ဟိုကိုင်းဒိုးရဲ့ အနောက်ဘက်မှာတည်ရှိပြီး ဂျပန်ပင်လယ်ပြင်ဘက်ကို မျက်နှာမူနေတဲ့ ကျွန်းဆွယ်ပါ။ Shakotan ကျွန်းဆွယ်ဟာ (၄၂) ကီလိုမီတာလောက်ရှည်ပါတယ်။
Kamui အငူကနေကြည့်လိုက်ရင် ရပ်သပ်ရှုမောဖွယ်ရာမြင်ကွင်းကို မြင်ရမှာပါ။
အဲဒီကနေမြင်ရတဲ့ ပင်လယ်ပြင်ရဲ့အရောင်ကိုတောင် Shakotan Blue (ရှခိုတန် အပြာရောင်) လို့ သီးသန့်တင်စားခေါ်ဝေါ်ကြပါတယ်။
Kamui ဆိုတာ အိုင်းနုလူမျိုးတွေရဲ့ ဘာသာစကားနဲ့ နတ်ဘုရားလို့ အဓိပ္ပာယ်ရပါတယ်။
(၁၈၅၅) ခုနှစ်အထိ ရှခိုတန်ကျွန်းဆွယ်ပေါ်က အငူကို အမျိုးသမီးတွေ လာခွင့်မရှိခဲ့ပါဘူး။ ရှခိုတန်ကျွန်းဆွယ်မှာ ပင်လယ်စာလည်းပေါပါတယ်။
အပေါဆုံးကတော့ Uni လို့ခေါ်တဲ့ သံပခြုပ်ကောင်တွေပါပဲ။ အစိမ်းလည်းစားလို့ရသလို ဂျပန်ဟင်းလျာအနေနဲ့ အမျိုးမျိုးရနိုင်ပါတယ်။