကတ်သည် ဂျပန်နိုင်ငံတွင် နေထိုင်သည့်နိုင်ငံခြားသားများအတွက် သက်သေခံကတ်ဖြစ်သည်။

နေထိုင်ခွင့်ကတ်ကို တစ်ပါးသူထံ ငှားပေးခြင်း၊ ငှားရမ်းခြင်းကို ပြုလုပ်၍မရပါ။

ထို့အပြင် နေထိုင်ခွင့်ကတ်ကို တစ်ပါးသူထံ ငှားပေးခြင်း၊ ငှားရမ်းခြင်းကို ပြုလုပ်၍မရပါ။

နေထိုင်ခွင့်ကတ်နှင့် ပတ်သက်သောဥပဒေတွင် ဥပဒေချိုးဖောက်ပါက ကြီးလေးသောအပြစ်ဒဏ် (ပြစ်ဒဏ်) ရှိသည်။ ဤဆောင်းပါးတွင် နေထိုင်ခွင့်ကတ်နှင့်ပတ်သက်၍ သတိပြုရန်အချက်များကို မိတ်ဆက်ပေးပါမည်။


နေထိုင်ခွင့်ကတ် ကိုင်ဆောင်သွားခြင်း

နေထိုင်ခွင့်ကတ်ကို အမြဲ ကိုင်ဆောင်သွားရမည်ဖြစ်သည်။ ထို့အပြင် ဆေးရုံနှင့် အစိုးရရုံး၊ ရဲစခန်းစသည်တို့မှ သက်သေခံကတ်ကို ပြသရန်တောင်းဆိုသည့်အခါ နေထိုင်ခွင့်ကတ်ကို ပြသရမည်ဖြစ်သည်။

■နေထိုင်ခွင့်ကတ် ပျောက်ဆုံးပါက

နေထိုင်ခွင့်ကတ် ပျောက်ဆုံးပါက ပျောက်ဆုံးကြောင်းသိရှိသည့်နေ့မှ 14 ရက် အတွင်း လူဝင်မှုကြီးကြပ်ရေးဌာနတွင် ပြန်လည်ထုတ်ပေးရန် လျှောက်ထားပါ။

■ နေရပ်လိပ်စာ ပြောင်းလဲပါက

နေရပ်လိပ်စာ ပြောင်းလဲပါက နေထိုင်ရာဒေသ၏ မြို့၊ ရပ်ကွက်၊ မြို့နယ်၊ ကျေးရွာထံ 14 ရက်အတွင်း အကြောင်းကြား၍ ထိုအခါတွင် နေထိုင်ခွင့်ကတ်ကိုလည်း ယူဆောင်သွားပါ။


နေထိုင်ခွင့်ကတ်ကို ငှားပေးခြင်း၊ ငှားရမ်းခြင်းကို တားမြစ်ထားသည်

နေထိုင်ခွင့်ကတ်ကို တစ်ပါးသူထံ ငှားပေးခြင်း၊ ငှားရမ်းခြင်းကို ပြုလုပ်၍မရပါ။

■နေထိုင်ခွင့်ကတ်ကို ငှားပေးခြင်း

နေထိုင်ခွင့်ကတ် မရှိသူမှ အလုပ်အင်တာဗျူးနှင့် ဆေးရုံသို့ သွားရန်အတွက် နေထိုင်ခွင့်ကတ်ကို ငှားပေးစေချင်သည်ဟု အကူအညီတောင်းလာခြင်းမျိုး ရှိလာနိုင်ပါသည်။ သို့သော် ထိုသို့ပြုလုပ်ခြင်းကို ဥပဒေအရတားမြစ်ထားသည်။ တစ်ပါးသူကို ကူညီရန်အတွက်ဟု တွေးသော်လည်း နေထိုင်ခွင့်ကတ်ကို ငှားပေးပါက ရာဇဝတ်မှုပင် ဖြစ်သည်။

■နေထိုင်ခွင့်ကတ်ကို ငှားရမ်းခြင်း

နေထိုင်ခွင့်ကတ်ကို ငှားရမ်းခြင်းသည်လည်း ရာဇဝတ်မှုပင်ဖြစ်သည်။ တစ်ပါးသူ၏ နေထိုင်ခွင့်ကတ်ကို လက်ခံရယူခြင်း၊ ကိုင်ဆောင်ခြင်း၊ အသုံးပြုခြင်း ပြုပါက ထောင်ဒဏ်နှင့် ငွေဒဏ်သာမက အတင်းအကြပ်နိုင်ငံပြန်ခိုင်းနိုင်ခြေလည်း ရှိသည်။


နေထိုင်ခွင့်ကတ် အတုပြုလုပ်ခြင်း၊ ပြောင်းလဲခြင်းကို တားမြစ်ထားသည်

နည်းပညာအလုပ်သင်သင်တန်းကုမ္ပဏီမှ ထွက်ပြေးခြင်းနှင့် ပညာတော်သင်နေထိုင်မှုကာလ ပြီးဆုံးသော်လည်း ဂျပန်နိုင်ငံတွင် ဆက်လက်နေထိုင်သည့်အခါတို့တွင် တရားဝင်နေထိုင်ခွင့်ကတ်မရှိဘဲ အလုပ်လည်း မလုပ်နိုင်သကဲ့သို့ ဆေးရုံလည်း သွားနိုင်မည်မဟုတ်ပါ။

ဂျပန်နိုင်ငံတွင် နေထိုင်သောနိုင်ငံခြားသားသည် နေထိုင်ခွင့်ကတ်ကို အမြဲတစေ ကိုင်ဆောင်သွားရမည် ဖြစ်သည်။

ထိုအချိန်တွင် နေထိုင်ခွင့်ကတ်အတုကို ရောင်းချလျက်ရှိသော သတင်းအချက်အလက်များကို လူမှုကွန်ယက်စာမျက်နှာ (SNS) တို့တွင် မြင်တွေ့ပါက ဝယ်လိုချင်လာနိုင်ပါသည်။

သို့သော် ထိုသို့ပြုလုပ်ခြင်းသည် ရာဇဝတ်မှုဖြစ်သည်။

■ပြစ်မှုအဖြစ် မေးမြန်းခံရနိုင်သောအကြောင်းအရာ၊ ပြစ်ဒဏ်နှင့်ပတ်သက်၍

◎အတုပြုလုပ်ထားသော၊ ပြောင်းလဲထားသော နေထိုင်ခွင့်ကတ်ကို တစ်နေရာရာတွင် အသုံးပြုရန်အတွက် ကိုင်ဆောင်ထားခြင်း
→ကြီးလေးသောပြစ်မှု ( ထောင်ဒဏ် 5 နှစ်အထိ သို့မဟုတ် ဒဏ်ငွေ ယန်း 5 သိန်းအထိ) +အတင်းအကြပ်နိုင်ငံပြန်ခိုင်းနိုင်ခြေရှိခြင်း

◎ အတုပြုလုပ်ထားသော၊ ပြောင်းလဲထားသော နေထိုင်ခွင့်ကတ်ကို အသုံးပြုခြင်း
→အလွန်ကြီးလေးသောပြစ်မှု (ထောင်ဒဏ် 1 နှစ်မှ 10 နှစ်အထိ) +အတင်းအကြပ်နိုင်ငံပြန်ခိုင်းနိုင်ခြေရှိခြင်း

【ကိုးကား】ပိုမိုသိရှိလိုပါက အောက်ပါလင့်တွင် ကြည့်ရှုပါ။

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : နေထိုင်ကတ်ပြားပျောက်ဆုံးခြင်း | လူဝင်မှုကြီးကြပ်ရေးဝန်ဆောင်မှုအေဂျင်စီ

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် : နေရပ်လိပ်စာအကြောင်းကြားစာ | လူဝင်မှုကြီးကြပ်ရေးဝန်ဆောင်မှုအေဂျင်စီ

ဂျပန်နိုင်ငံရှိ နေထိုင်မှုစည်းမျဥ်းနှင့် အလေ့အထများ

ဤဆောင်းပါးတွင် ဂျပန်နိုင်ငံတွင် နေထိုင်မှုစည်းမျဥ်းနှင့် အလေ့အထများကို မိတ်ဆက်ပေးပါမည်။

အမှိုက်စွန့်ပစ်နည်းနှင့် ဆူညံသံစသည်တို့မှာ ပတ်ဝန်းကျင်ရှိလူများကို ဒုက္ခဖြစ်စေနိုင်ပါသည်။ မိမိနိုင်ငံနှင့် ဂျပန်နိုင်ငံတို့အကြား ကွာခြားချက်ကို သိရှိပြီး ဂျပန်နိုင်ငံ၏ နေထိုင်မှုဆိုင်ရာအလေ့အထများကို လိုက်နာကြရပါမည်။


အမှိုက်စွန့်ပစ်နည်း

●အခြေခံစည်းမျဉ်းများ

အမှိုက်အမျိုးအစားနှင့် ဒေသကိုလိုက်၍ အမှိုက်စွန့်ပစ်ရန်နေရာနှင့် နေ့ရက်မှာ ကွဲပြားသည်။ ဒေသ အသီးသီးတွင် စည်းမျဥ်းများရှိကြပြီး အဆိုပါစည်းမျဉ်းများကို မလိုက်နာပါက အမှိုက်သိမ်းဆည်းပေးမည် မဟုတ်ပါ။ အိမ်ပြောင်းရွေ့ပါက အမှိုက်နှင့်ပတ်သက်သောလမ်းညွှန်ချက်ကို ဖတ်ရှုရမည်။ လမ်းညွှန်ချက်ကို မြို့၊ ရပ်ကွက်၊ မြို့နယ်၊ ကျေးရွာ၏ အစိုးရရုံးသို့ ရွေ့ပြောင်းလာကြောင်းအကြောင်းစာ တင်ပြသည့်အချိန်နှင့် အိမ်ခြံမြေအကျိုးဆောင်တွင် အိမ်စာချုပ်ချုပ်ဆိုသည့်အချိန်တွင် ရယူနိုင်သည်။ စာတိုက်ပုံးထဲတွင် ထည့်ထားပေးသည့်အခါမျိုးလည်း ရှိသည်။


●အမှိုက်အမျိုးအစားဥပမာ

①လောင်ကျွမ်းနိုင်သောအမှိုက်

စက္ကူအမှိုက်၊ မီးဖိုချောင်ထွက်အမှိုက်၊ ဟင်းချက်ဆီ၊ အဝတ်အထည်၊ စက္ကူဒိုက်ဘာ၊ ရာဘာပစ္စည်း၊ သားရေပစ္စည်းများစသည်
※ဟင်းချက်ဆီကို ခဲဆေးဖြင့်ခဲအောင်လုပ်ခြင်း သို့မဟုတ် သတင်းစာစက္ကူစသည်တို့ဖြင့် စိမ်ပြီးမှ လွှတ်ပစ်ပါ။

②မလောင်ကျွမ်းနိုင်သောအမှိုက်

ကွဲနေသောပန်းကန်၊ ခွက်၊ သတ္တု၊ ဖန်များ

③ပြန်လည်အသုံးပြုနိုင်သော အမှိုက်

ပုလင်း၊ သံဘူး၊ သတင်းစာ၊ မဂ္ဂဇင်း၊ ပလပ်စတစ်ဘူး၊ ပလပ်စတစ်ပုလင်း၊ ကတ်ထူစက္ကူများ

④အကြီးစားအမှိုက်

အိမ်ထောင်ပရိဘောဂ၊ စက်ဘီး၊ ချည်စောင်များစသည်
※အများအားဖြင့် မြို့၊ ရပ်ကွက်၊ မြို့နယ်၊ ကျေးရွာသို့ ကြိုတင်အကြောင်းကြားရန် လိုအပ်သည်။ ထို့အပြင် သိမ်းဆည်းကြေးပေးရသည့်အခါမျိုးလည်းရှိသည်။

⑤အိမ်သုံးလျှပ်စစ်ပစ္စည်းအမှိုက်များ

အမျိုးမျိုးသောလျှပ်စစ်ပစ္စည်းများ

※အဲယားကွန်း၊ တီဗီ၊ ရေခဲသေတ္တာ၊ အဝတ်လျှော်စက်၊ အဝတ်အခြောက်ခံစက်များကို ထုတ်လုပ်သူအား သိမ်းဆည်းပေးရန် အကူအညီတောင်းပြီး “ပြန်လည်အသုံးပြုရေးလက်မှတ်” ကိုလည်း ဝယ်ယူရမည် ဖြစ်သည်။
※နားမလည်သည့်အရာများအား မြို့၊ ရပ်ကွက်၊ မြို့နယ်၊ ကျေးရွာတ္ငင် စုံစမ်းမေးမြန်းပါ။


●တရားမဝင် အမှိုက်စွန့်ပစ်ခြင်း

သတ်မှတ်မထားသည့်နေရာတွင် အမှိုက်ပစ်ပါက ပြစ်မှုမြောက်သည်။ သံဘူးအလွတ်များနှင့် ဆေးလိပ်တို များကို လမ်းပေါ်တွင် စွန့်ပစ်ခြင်း “လမ်းပေါ်တွင်အမှိုက်ပစ်ခြင်း” သည်လည်း ဥပဒေဆန့်ကျင်ခြင်းဖြစ်သည်။ ထို့အပြင် စွန့်ပစ်ထားသော စက်ဘီးကို ကောက်ယူ၍ မသုံးပါနှင့်။ တရားမဝင်ပါ။

【ကိုးကား】 ပိုမိုသိရှိလိုပါက အောက်ပါလင့်တွင် ကြည့်ရှုပါ

“အမှိုက်စွန့်ပစ်နည်း” ဂျပန်ဘာသာစကားသာလျှင် (အအိချိခရိုင် ယဉ်ကျေးမှုပေါင်းစုံ အတူယှဉ်တွဲနေထိုင်မှုမြှင့်တင်ရေးရုံး YouTube channel)

ဆူညံသံ

ဂျပန်နိုင်ငံတွင် ကျယ်လောင်သောအသံထွက်ခြင်းနှင့် အသံကျယ်ကျယ်ပြောခြင်းသည် ဘေးပတ်ဝန်းကျင်အား အနှောင့်အယှက်ဖြစ်စေသည်။ အထူးသဖြင့် တိုက်ခန်းများနှင့် ကွန်ဒိုစသည့် စုပေါင်းအိမ်ယာများတွင် ဆူညံသံမထွက်အောင် သတိထားပါ။

  • အခန်းတွင်းရှိ စကားသံ၊ ပျော်ပွဲရွှင်ပွဲ၊ ပါတီ၊ တီဗီနှင့် သီချင်းသံတို့ ကျယ်လောင်လွန်းပါက အိမ်နီးနားချင်းတို့အား အနှောင့်အယှက်ဖြစ်စေသည်။
  • မနက်အစောနှင့် ညနက်ပိုင်းတွင် အဝတ်လျှော်စက်နှင့် ဖုန်စုပ်စက်ကို အသုံးပြုသည့်အခါ တွင်လည်း အိမ်နီးနားချင်းတို့အား အနှောင့်အယှက်မဖြစ်စေရန် ဂရုပြုပါ။

【ကိုးကား】 ပိုမိုသိရှိလိုပါက အောက်ပါလင့်တွင် ကြည့်ရှုပါ

“ဆူညံသံ” ဂျပန်ဘာသာစကားသာလျှင် (အအိချိခရိုင် ယဉ်ကျေးမှုပေါင်းစုံ အတူယှဉ်တွဲနေထိုင်မှုမြှင့်တင်ရေးရုံး YouTube channel)

အိမ်သာ

အိမ်သာအသုံးပြုချိန်တွင် အိမ်သာအတွင်းရှိစက္ကူကို သေချာစွာသုံးပြီး အဆိုပါစက္ကူကို အိမ်သာအတွင်း ပစ်၍ ရေဆွဲချပါ။

※နိုင်ငံနှင့် ဒေသအလိုက် အသုံးပြုပြီးသောစက္ကူကို အိမ်သာအတွင်းရှိ အမှိုက်ပုံးတွင် စွန့်ပစ်လေ့ ရှိကြသော်လည်း ဂျပန်နိုင်ငံတွင်မူ သေချာပေါက် အိမ်သာအတွင်း ပစ်၍ ရေဆွဲချပါ။


လက်ကိုင်ဖုန်းအသုံးပြုခြင်း

  • အခြားလမ်းသွားသူများကို တိုက်မိ၍ ဒဏ်ရာရစေခြင်းများ ရှိသည့်အတွက် လက်ကိုင်ဖုန်းကြည့်ရင်း လမ်းမလျှောက်ပါနှင့်။
  • ကား၊ စက်ဘီးများကို မောင်းနှင်ရင်းဖြင့် လက်ကိုင်ဖုန်းအသုံးပြုခြင်းကို ဥပဒေအရ တားမြစ်ထားပါသည်။
  • မိုဘိုင်းလ်ဖုန်းကို အားသွင်းရန် အခြားသူများပိုင်ဆိုင်သော လျှပ်စစ်ဓာတ်အားကိုခွင့်မပြုဘဲမသုံးပါနှင့်။ဤကဲ့သို့လုပ်ရပ်တွေကို ဥပဒေအရ တားမြစ်ထားတယ်။

ရထားနှင့် ဘတ်စ်ကားအတွင်း

ရထားနှင့် ဘတ်စ်ကားအတွင်းတွင် အောက်ပါအချက်များကို ဂရုပြုပါ။

  • အသံကျယ်ကျယ်ဖြင့် စကားမပြောပါနှင့်။
  • လက်ကိုင်ဖုန်းဖြင့် စကားမပြောပါနှင့်။
  • သီချင်းသံကို ကျယ်လောင်စွာ နားမထောင်ပါနှင့်။
  • ယာဥ်အတွင်း လူကျပ်နေပါက ကျောပိုးအိတ်ကို ရှေ့တွင် လွယ်ပါ။

ရာဇဝတ်မှုကာကွယ်ခြင်း

ရာဇဝတ်မှု၏ သားကောင်မဖြစ်စေရန် အောက်ပါအချက်များကို ဂရုပြုပါ။

  • အပြင်ထွက်ချိန်တွင် ပြတင်းပေါက်နှင့် ဝင်ပေါက်များကို သော့သေချာခတ်ပါ။
  • ဆိုင်ကယ်၊ စက်ဘီးများကို ရပ်ထားချိန်တွင် သော့သေချာခတ်ပါ။
  • ဆိုင်ကယ်၊ စက်ဘီး၏ နောက်မှချဥ်းကပ်ပြီး အိတ်စသည်တို့ကို ခိုးယူသည့် “လုယူခြင်း” ဟူသည့် အမှုများရှိပါသည်။
  • ညအချိန်တွင် လူအသွားအလာနည်းသောလမ်းကို တတ်နိုင်သမျှ မသွားပါနှင့်။ ထို့အပြင် အချက်ပေးကိရိယာကို ယူဆောင်သွားပါ။

ဂျပန်နိုင်ငံ၏ယာဉ်စည်းကမ်း၊ လမ်းစည်းကမ်းများ

ဂျပန်နိုင်ငံတွင် ကားများသည် ဘယ်ဘက်ခြမ်းတွင် မောင်းနှင်ကြသောကြောင့် လမ်းလျှောက်၍ လမ်းဖြတ်ကူးသည့်အခါ ဦးစွာ ညာဘက်ခြမ်းမှ ဘေးကင်းလုံခြုံရေးကို စစ်ဆေးပါ။

ထို့အပြင် ဂျပန်နိုင်ငံတွင် အရက်မူးပြီး စက်ဘီးစီးခြင်း၊ 2 ယောက်စီးခြင်းကိုတားမြစ်ခြင်း၊ 50 cc အောက်ဆိုင်ကယ်များတွင် 2 ယောက်စီးခြင်းကို တားမြစ်ခြင်းစသဖြင့် ဂျပန်နိုင်ငံတွင် အမျိုးမျိုးသော ယာဥ်စည်းကမ်း လမ်းစည်းကမ်းများရှိသည်။


ကားများသည် ဘယ်ဘက်ခြမ်းတွင်မောင်းနှင်သည်

ဂျပန်နိုင်ငံတွင် ကားများ၊ ဆိုင်ကယ်များနှင့် စက်ဘီးများသည် လမ်း၏ဘယ်ဘက်ခြမ်းတွင် မောင်းနှင်ကြသည်။

ညာဘက်ခြမ်းတွင်မောင်းနှင်သည့်နိုင်ငံများလည်း များစွာရှိသောကြောင့် အစပိုင်းတွင် နိုင်ငံခြားသားတော်တော်များများလည်း တွေဝေရှုပ်ထွေးသွားနိုင်ပါသည်။ လမ်းလျှောက်၍ လမ်းဖြတ်ကူးသည့်အခါ ညာဘက်ကို အရင်ကြည့်ပြီး ကားနှင့် စက်ဘီး လာ မလာကို စစ်ဆေးပါ။


စက်ဘီး၏ ယာဥ်စည်းကမ်း၊ လမ်းစည်းကမ်း

စက်ဘီးကိုလည်း ဘယ်ဘက်ခြမ်းမှ စီးရပါသည်။

စက်ဘီးကိုလည်း ဘယ်ဘက်ခြမ်းမှ စီးရပါသည်။ လမ်း၏ဘယ်ဘက်အစွန်းတွင် မောင်းနှင်ပါ။

စက်ဘီးစီးလို့ရသည့် လူသွားစင်္ကြံလည်းရှိသည်။ ထိုအခြေအနေမျိုးတွင် လူသွားစင်္ကြံ၏ဗဟိုထက် ကားလမ်းဘက်အနီးတွင် စီးနင်းပါ။

စက်ဘီးများအတွက် အဓိက တားမြစ်ချက်နှင့် ပြစ်ဒဏ်များကို စုစည်းဖော်ပြထားပါသည်။

အရက်မူးပြီးမောင်းနှင်ခြင်း

ထောင်ဒဏ် (5 နှစ်အထိ) သို့မဟုတ် ဒဏ်ငွေ (1,000,000 ယန်း အထိ)

မီးပွိုင့်ကို လျစ်လျူရှုခြင်း

ထောင်ဒဏ် (3လအထိ) သို့မဟုတ် ဒဏ်ငွေ (50,000ယန်းအထိ)

မိုဘိုင်းလ်ဖုန်းသုံးရင်း မောင်းနှင်ခြင်း

ထောင်ဒဏ် (3လအထိ) သို့မဟုတ် ဒဏ်ငွေ (50,000ယန်းအထိ)

လက်တစ်ဖက်တည်းဖြင့် မောင်းနှင်ခြင်း

ထောင်ဒဏ် (3လအထိ) သို့မဟုတ် ဒဏ်ငွေ (50,000ယန်းအထိ)
မိုးရွာသည့်အခါ လက်တစ်ဖက်တည်းဖြင့် ထီးမဆောင်းပါနှင့်၊မိုးကာအင်္ကျီ ဝတ်ဆင်ပါ။

မီးမဖွင့်ဘဲမောင်းနှင်ခြင်း

ဒဏ်ငွေ(50,000ယန်းအထိ)
ညဘက်တွင် မီးဖွင့်ပြီး မောင်းနှင်ပါ။

2 ယောက်စီးခြင်း

ဒဏ်ငွေ(20,000ယန်းအထိ)စသဖြင့်
ဂျပန်နိုင်ငံတွင် စက်ဘီးကို 2 ယောက်စီး၍ မရပါ။

ဘေးချင်းကပ်မောင်းနှင်ခြင်း

ဒဏ်ငွေ(20,000ယန်းအထိ)စသဖြင့်
နှစ်စီးနှင့်အထက်ဘေးချင်းယှဉ် မောင်းနှင်ခြင်းအားတားမြစ်ထားသည်


ကား၏ ယာဥ်စည်းကမ်း၊ လမ်းစည်းကမ်း

■ ယာဥ်မောင်းလိုင်စင်

  • နိုင်ငံခြား ယာဉ်မောင်းလိုင်စင်ရှိလည်းပဲ ဂျပန်နိုင်ငံတွင် မောင်းနှင်၍ မရပါ။ စီရင်စုအသီးသီးရှိ ယာဉ်မောင်းလိုင်စင်စင်တာတွင် ရိုးရှင်းသောစာမေးပွဲဖြေဆိုပြီး ဂျပန်နိုင်ငံတွင် မောင်းနှင်နိုင်သည့်လိုင်စင်သို့ ပြောင်းလဲပါ။
  • ယာဉ်မောင်းလိုင်စင်မရှိသူများသည် ယာဥ်မောင်းသင်တန်းသို့သွား၍ ယာဥ်မောင်းလိုင်စင်ကို ရယူရမည်။
  • 50 cc အောက် ဆိုင်ကယ်သာလျှင် စီးနိုင်သည့် “မော်တော်ဆိုင်ကယ်လိုင်စင်” ကို စာမေးပွဲဖြေရုံဖြင့် ရရှိနိုင်ပါသည်။
  • လျှပ်စစ်ဆိုင်ကယ်များလည်း လိုင်စင်လိုအပ်ပါသည်။

■ မော်တော်ဆိုင်ကယ်မောင်းနှင်ခြင်းအတွက် သတိပြုရမည့်အချက်များ

မော်တော်ဆိုင်ကယ်မောင်းနှင်ခြင်း
  • 2 ယောက်စီး၍ မရနိုင်သည့် ဆိုင်ကယ်များလည်းရှိပါသည်။
  • ဆိုင်ကယ်၏ အိတ်ဇောပမာဏပေါ်မူတည်၍ လိုအပ်သောယာဥ်မောင်းလိုင်စင်များမှာလည်း ကွာခြားသည်။
  • 125 cc အောက် ဆိုင်ကယ်ဖြင့် အဝေးပြေးလမ်းမပေါ်တွင် မောင်းနှင်၍ မရနိုင်ပါ။

မော်တော်ဆိုင်ကယ်လိုင်စင်အမျိုးအစား

စီးနိုင်သောဆိုင်ကယ်များ

2 ယောက်စီး

အဝေးပြေးလမ်း

အသေးစား မော်တော်ဆိုင်ကယ်လိုင်စင်

50 cc အထိ

အသေးစား ပုံမှန်မော်တော်ဆိုင်ကယ်လိုင်စင်

125 cc အထိ

ပုံမှန်မော်တော်ဆိုင်ကယ်လိုင်စင်

400 cc အထိ

အကြီးစားမော်တော်ဆိုင်ကယ်လိုင်စင်

အကန့်အသတ်မရှိ

ဂျပန်အများပြည်သူသုံးသယ်ယူပို့ဆောင်ရေး

ဤဆောင်းပါးတွင် IC ကတ် ဝယ်နည်း၊ အသုံးပြုနည်း၊ ရထား၊ ဘတ်စ်ကားစီးနင်းနည်းနှင့် ယာဥ်စီးခ ပေးချေနည်း စသည်တို့ကို မိတ်ဆက်ပေးပါမည်။


သယ်ယူပို့ဆောင်ရေး IC ကတ်

သယ်ယူပို့ဆောင်ရေး IC ကတ်ကို အမျိုးမျိုးသော ကုမ္ပဏီများ၏ ရထားနှင့် ဘတ်စ်ကားခများအတွက် ပေးချေရန် အသုံးပြုနိုင်သည်။

  • IC ကတ်ကို ငွေဖြည့်သွင်းထားလျှင် လက်မှတ်ဝယ်သည့်အခါတိုင်း အချိန်ကုန်သက်သာစေပါသည်။
  • ၎င်းကို ဘူတာရုံရှိ လက်မှတ်အရောင်းဌာန၊ ကောင်တာ၊ ဘတ်စ်ကားရုံးများ စသည်တို့တွင် ဝယ်ယူနိုင်ပါသည်။ ငွေကြိုသွင်းထားရန် လိုအပ်ပါသည်။

သယ်ယူပို့ဆောင်ရေး IC ကတ်သည် ဧရိယာတစ်ခုစီပေါ်မူတည်၍ ကွဲပြားသော်လည်း များသောအားဖြင့် ၎င်းကို အခြားကုမ္ပဏီများ၏ ရောင်းချဧရိယာများတွင်လည်း အသုံးပြုနိုင်ပါသည်။


ရထား

ဂျပန်နိုင်ငံတွင် ရထားလမ်းများကို အလုပ်နှင့် ကျောင်းသွားခြင်းအပါအဝင် အသုံးများသော သယ်ယူပို့ဆောင်ရေးလမ်းကြောင်းအဖြစ် အသုံးပြုကြသည်။

■ ရထားစီးနည်း

  • သွားမည့်နေရာအထိ လက်မှတ်ကိုဝယ်ပြီး လက်မှတ်ကို အလိုအလျောက် လက်မှတ်ဂိတ်တွင် ထည့်ပါ သို့မဟုတ် IC ကတ်ကို ထိပါ
  • သွားလိုသည့်ခရီးသို့ရောက်သည့်အခါ လက်မှတ်ကို အလိုအလျောက်လက်မှတ်ဂိတ်တွင်ထည့်ပါ သို့မဟုတ် IC ကတ်ကို ထိပြီး အပြင်သို့ထွက်ပါ

ဂျပန်တွင်နေထိုင်ရန် အသုံးဝင်သောစမတ်ဖုန်းအက်ပလီကေးရှင်း (သယ်ယူပို့ဆောင်ရေး) | KOKORO

■ လက်မှတ်အမျိုးအစား

  1. ယာဥ်စီးလက်မှတ် (ပုံမှန်ယာဥ်စီးလက်မှတ်)
  2. လပေးလက်မှတ် = အလုပ် သို့မဟုတ် ကျောင်းသွားရန်အတွက် တူညီသောအကွာအဝေးကို ထပ်ခါတလဲလဲ အသွားအပြန်လုပ်သည့်အခါ ၎င်းကို အသုံးပြုသည်။ ပုံမှန်ယာဥ်စီးလက်မှတ်ထက် စျေးသက်သာပါသည်။
    • အသုံးပြုနိုင်သည့်ကာလမှာ 1 လ၊ 3 လ၊ 6 လ စသည်တို့ဖြစ်သည်
    • သတ်မှတ်ထားသည့်အကွာအဝေး၏ အလယ်တွင် လွတ်လပ်စွာ အတက်အဆင်းလုပ်နိုင်ပါသည်

■ အထူးအမြန်လက်မှတ်

အထူးအမြန်ရထား (ကျည်ဆံရထားအပါအဝင်) တွင် စီးသည့်အခါ ယာဥ်စီးလက်မှတ်အပြင် အထူးအမြန်ရထားလက်မှတ် လိုအပ်ပါသည်။ သတ်မှတ်ထားသောခုံတွင် ထိုင်လိုပါက “ထိုင်ခုံသတ်မှတ်ထားသော အထူးအမြန်လက်မှတ်”၊ နေရာမသတ်မှတ်ထားသောခုံတွင်ထိုင်လိုပါက “ထိုင်ခုံနေရာမသတ်မှတ်ထားသောအမြန်လက်မှတ်” ကိုဝယ်ပါ။


ဘတ်စ်ကား

■ အဝေးပြေးဘတ်စ်ကား

အဝေးပြေးဘတ်စ်ကားများသည် ရထားများထက်သက်သာပြီး ဝက်ဆိုဒ်တွင် ကြိုတင်မှာယူ၊ ဝယ်ယူသည့်အခါ ငွေပေးချေမှုသည် ခရက်ဒစ်ကတ်အပြင် ကြိုတင်မှာယူပြီးနောက် ကွန်ဗီနီစတိုးဆိုင်တွင် ငွေသားပေးပြီး လက်မှတ်ကို ရယူနိုင်ပါသည်။ ဘတ်စ်ကားရုံးများနှင့် ခရီးသွားအေဂျင်စီများတွင်လည်း ဝယ်ယူနိုင်ပါသည်။

※ ယာဉ်စီးခသည် ကုမ္ပဏီတစ်ခုနှင့်တစ်ခု ကွဲပြားပြီး နေ့စဉ်ပြောင်းလဲပါသည်။

■ မြို့ထဲဘတ်စ်ကား

  • ဘယ်နေရာအထိစီးစီး ယာဥ်စီးခမှာ အတူတူဖြစ်သည့်အခါ
    • ဘတ်စ်ကားစီးသည့်အခါ၊ သို့မဟုတ် ဆင်းသည့်အခါ ယာဉ်စီးခပုံးထဲသို့ ငွေသားထည့်ပါ သို့မဟုတ် IC ကတ်ကို ထိပါ။
  • အကွာအဝေးပေါ်မူတည်၍ ယာဉ်စီးခ အပြောင်းအလဲရှိသည့်အခါ
    • ကားပေါက်ဝရှိ စက်မှ တုံကင်လက်မှတ်ကို ရရှိပါမည်။ ဘတ်စ်ကားပေါ်မှ ဆင်းသည့်အခါ ယာဥ်မောင်းထိုင်ခုံပေါ်တွင် ပြသထားသည့် တုံကင်လက်မှတ်တစ်ခုစီ၏ ယာဉ်စီးခကို တုံကင်လက်မှတ်နှင့်အတူ ယာဥ်စီးခပုံးထဲသို့ ထည့်ပါ။
    • IC ကတ်ဖြစ်ပါက ဘတ်စ်ကားပေါ် အတက်အဆင်းလုပ်သည့်အခါတွင် နှစ်ကြိမ်ထိပါ။

ဂျပန်လို CV ရေးသားနည်း ဥပမာများ

ဂျပန်နိုင်ငံတွင် အလုပ်ရှာဖွေချိန်တွင် ကိုယ်ရေးမှတ်တမ်းနှင့် Entry Sheet တွင် ‟မိမိ၏ အားသာချက်” ‟လျှောက်ထားရသည့်အကြောင်းအရင်း” ‟အားသာချက်၊ အားနည်းချက်” ကဲ့သို့သော ကော်လံများ ပါရှိသည်။

ဤကဲ့သို့သော ကော်လံတွင် သင်၏ ကောင်းကွက်များကို ထုတ်ဖော်နိုင်ပါက အင်တာဗျူးအောင်မြင်နိုင်ခြေ အလားအလာပိုများပါသည်။ ကိုယ်ရေးမှတ်တမ်းရေးနည်းနှင့် ဥပမာဝါကျများကို မိတ်ဆက်ပေးပါမည်။


ထုတ်ဖော်ချင်သည့်အရာ (သုံးသပ်ချက်) နှင့် ရှင်းပြချက်ကိုရေးပါ

ပညာတော်သင်ကျောင်းသားများသည် ကိုယ်ရေးမှတ်တမ်းတွင် ရေးသားကြသည့် ဝါကျများတွင် ရှင်းပြချက်မပြည့်စုံဘဲ တိုတောင်းသောဝါကျများ မကြာခဏပါရှိသည်။ ထိုအခါ အလုပ်ခန့်မည့်တာဝန်ရှိသူမှာ သင့်အားမတွေ့ဆုံချင်တော့ပါ။ “တွေ့ဆုံချင်တယ်” ဟုတွေးရလောက်နိုင်သည့် ဝါကျများကို သတိပြု၍ ရေးသားပါ။

ကိုယ်ရေးမှတ်တမ်း၏ ကော်လံတစ်ခုစီတွင် အရင်ဆုံး တစ်ဖက်လူအား အပြောချင်ဆုံးအရာ (သုံးသပ်ချက်) ကိုရေးပါ၊ ထို့နောက် ၎င်းနှင့်သက်ဆိုင်သော ရှင်းပြချက်ကို ရေးပါက နားလည်ရလွယ်ကူသော အကြောင်းအရာဖြစ်လာပါမည်။

ထို “ရှင်းပြချက်” တွင် တိကျသော အတွေ့အကြုံကို ထည့်သွင်းပါ။

ဥပမာအားဖြင့်၊ “မိမိသည် အခက်အခဲများကို ကျော်လွှားပြီး ကြိုးစားအားထုတ်နိုင်သည်” ဟူသော “သုံးသပ်ချက်” ကိုပြောပြချင်ပါက ထိုသုံးသပ်ချက်နှင့် သက်ဆိုင်သည့် “ရှင်းပြချက်” အနေဖြင့် သင်သည် ယခင်ကအခက်အခဲများကို ကျော်လွှားပြီး ကြိုးစားအားထုတ်ခဲ့သည့် အတွေ့အကြုံများကို ချရေးခြင်းမှာ စိတ်ကူးကောင်းဖြစ်သည်။


“အားနည်းချက်” များသာလျှင် မရေးပါနှင့်

လူတိုင်းတွင် အားနည်းချက်ကိုယ်စီရှိကြပါသည်။ သို့သော် ကိုယ်ရေးရာဇဝင်တွင် “အားနည်းချက်” များသာလျှင် မရေးပါနှင့်။

ကုမ္ပဏီများမှ သင်သည် ထိုအားနည်းချက်များကို မည်ကဲ့သို့တိုးတက်လာအောင် လုပ်ဆောင်ခဲ့သည်ကို သိလိုချင်ကြပါသည်။

ကုမ္ပဏီသို့အလုပ်ဝင်ပြီးသည့်နောက်တွင် “သင် မလုပ်နိုင်သည့်အရာများ” များစွာပေါ်ထွက်လာပါမည်။ ထို “မလုပ်နိုင်သည့်အရာများ” အပေါ် ကိုင်တွယ်နိုင်ခြင်းရှိ မရှိ သိချင်ကြသောကြောင့်ဖြစ်သည်။

“အားနည်းချက်” ကော်လံတွင် သင်သည် စိန်ခေါ်မှုများနှင့် အားနည်းချက်များကို ကျော်လွှားခဲ့သည့် ဖြစ်ရပ်များကို ချရေးပါ။


ကိုယ်ရေးမှတ်တမ်း၏ ဥပမာဝါကျများ

ဤသို့ဆိုလျှင် စီနီယာပညာတော်သင်ကျောင်းသားများ အမှန်တကယ် ကိုယ်ရေးမှတ်တမ်းတွင် ရေးသားခဲ့သည့် ဝါကျများကို ကြည့်ရင်း စဥ်းစားကြည့်ရအောင်။

ဖြည့်သွင်းရမည့်ကော်လံ-ကျောင်းသားဘဝတွင် စာလေ့လာခြင်းအပြင် အခြားအာရုံစိုက်ခဲ့သည့်အရာများ

“အားနည်းချက်” များသာလျှင် မရေးပါနှင့်

ဥပမာ

ကျွန်မသည် စူပါမားကတ်တွင် ငွေရှင်းကောင်တာ တာဝန်ခံဖြစ်သည်။ အလုပ်စစဝင်ချင်းတုန်းက အမှားများ အများကြီး လုပ်ခဲ့ပါသည်။ နောက်နေ့ကစပြီး အလုပ်မသွားခင် လက်စွဲစာအုပ်ကို ဖတ်ပြီး ငွေရှင်းကောင်တာ လုပ်ဆောင်ချက်ကို မှတ်သားရင်း ဦးနှောက်ကိုလေ့ကျင့်ကာ အကြိမ်ကြိမ် ဖတ်ခြင်းဖြင့် ကိုယ်တိုင်ချက်ချင်းလုပ်နိုင်အောင် ကြိုးစားခဲ့ပါသည်။ တစ်နေ့တာပြီးဆုံးချိန်တွင် ယနေ့လုပ်ဆောင်ခဲ့သည့် အကောင်းအဆိုးများအားလုံးကို ပြန်တွေးကြည့်ကာ တစ်ချိန်တည်းမှာပင် တိုးတက်အောင်လုပ်ဖို့ နည်းလမ်းများကို အေးအေးဆေးဆေး စဉ်းစားခဲ့ပါသည်။ ယခင်အမှားမျိုး ထပ်မဖြစ်အောင် မိမိ၏ ဒိုင်ယာရီတွင် ရေးမှတ်ခဲ့ပါသည်။ မလုပ်နိုင်သည့်အရာမရှိပါ။ ထိုအရာကို လုပ်နိုင်အောင် ကြိုးစားအားထုတ်ရန်သာ အရေးကြီးကြောင်းကို နားလည်လာခဲ့ပါသည်။

ပြုပြင်ရန်အချက်များ

“အမှားတွေ ထပ်မဖြစ်အောင် ကြိုးစားခဲ့တယ်” ဆိုသည့် သုံးသပ်ချက်ကို ရှေ့ဆုံးတွင် ရေးလျှင် နားလည်ရ ပိုလွယ်လာပါမည်။ အထက်ပါဝါကျများကို ပြန်လည်ပြင်ဆင်မည်။

ပြုပြင်ထားသော ဥပမာ

ကျွန်မရဲ့ အချိန်ပိုင်းအလုပ်မှတစ်ဆင့် ကျွန်မရဲ့အမှားတွေကို ချရေးပြီး နောက်ပိုင်းတွင် တိုးတက်အောင် အသုံးချတတ်သော အလေ့အကျင့်ရှိခဲ့ပါသည်။ ကျွန်မ စူပါမားကတ်မှာ ငွေရှင်းကောင်တာတာဝန်ခံကို 3 နှစ်လုပ်ခဲ့ပါသည်။ အစပိုင်းတွင် နားမလည်သည့်အရာများ များစွာရှိခဲ့သည်။

ဥပမာအားဖြင့်၊ ငွေပေးချေမှုအပြီးတွင် ဖောက်သည်ထံမှ အချို့ကို မယူဘဲ ပြန်ပေးလိုသည့်အခါတွင် ဘာလုပ်ရမှန်းမသိဖြစ်နေခဲ့ပါသည်။ ထိုသို့သောအခြေအနေမျိုးတွင် ခေါင်းဆောင်ကို ခေါ်ပြီး လုပ်ဆောင်စေကာ စောင့်ဆိုင်းရခြင်းအတွက် ဖောက်သည်အား တောင်းပန်ပြီးနောက် နောက်တစ်ကြိမ် ကိုယ်တိုင် ကိုင်တွယ်ဖြေရှင်းနိုင်စေရန် ထိုနေ့တွင် မှတ်သားထားခဲ့ပါသည်။

ထို့နောက်တွင်လည်း ကျရှုံးခြင်းနှင့် အောင်မြင်ခြင်း၊ ရင်ဆိုင်ဖြေရှင်းနည်းများနှင့်ပတ်သက်၍ ဆက်လက် ရေးမှတ်ခဲ့ပါသည်။ နောက်ပိုင်း လအနည်းငယ်ကြာပြီးနောက် နားမလည်သည့်အရာများ ဘာမှ မရှိတော့ပါ။ မှတ်စုစာအုပ်၏ အကြောင်းအရာများကို ဂျူနီယာများကိုလည်း ပြောပြခဲ့ပြီး အချို့ကို စတိုးဆိုင်လက်စွဲတွင်လည်း အသုံးပြုစေခဲ့ပါသည်။

ကိုယ်ရေးမှတ်တမ်း၏ ဥပမာဝါကျများနှင့် ရှင်းလင်းချက်|KOKORO

ဂျပန်နိုင်ငံ၏ အာမခံစနစ်အကြောင်း

ဂျပန်နိုင်ငံတွင် နေထိုင်သည့်နိုင်ငံခြားသားများသည်လည်း ပင်စင်ကြေးနှင့် ဆေးကုသမှုအာမခံ (ကျန်းမာရေးအာမခံ) ဝင်ရမည်ဖြစ်သည်။

နာမကျန်းမှုကြောင့် ကျန်းမာရေးအာမခံကတ်ကို ထုတ်ပေးပါက သင်ပေးချေရမည့် ဆေးကုသစရိတ်မှာ လျော့နည်းသွားပါမည်။ ဤစာမျက်နှာတွင် ပင်စင်ကြေး၊ ဆေးကုသမှုအာမခံတို့နှင့်ပတ်သက်၍ ရှင်းပြပေးပါမည်။


ဂျပန်နိုင်ငံ၏ အဓိကလူမှုရေးအာမခံများ

  • ပင်စင်အာမခံ
  • ဆေးကုသမှုအာမခံ (ကျန်းမာရေးအာမခံ)
  • အလုပ်အကိုင်အာမခံ
  • လုပ်ငန်းခွင်မတော်တဆမှုအာမခံ
  • ပြုစုစောင့်ရှောက်မှုအာမခံ

ပင်စင်အာမခံ

ဂျပန်နိုင်ငံ၏ ပြည်သူ့ပင်စင်စနစ်တွင် “လူမှုဖူလုံရေးအာမခံ”၊ “အမျိုးသားပင်စင်” ဟူ၍ ရှိသည်။ နေထိုင်ကြောင်းမှတ်ပုံတင်ထားသည့် နိုင်ငံခြားသားများတွင်လည်း ပင်စင်ထည့်ဝင်ရန် တာဝန်ရှိသည်။

  • လူမှုဖူလုံရေးပင်စင်အာမခံ – “နည်းပညာ၊ လူသားအသိပညာ၊ နိုင်ငံတကာရေးရာလုပ်ငန်း (ပညာရှင်ဗီဇာ)”၊ အထူးကျွမ်းကျင်လုပ်သားနိုင်ငံခြားသားနှင့် ၎င်း၏ မိသားစု၊ နည်းပညာအလုပ်သင်သင်တန်းသားစသည်။ အာမခံကြေးမှာ ကုမ္ပဏီနှင့် ကာယကံရှင်တို့ တစ်ဝက်စီ ကျခံရသည်။
  • အမျိုးသားပင်စင် – ပညာတော်သင်ကျောင်းသားနှင့် ၎င်း၏မိသားစုများ (အသက် 20 အထက် နှင့် 59 နှစ် အောက်)။

မည်သည့်အခြေအနေတွင် ပင်စင်ကို ထုတ်ယူနိုင်သနည်း။

  • 10 နှစ်နှင့်အထက် အာမခံကြေးကို ပေးချေထားသူသည် အသက် 65 နှစ်ရောက်ပါက ပင်စင်ကို နှစ်စဉ်ထုတ်ယူနိုင်သည်။
  • ရောဂါနှင့် ဒဏ်ရာများကြောင့် မသန်စွမ်းဖြစ်လျှင်
  • ကာယကံရှင် ဆုံးပါးသွားလျှင် အိမ်ထောင်ဖက် သို့မဟုတ် ကလေးဖြစ်သူအား ပင်စင်ကို ပေးအပ်သည်။

အာမခံကြေးပြန်ပေးခြင်းနှင့်ပတ်သက်၍

မိခင်နိုင်ငံသို့ ပြန်သွားပြီးနောက် ဂျပန်နိုင်ငံတွင် ပေးဆောင်ခဲ့သော ပင်စင်အာမခံကြေးအချို့ကို ပြန်ရနိုင်သည့် “အလုပ်ထွက်ပြီးနောက် တစ်ကြိမ်တည်းပေးငွေ” ဟူသည့်စနစ်ရှိသည်။

အလုပ်ထွက်ပြီးနောက် တစ်ကြိမ်တည်းပေးငွေ (ဘာသာစကားများစွာ) |ဂျပန်နိုင်ငံပင်စင်ဝန်ဆောင်မှု

ပင်စင်အာမခံကြေးကို ပြန်ရယူနည်း|KOKORO

အမျိုးသားပင်စင်တွင် ဝင်ရောက်ရန်အတွက်

“အမျိုးသားပင်စင်” တွင် မိမိကိုယ်တိုင် ဝင်ရောက်ရမည်ဖြစ်ပြီး အာမခံကြေးလည်း မိမိကိုယ်တိုင် ပေးချေရမည်။

  • အသက် 20 ကျော်ဖြင့် ဂျပန်သို့ လာရောက်သောအခါ မြို့၊ ရပ်ကွက်၊ မြို့နယ်၊ ကျေးရွာရှိ အစိုးရရုံးတွင် နေထိုင်ကြောင်းမှတ်ပုံတင်တင်ပြီး အဆိုပါ အစိုးရရုံးတွင် လုပ်ထုံးလုပ်နည်းကို လုပ်ဆောင်ရမည်။
  • အသက် 19 နှစ်အောက်ဖြင့် ဂျပန်သို့ လာရောက်သောအခါ အသက် 20 ပြည့်ပြီး 2 ပတ်ခန့်အတွင်းတွင် နေအိမ်သို့ “အမျိုးသားပင်စင်ဝင်ရောက်ရန်အကြောင်းကြားစာ” နှင့် ပင်စင်အာမခံကြေးပေးချေလွှာ ရောက်ရှိမည်ဖြစ်သည်။ အဆိုပါ ပေးချေလွှာကို အသုံးပြု၍ အာမခံကြေးကို ပေးချေရမည် သို့မဟုတ် ကျောင်းသားဆိုပါက အတူပေးပို့လိုက်သည့်လျှောက်လွှာတွင် “ကျောင်းသားများအတွက် ပေးချေမှုခြွင်းချက်စနစ်” အသုံးပြုခြင်း (ပေးချေမှုကင်းလွှတ်ခွင့်) ကို လျှောက်ထားပါ။

အမျိုးသားပင်စင်စနစ်ဖွဲ့စည်းပုံ (ဘာသာစကားများစွာ) |ဂျပန်နိုင်ငံပင်စင်ဝန်ဆောင်မှု

တစ်နိုင်ငံလုံးရှိ ပင်စင်ရုံးများ |ဂျပန်နိုင်ငံပင်စင်ဝန်ဆောင်မှု

ကျောင်းသားများအတွက် ပေးချေမှုခြွင်းချက်စနစ်

ကျောင်းသားဆိုပါက ဘွဲ့ရရှိသည်အထိ အာမခံကြေးကို မပေးလျှင်လည်းရသည့် “ကျောင်းသားများအတွက် ပေးချေမှုခြွင်းချက်စနစ်” ရှိသည်။

ကျောင်းသားများအတွက် ပေးချေမှုခြွင်းချက်စနစ် |ဂျပန်နိုင်ငံပင်စင်ဝန်ဆောင်မှု

အခြေခံပင်စင်နံပါတ်အသိပေးလွှာ

အာမခံဝင်ရောက်ပြီးနောက် “ပင်စင်စာအုပ်” နှင့် အာမခံကြေးပေးချေလွှာကို နေအိမ်သို့ ပို့ဆောင်ပေးလျက်ရှိသော်လည်း 2022 ခုနှစ် ဧပြီလတွင် ပင်စင်စာအုပ်ကို ဖျက်သိမ်းလိုက်ပြီး ထိုအစား “အခြေခံပင်စင်နံပါတ်အသိပေးလွှာ” ရောက်ရှိမည်ဖြစ်သည်။

ဂျပန်နိုင်ငံတွင် အလုပ်လုပ်ကိုင်သည့်အခါ အခြေခံပင်စင်နံပါတ် လိုအပ်သည်။


ဆေးကုသမှုအာမခံ

ပြည်သူ့ဆေးကုသမှုအာမခံတွင် အဓိကအားဖြင့် ကျန်းမာရေးအာမခံနှင့် အမျိုးသားကျန်းမာရေးအာမခံဟူ၍ ရှိသည်။

  • ကျန်းမာရေးအာမခံ – ပညာရှင်ဗီဇာ၊ အထူးကျွမ်းကျင်လုပ်သားနိုင်ငံခြားသားနှင့် ၎င်း၏ မိသားစု၊ နည်းပညာအလုပ်သင်သင်တန်းသားစသည်။ အာမခံကြေးသည် ကုမ္ပဏီနှင့် ဝန်ထမ်းမှ တစ်ဝက်စီ ကျခံရမည်ဖြစ်သည်။
  • အမျိုးသားကျန်းမာရေးအာမခံ – ပညာတော်သင်ကျောင်းသားနှင့် ၎င်း၏ မိသားစုများ။
  • ဆေးရုံစသည်တွင် ကျန်းမာရေးအာမခံကတ်ကို ပေးလိုက်ပါက ကိုယ်တိုင်ပေးချေရသည့် ဆေးကုသစရိတ်သည် များသောအားဖြင့် 30% ဖြစ်သည်။
  • အာမခံ အကျုံးမဝင်သည့် ဆေးကုသမှုများလည်း ရှိသည်။

အမျိုးသားကျန်းမာရေးအာမခံသို့ ဝင်ရောက်ရန်အတွက်

“အမျိုးသားကျန်းမာရေးအာမခံ” အား မိမိကိုယ်တိုင် ဝင်ရောက်၍ မိမိကိုယ်တိုင် အာမခံကြေးကို ပေးချေရမည်။

  • မြို့၊ ရပ်ကွက်၊ မြို့နယ်၊ ကျေးရွာရှိ အစိုးရရုံးတွင် လုပ်ထုံးလုပ်နည်းကို လုပ်ဆောင်ခြင်း
  • နေထိုင်ခွင့်ကတ်နှင့် ပတ်စ်စပို့ လိုအပ်သည်
  • အတူနေထိုင်သည့် မိသားစုဝင်များလည်း အတူအာမခံဝင်ပါ
  • နေရပ်လိပ်စာ ပြောင်းလဲပါက နေရပ်လိပ်စာအသစ်၏ အစိုးရရုံးတွင် လျှောက်ထားပါ (အာမခံကတ်အသစ် ဖြစ်မည်)

အလုပ်သမားအာမခံ

အလုပ်သမားအာမခံဟု ခေါ်ဆိုသော အောက်ပါကဲ့သို့ လူမှုရေးအာမခံ ရှိသည်။

  • အလုပ်အကိုင်အာမခံ – အလုပ်ပြုတ်သွားသောအချိန်တွင် ထောက်ပံ့မှုရရှိနိုင်သောစနစ်။ ပညာတော်သင်ကျောင်းသားများ မဝင်ရောက်နိုင်ပါ။
  • လုပ်ငန်းခွင်မတော်တဆမှုအာမခံ – အလုပ်နှင့် အလုပ်တက်ရခြင်းကြောင့် ဖြစ်ပေါ်လာသော နာမကျန်းမှု၊ ဒဏ်ရာ၊ အနာတရဖြစ်မှု၊ သေဆုံးမှုတို့နှင့်ပတ်သက်၍ အလုပ်သမားနှင့် အဆိုပါကျန်ရစ်သူမိသားစုထံ ငွေကြေးထောက်ပံ့သောစနစ်။ ပညာတော်သင်ကျောင်းသားများလည်း ဝင်ရောက်နိုင်သည်။

လူမှုရေးအာမခံနှင့်ပတ်သက်၍ ပိုမိုသိရှိလိုပါက အောက်ပါ အခန်း 7 – ပင်စင်နှင့် လူမှုဖူလုံရေးတွင် စစ်ဆေးပါ။

နေထိုင်မှုဘဝနှင့် လုပ်ငန်းခွင်ဆိုင်ရာ လမ်းညွှန်စာအုပ် | လူဝင်မှုကြီးကြပ်ရေးဝန်ဆောင်မှုအေဂျင်စီ(PDF:11.6MB)


【ကိုးကား】 ပိုမိုသိရှိလိုပါက အောက်ပါလင့်တွင် ကြည့်ရှုပါ

အလုပ်လုပ်ရန် ကတိပြုခြင်း။ အလုပ်အကိုင်သဘောတူစာချုပ်နှင့် ပတ်သက်၍ ④ “အာမခံအကြောင်း” (ဂျပန်ဘာသာစကားသာလျှင်)| Daijob.com

အလုပ်လုပ်ရန် ကတိပြုခြင်း။ အလုပ်အကိုင်သဘောတူစာချုပ်နှင့် ပတ်သက်၍ ⑤ “ပင်စင်အကြောင်း” (ဂျပန်ဘာသာစကားသာလျှင်)| Daijob.com

အလုပ်လုပ်ရန် ကတိပြုခြင်း။ အလုပ်အကိုင်သဘောတူစာချုပ်နှင့် ပတ်သက်၍ ⑥ “အလုပ်ပြောင်းခြင်းအကြောင်း” (ဂျပန်ဘာသာစကားသာလျှင်)| Daijob.com

ဂျပန်နိုင်ငံ၏ ကုန်စျေးနှုန်းနှင့် နေထိုင်မှုကုန်ကျစရိတ်

ဂျပန်နိုင်ငံတွင် အိမ်လခ၊ မိုဘိုင်းလ်ဖုန်း၊ ရထားခစသည်တို့၏ ကုန်ကျစရိတ်မှာ မြင့်မားသည်ဟု ဆိုကြသည်။

ဂျပန်နိုင်ငံတွင် နေထိုင်ရန်အတွက် မည်မျှခန့် ကုန်ကျကာ အချိန်ပိုင်းအလုပ်ဖြင့် မည်မျှလောက် ကာပေးနိုင်ပါသနည်း။


ပညာတော်သင်ကျောင်းသားများအတွက် အိမ်လခ

ပညာတော်သင်ကျောင်းသားများသည် ကိုယ်တိုင် အိမ်ကို ရှာဖွေကြသည်မှာ 70% နှင့်အထက် ရှိသည်။ အခန်းကို တစ်စုံတစ်ယောက်နှင့် မျှဝေသုံးကြသည့် ပညာတော်သင်ကျောင်းသားများလည်း အများအပြားရှိသည်။

မျှဝေသုံးသည့်တစ်ဖက်လူမှာ သူငယ်ချင်း သို့မဟုတ် လူမှုကွန်ယက်စာမျက်နှာ (SNS) မှတစ်ဆင့် ခေါ်ဆိုခြင်းဖြင့် တွေ့ဆုံခဲ့ကြခြင်း စသည်တို့ဖြစ်သည်။ အစောပိုင်းတွင်ပင် မျှဝေနေထိုင်လိုပါက ဂျပန်နိုင်ငံသို့ မလာရောက်မီတွင် ပညာတော်သင်ကျောင်းသားစီနီယာနှင့် တိုင်ပင်ထားလျှင် သင့်တော်ပါသည်။

JASSO (Japan Student Services Organization) မှ 2020 ခုနှစ်တွင် ပညာတော်သင်ကျောင်းသား 10,000 ကို ကောက်ယူသော စစ်တမ်းအရ ပညာတော်သင်ကျောင်းသားများ၏ အိမ်လခများမှာ အောက်ပါအတိုင်း ဖြစ်သည်။

◆ပညာတော်သင်ကျောင်းသား၏ လစဥ် အိမ်လခ

ဧရိယာ

အဓိကမြို့ကြီးများ

အိမ်လခ

ဟော့ကိုင်းဒိုး

ဆပ်ပိုရို

¥28,000

တိုးဟိုခု

ဆန်းဒိုင်း

¥27,000

ခန်းတိုး

ယိုကိုဟားမား

¥41,000

တိုကျို

တိုကျို

¥45,000

ချူးဘု

နာဂိုယာ

¥28,000

ခင်းခိ

အိုဆာကာ

¥35,000

ချူးဂို့ခု

ဟီရိုရှီးမား

¥25,000

ရှိခိုခု

မဆုယမ

¥25,000

ခယူးရှူး

ဖူခုအိုခ

¥24,000

တစ်နိုင်ငံလုံးပျမ်းမျှ

¥35,000

ကိုးကား ။ ။ JASSO (ဂျပန်နိုင်ငံကျောင်းသားဝန်ဆောင်မှုအဖွဲ့အစည်း (Japan Student Services Organization)) 2020 ခုနှစ် ဒေတာအရ (令和れいわ元年度がんねんど私費しひ外国人がいこくじん留学生りゅうがくせい生活せいかつ実態じったい調査ちょうさ概要がいよう)

စပေါ်ငွေ၊ ကျေးဇူးတင်ငွေ ။ ။ ဂျပန်နိုင်ငံတွင် အိမ်ငှားသည့်အခါ အများအားဖြင့်၊ လစဉ် အိမ်ငှားရမ်းခအပြင်၊ (ပြောင်းရွှေ့နေထိုင်သည့်အခါ) စပေါ်ငွေနှင့် ကျေးဇူးတင်ငွေများ ကဲ့သို့သော အခြားကုန်ကျစရိတ်များလည်း ရှိသေးသည်။ အိမ်မငှားတော့သည့်အခါ စပေါ်ငွေအချို့ကို ပြန်ပေးပါသည်။ ဤကုန်ကျစရိတ်များနှင့်ပတ်သက်၍ နောက်စာမျက်နှာတွင် အသေးစိတ်ရှင်းပြထားပါသည်။


ရေနှင့် မီတာခများ

ပညာတော်သင်ကျောင်းသားများအတွက် ပျမ်းမျှ လစဉ် မီတာခမှာ အောက်ပါအတိုင်း ဖြစ်သည်။

ပညာတော်သင်ကျောင်းသား၏ လစဉ် လျှပ်စစ်၊ ဓာတ်ငွေ့နှင့် ရေဖိုး

ဧရိယာ

အဓိကမြို့ကြီးများ

အိမ်လခ

ဟော့ကိုင်းဒိုး

ဆပ်ပိုရို

¥10,000

တိုးဟိုခု

ဆန်းဒိုင်း

¥8,000

ခန်းတိုး

ယိုကိုဟားမား

¥7,000

တိုကျို

တိုကျို

¥7,000

ချူးဘု

နာဂိုယာ

¥7,000

ခင်းခိ

အိုဆာကာ

¥6,000

ချူးဂို့ခု

ဟီရိုရှီးမား

¥8,000

ရှိခိုခု

မဆုယမ

¥8,000

ခယူးရှူး

ဖူခုအိုခ

¥7,000

တစ်နိုင်ငံလုံးပျမ်းမျှ

¥7,000

ကိုးကား ။ ။ JASSO (ဂျပန်နိုင်ငံကျောင်းသားဝန်ဆောင်မှုအဖွဲ့အစည်း (Japan Student Services Organization)) 2020 ခုနှစ် ဒေတာအရ (令和れいわ元年度がんねんど私費しひ外国人がいこくじん留学生りゅうがくせい生活せいかつ実態じったい調査ちょうさ概要がいよう)

ဤဇယားတွင် ဟော့ကိုင်းဒိုး၏ ရေနှင့် မီတာခများ မြင့်မားရခြင်းအကြောင်းရင်းမှာ စစ်တမ်းကို ဖေဖော်ဝါရီလမှ မတ်လအထိ ပြုလုပ်ခဲ့ခြင်းကြောင့် ဖြစ်သည်။ အအေးဓာတ် ပြင်းထန်ပြီး အပူပေးခြင်း (လျှပ်စစ်၊ ဓာတ်ငွေ့) နှင့် ရေချိုးခန်း (ဓာတ်ငွေ့) ကုန်ကျစရိတ် မြင့်မားသောကြောင့် ဖြစ်သည်။ ဟော့ကိုင်းဒိုးတွင် နွေရာသီအတွက် အဲကွန်းကြေး လုံးဝနီးနီး မကုန်ကျပါ။


စားသောက်ကုန်စျေးနှုန်း

ကြက်သွန်နီ

1kg

¥403

ခရမ်းချဉ်သီး

1kg

¥710

မုန်လာဥနီ

1kg

¥336

နို့

1ℓ

¥265

တူနာငါးသေတ္တာ

1 ဘူး

¥163

ဝက်သား

100g

¥259

ကြက်ဥ

10 လုံး

¥214

ကိုးကား ။ ။ စိုက်ပျိုးရေး၊ သစ်တောနှင့် ရေလုပ်ငန်းဝန်ကြီးဌာန၏ စစ်တမ်းအရ (2022 ခုနှစ် ဇန်နဝါရီလ)


ပညာတော်သင်ကျောင်းသားများ၏ အသုံးစရိတ်များ

ပညာတော်သင်ကျောင်းသားများသည် ပညာသင်ဆုများ သို့မဟုတ် ကျောင်းလခ ကင်းလွတ်ခွင့်များ ရရှိခြင်းမပါဘဲ အချိန်ပိုင်းအလုပ်တစ်ခုတည်းဖြင့် ကျောင်းစရိတ်နှင့် နေထိုင်မှုကုန်ကျစရိတ်များကို ရှာဖွေရန်ခက်ခဲသည်။

\2020 ခုနှစ် JASSO စစ်တမ်းအရ နိုင်ငံတကာကျောင်းသားများ၏ လစဉ်အသုံးစရိတ်မှာ အောက်ပါအတိုင်းဖြစ်သည်။

◆ပညာတော်သင်ကျောင်းသား၏ ပျမ်းမျှလစဉ်အသုံးစရိတ်များ

ဧရိယာ

အဓိကမြို့ကြီးများ

အိမ်လခ

ဟော့ကိုင်းဒိုး

ဆပ်ပိုရို

¥120,000

တိုးဟိုခု

ဆန်းဒိုင်း

¥127,000

ခန်းတိုး

ယိုကိုဟားမား

¥162,000

တိုကျို

တိုကျို

¥166,000

ချူးဘု

နာဂိုယာ

¥133,000

ခင်းခိ

အိုဆာကာ

¥149,000

ချူးဂို့ခု

ဟီရိုရှီးမား

¥130,000

ရှိခိုခု

မဆုယမ

¥119,000

ခယူးရှူး

ဖူခုအိုခ

¥126,000

တစ်နိုင်ငံလုံးပျမ်းမျှ

¥148,000

ကိုးကား ။ ။ JASSO (ဂျပန်နိုင်ငံကျောင်းသားဝန်ဆောင်မှုအဖွဲ့အစည်း (Japan Student Services Organization)) 2020 ခုနှစ် ဒေတာအရ (令和れいわ元年度がんねんど私費しひ外国人がいこくじん留学生りゅうがくせい生活せいかつ実態じったい調査ちょうさ概要がいよう)

ပညာတော်သင်ကျောင်းသားများသည် တစ်လလျှင် နာရီ 120 ခန့်သာ အလုပ်လုပ်နိုင်သည်။

အချိန်ပိုင်းအလုပ်တစ်ခု၏ တစ်နာရီလုပ်အားခမှာ ယန်း  မှ 820 မှ 1050 ခန့်လောက်သာဖြစ်သောကြောင့် နာရီ 120 အလုပ်လုပ်လျှင်ပင် ကုန်ကျစရိတ်အားလုံးကို ကာမိရန် မဖြစ်နိုင်ပါ။ ပညာတော်သင်ကျောင်းသားအများစုသည် ၎င်းတို့၏ မိဘများထံမှ ငွေလွှဲပို့ခြင်း စသည်တို့ကို လက်ခံရယူကြပါသည်။

“ပညာရှင်ဗီဇာ” ရယူရန် အမျိုးမျိုးသောနည်းလမ်းများ

ပညာရှင်ဗီဇာ (နည်းပညာ၊ လူသားအသိပညာ၊ နိုင်ငံတကာရေးရာလုပ်ငန်း) ၏ နေထိုင်ခွင့်ဗီဇာရယူရန်အတွက် အမျိုးမျိုးသောနည်းလမ်းများရှိပါသည်။ ဤနေရာတွင် ပညာရှင်ဗီဇာ၏ နေထိုင်ခွင့်ဗီဇာ အဓိကရယူမှုနည်းလမ်းများကို မိတ်ဆက်ပေးပါမည်။


“ပညာရှင်ဗီဇာ” ၏ နေထိုင်ခွင့်ဗီဇာရယူနည်းလမ်း

နည်းလမ်း 4 ခု ကို မိတ်ဆက်ပေးပါမည်။

■ ဂျပန်နိုင်ငံတွင်ပညာတော်သင်ပြီးနောက် ဂျပန်နိုင်ငံတွင် အလုပ်လုပ်ကိုင်ခြင်း

ဤသည်မှာ အသုံးအများဆုံး နည်းလမ်းဖြစ်သည်။ မိခင်နိုင်ငံတွင် အထက်တန်းကျောင်းပြီးဆုံးထားသူသည် ဂျပန်နိုင်ငံရှိ အသက်မွေးဝမ်းကြောင်းကျောင်းနှင့် တက္ကသိုလ်တွင် ဘွဲ့ရရှိပြီး “ပညာရှင်ဗီဇာ” ၏ နေထိုင်ခွင့်ဗီဇာကို ရယူကာ အချိန်ပြည့်ဝန်ထမ်းအနေဖြင့် အလုပ်လုပ်သည့် ဖြစ်ရပ်များ များစွာရှိကြပါသည်။

■ မိခင်နိုင်ငံတွင် အလုပ်ခန့်အပ်ခံရပြီး ဂျပန်နိုင်ငံတွင် အလုပ်လုပ်ကိုင်ခြင်း (အင်ဂျင်နီယာစသည်)

မိခင်နိုင်ငံရှိ ဂျပန်ကုမ္ပဏီ၏ အလုပ်ကမ်းလှမ်းမှုကို ရှာဖွေတွေ့ရှိပြီး လျှောက်ထားကာ အလုပ်ခန့်အပ်ခံရပြီးနောက်တွင် ဂျပန်နိုင်ငံသို့ သွားရောက်ပါမည်။ အများစုမှာ အင်ဂျင်နီယာများ ဖြစ်သည်။

■ မိခင်နိုင်ငံတွင် အလုပ်ခန့်အပ်ခံရပြီး ဂျပန်နိုင်ငံတွင် အလုပ်လုပ်ကိုင်ခြင်း (အထွေထွေအလုပ်)

နိုင်ငံခြားဘာသာစကား အဆင့်မြင့်မားသောနိုင်ငံခြားသားများကို ရှာဖွေရန်အတွက် ဂျပန်ကုမ္ပဏီများမှ နိုင်ငံရပ်ခြားတွင် ကျင်းပသည့် အလုပ်အကိုင်ပြပွဲများတွင် ပါဝင်ပြီး အထွေထွေအလုပ်အဖြစ် ဂျပန်နိုင်ငံရှိ ကုမ္ပဏီများတွင် အလုပ်လုပ်ကိုင်နေသည့် ကျောင်းသားများလည်းရှိပါသည်။

■ နည်းပညာအလုပ်သင်သင်တန်း→မိခင်နိုင်ငံပြန်ခြင်း→ပညာတော်သင်→ အချိန်ပြည့်ဝန်ထမ်း

နည်းပညာအလုပ်သင်သင်တန်းပြီးဆုံး၍ မိခင်နိုင်ငံသို့ ပြန်ပြီးနောက် နောက်ထပ်တစ်ကြိမ် ဂျပန်နိုင်ငံသို့ လာရောက်ပြီး ပညာတော်သင်သည့် ဖြစ်ရပ်များလည်း ရှိပါသည်။ ထို့နောက် ဂျပန်နိုင်ငံတွင် အလုပ်လုပ်ကိုင်ပါမည်။


ပညာတော်သင်ပြီးနောက် ဂျပန်နိုင်ငံတွင် အလုပ်လုပ်ကိုင်ပါက

နိုင်ငံခြားတွင် ပညာတော်သင်ရန် မိတ်ဆက်ပေးသည့်ကုမ္ပဏီတွင် ပညာတော်သင်အစီအစဥ်ကို အပ်နှံသည့် ‌ကျောင်းသားများ အများအပြားရှိပါသည်။

ထိုအခြေအနေမျိုးတွင် အသုံးအများဆုံးပုံစံများမှာ အောက်ပါအတိုင်းဖြစ်သည်။

  1. မိခင်နိုင်ငံရှိ ဂျပန်ဘာသာသင်တန်းစသည်တို့တွင် ဂျပန်စာကို လေ့လာခြင်း (နှစ်ဝက် မှ တစ်နှစ်)
      ↓
  2. ဂျပန်နိုင်ငံရှိ ဂျပန်ဘာသာကျောင်းတွင် ပညာတော်သင်ခြင်း
      ↓
  3. အသက်မွေးဝမ်းကြောင်းကျောင်း
      ↓
  4. အသက်မွေးဝမ်းကြောင်းကျောင်းမှ ဘွဲ့ရရှိပြီး ဂျပန်နိုင်ငံတွင် အလုပ်လုပ်ခြင်း သို့မဟုတ် တက္ကသိုလ်နှင့် ကာလတိုတက္ကသိုလ်တက်ပြီးမှ အလုပ်လုပ်ကိုင်ခြင်း

သို့သော်၊ ဥပမာအားဖြင့် အောက်ပါပုံစံများလည်း ရှိပါသည်။

  1. မိခင်နိုင်ငံတွင် 1-2 နှစ်ကြာ လေ့လာခြင်း
      ↓
  2. ဂျပန်နိုင်ငံရှိ ဂျပန်ဘာသာကျောင်း (1 နှစ်သာလျှင်)
      ↓
  3. အသက်မွေးဝမ်းကြောင်းကျောင်း၊ ကာလတိုတက္ကသိုလ်၊ တက္ကသိုလ်
      ↓
  4. ဂျပန်နိုင်ငံတွင် အလုပ်လုပ်ကိုင်ခြင်း※ပညာတော်သင်ကာလကို လျှော့ချပါက ကုန်ကျစရိတ် များစွာ သက်သာစေပါသည်။

ပညာတော်သင်ခြင်း→အလုပ်အကိုင်ရရှိရန် အမျိုးမျိုးသောနည်းလမ်းများ

စီနီယာများ၏ အမျိုးမျိုးသောပညာတော်သင်ခြင်းများနှင့် အလုပ်အကိုင်ဆိုင်ရာ ဖြစ်စဉ်ဥပမာများကို မိတ်ဆက်ပေးပါမည်။

■ မိခင်နိုင်ငံရှိ တက္ကသိုလ်တစ်ခုခုမှ ဘွဲ့ရရှိခဲ့ပါက

  • မိခင်နိုင်ငံရှိ တက္ကသိုလ် (ဂျပန်ဘာသာသင်ကြားခြင်း)→ဂျပန်နိုင်ငံ၏ အသက်မွေးဝမ်းကြောင်းကျောင်း (2 နှစ်)→ဂျပန်နိုင်ငံတွင်အလုပ်လုပ်ကိုင်ခြင်း
  • မိခင်နိုင်ငံရှိ တက္ကသိုလ် (ဂျပန်ဘာသာသင်ကြားခြင်းမရှိ)→မိခင်နိုင်ငံရှိ ဂျပန်ဘာသာကျောင်း→ဂျပန်နိုင်ငံရှိ ဂျပန်ဘာသာကျောင်း (တစ်နှစ်ခွဲ) →အသက်မွေးဝမ်းကြောင်းကျောင်း (2 နှစ်)→ဂျပန်နိုင်ငံတွင်အလုပ်လုပ်ကိုင်ခြင်း

■ မိခင်နိုင်ငံရှိ အထက်တန်းကျောင်းပြီးဆုံးထားပါက

  • မိခင်နိုင်ငံရှိ အထက်တန်းကျောင်း+ ဂျပန်ဘာသာကျောင်း (1 နှစ်)→ဂျပန်နိုင်ငံရှိ ဂျပန်ဘာသာကျောင်း (တစ်နှစ်ခွဲ)→တက္ကသိုလ် (4 နှစ်)→ဂျပန်နိုင်ငံတွင်အလုပ်လုပ်ကိုင်ခြင်း
  • မိခင်နိုင်ငံရှိ အထက်တန်းကျောင်း→ဂျပန်နိုင်ငံရှိ တက္ကသိုလ် (4 နှစ်)→ဂျပန်နိုင်ငံတွင် အလုပ်လုပ်ကိုင်ခြင်း
    ※တက္ကသိုလ်တွင် ပထမဆုံးအကြိမ် ဂျပန်စာကို လေ့လာပါ။ တက္ကသိုလ်၏ အတန်းများအားလုံးသည် ဂျပန်ဘာသာဖြင့်သာ သင်ကြားပါသည်။

[ကိုးကား] ပိုမိုသိရှိလိုပါက အောက်ပါလင့်တွင် ကြည့်ရှုပါ

ဂျပန်နိုင်ငံတွင် အလုပ်လုပ်ကိုင်နေသော နိုင်ငံခြားသားပညာရှင်များ၏ လက်ရှိအခြေအနေ (ဂျပန်ဘာသာစကားသာလျှင်)| Daijob.com

နိုင်ငံခြားသားပညာရှင်များ၏ အသက်မွေးဝမ်းကြောင်းဒီဇိုင်း (ဂျပန်ဘာသာစကားသာလျှင်)| Daijob.com